Myndin er af sjálfvirku veðurstöðinni á Gjögurflugvelli.

Nokkuð hefur verið rætt um það manna á meðal hvar þessi sjálfvirka veðurstöð er á Bjarnarfjarðarhálsi,sem oft er lesin upp í veðurskeytum og er oft með mesta vind á landinu,og eða mikinn vind sérstaklega í NA. Nú hefur vefurinn fengið upplýsingar um þessa stöð bæði frá Orkubúi Vestfjarða sem á stöðina og setti hana upp,og frá Veðurstofunni. Menn héldu alltaf að þessi stöð væri við þjóðveginn sem liggur yfir Bjarnarfjarðarháls,( sem hét áður fyrr Bassastaðaháls),til Bjarnarfjarðar,en svo er ekki. Stöðin mun vera fyrir ofan Kleyfar og eða Hellu á Selströnd þar uppá Bjarnarfjarðarhálsi. „Samkvæmt Sölva Sólbergssyni framkvæmdastjóra orkusviðs hjá Orkubúi Vestfjarða voru settar upp tvær veðurstöðvar önnur á Bjarnarfjarðarhálsi og hin á Arnkötludalsheiði. Mælt er hitastig, loftþrýstingur, rakastig og vindur. Þarna er eingöngu verið að horfa til nýtingu vindsins og tengist ekki þörfum almennings.  Svokallað „Vindatlas“ sem til er yfir allt landið, tekur tillit til landslags. Þessar mælingar eru ætlaðar til að sannreyna vindatlasið. Einnig segir hann að það hefði mátt nefna stöðina Hellustöð. Það liggur ekki fyrir hvað mælarnir verða lengi uppi segir Sölvi enn fremur.“

(upplýsingar gagnabrunnur Veðurstofu Íslands.)