Fleiri fréttir

Jón G. Guðjónsson | föstudagurinn 12. september 2008 Prenta

Fréttatilkynning frá Fræðslumiðstöð Vestfjarða.

Vestra húsið.Mynd FRMST.
Vestra húsið.Mynd FRMST.

Vika símenntunar verður í níunda sinn 22.-28. september 2008. Markmið viku símenntunar er að auka símenntun í atvinnulífinu og hvetja fólk til að leita sér þekkingar alla ævi. Í viku símenntunar 2008 er lögð áhersla á fræðslu í fyrirtækjum og sem fyrr að ná til þeirra sem hafa litla formlega menntun.

Fræðsluskrifstofa Vestfjarða í samvinnu við fleiri aðila mun heimsækja fyrirtæki og stofnanir á Vestfjörðum og kynna starfsemi sína.

·        Mánudaginn 22. september verðum við á Þingeyri. Frá 13.00 – 17.00 verða fyrirtæki og stofnanir heimsótt.

Frá 20.00 – 22.00 verður kynning í húsi Björgunarsveitarinnar Dýra og námskeiðið ,,Útieldun við opinn eld“ haldið, þátttakendum að kostnaðarlausu.

·        Þriðjudaginn 23. september í Vesturbyggð og Tálknafirði. Frá 13.00 – 17.00 verða fyrirtæki og stofnanir heimsótt. Frá 20.00 – 22.00 verður kynning í Sjóræningjahúsinu á Patreksfirði og námskeiðið ,,Útieldun við opinn eld“ haldið, þátttakendum að kostnaðarlausu.

·        Miðvikudaginn 24. september verðum við á Reykhólum. Frá 13.00 – 17.00 verða fyrirtæki og stofnanir heimsótt. Frá 20.00 – 22.00 verður kynning í Reykhólaskóla og námskeiðið ,,Útieldun við opinn eld“ haldið, þátttakendum að kostnaðarlausu.

·        Fimmtudaginn 25. september verðum við á Drangsnesi og á Hólmavík. Frá 10.00-12.00 verða fyrirtæki og stofnanir á Drangsnesi heimsótt. Frá 13.30 – 17.00 verða fyrirtæki og stofnanir á Hólmavík heimsótt. Frá 20.00 – 22.00 verður kynning við Galdrasýningu og námskeiðið ,,Útieldun við opinn eld“ haldið, þátttakendum að kostnaðarlausu.

Á öllum stöðunum verður boðið upp á létt skemmtiatriði á kynningarfundunum.

Miðvikudagurinn 24. september er árlegur símenntunardagur í fyrirtækjum og stofnunum. Fyrirtæki eru hvött til að tileinka þann dag fræðslumálum, t.d. med því að kynna starfsmönnum fræðslustefnu fyrirtækisins, bjóða upp á námskeið eða fá kynningar frá fræðsluaðilum, stéttarfélögum eða styrktarsjóðum.


Menntamálaráðuneytið stendur fyrir viku símenntunar en framkvæmd verkefnisins er í nánu samstarfi við símenntunarstöðvarnar níu á landsbyggðinni og Mími-símenntun og Framvegis á höfuðborgarsvæðinu. Vika símenntunar er stórt og árvisst verkefni þar sem fjölmargir hagsmunaaðilar eru kallaðir til samstarfs um að vekja athygli á mikilvægi símenntunar og hvetja fólk til að leita sér þekkingar.

 

 

Athugasemdir

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Maddý-Sirrý og Selma.
  • Teikning af nýju kaffihúsi á Norðurfirði.
  • Gjögurviti-byggður 1921 hæð 24 m.-2001.
  • Súlan sem er 18,5 m löng komin á flot.
  • Hræran losuð.06-09-08.
  • Oddný Oddviti heldur ræðu.
Vefumsjón