Fleiri fréttir

Jón G. Guðjónsson | föstudagurinn 24. júlí 2015 Prenta

Ferðafélag barnanna í heimsókn.

Hópurinn ásamt fararstjóranum Auði Elfu Kjartansdóttur.
Hópurinn ásamt fararstjóranum Auði Elfu Kjartansdóttur.

Ferðafélag barnanna hefur komið oft undanfarin ár í Árneshrepp og halda þá til í Ferðafélagshúsinu á Valgeirsstöðum í Norðurfirði. Undanfarin ár hefur Auður Elfa Kjartansdóttir landfræðingur hjá Veðurstofu Íslands verið einn af fararstjórunum. Oftast eru haldnar kvöldvökur, og farið í ýmsa leiki, og fjöruferðir og oft er kveiktur varðeldur á kvöldin í fjörunni fyrir neðan Valgeirsstaði. Í dag var gengið á Reykjaneshyrnu sem er 316 metrar að hæð, þá er oftast komið við í Litlu-Ávík og veðurstöðin skoðuð og fræðst um lýsingar á veðri, rakastigi og öðrum mælingum, en þann 12. ágúst eru tuttugu ár síðan veðurathuganir í Litlu-Ávík hófust. Og þá er farið í sögunarskemmuna og rekaviður skoðaður sem kemur frá Síberíu, sem mikið er unnið úr í Litlu-Ávík. Börnin eru einnig þátttekendur í listasmiðju, þar sem eingöngu er notaður efniviður úr nánasta umhverfi, og ímyndunaraflið hefur lausan tauminn. Í þessum ferðum fá börnin að njóta sín í friðsælu umhverfi náttúrunnar á Ströndum.

Athugasemdir

Atburðir

« 2019 »
« Júní »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Úr myndasafni

  • Fjarskiptastöð Símans við Reykjaneshyrnu.
  • Margrét S Nielsen og Sveinn Sveinsson vertar í Kaffi Norðurfirði.12-03-2012.
  • Borgarísjaki vestan við Sælusker, 19-06-2018.
  • Íshrafl í Ávíkinni 18-12-2010.
  • Söngur.
Vefumsjón