Fleiri fréttir

Jón G. Guðjónsson | föstudagurinn 7. september 2018 Prenta

Heimasmalanir byrjuðu í gær.

Sumrungurinn Ágúst.
Sumrungurinn Ágúst.
1 af 4

Þrátt fyrir þoku í gær byrjuðu bændur hér í Árneshreppi að smala heimalönd sín og eyðibýli. Þokunni létti nú til eftir því sem leið á daginn. Í þessari fyrstu heimasmölun var smalað frá Trékyllisvík og Stóru-Ávíkurland og rekið inn í Litlu-Ávík. Farið var síðan um miðjan dag, þá var þokan búin að lyfta sér upp í um fimmhundruð metra, og smalaður Ávíkurdalurinn og rekið inn í Litlu-Ávík. Síðan var dregið og bændur sem fengu fé keyrðu sínu fé heim.

Í Ávíkurdalnum fékk Sigursteinn Sveinbjörnsson bóndi í Litlu-Ávík tvævetlu með sumrung sem svo er kallað þegar ær ber á sumrin. Lambið sem er hrútlamb er sennilega um hálfsmánaðar gamalt, vænt og fallegt lamb. Það mætti gefa honum nafnið Ágúst, því í Ágúst er hann fæddur örugglega.

Í dag var smalað á Kjörvogi, það er norðan við flugvöll um Gjögur og Kjörvogshlíðin. Einnig var smöluð Reykjanesströndin, Reykjaneshyrnan, Hólarnir og rekið inn í Litlu-Ávík og sorterað. Lömb virðast væn, enn ekki er búið að vigta neitt en, nema það verði þá í Litlu-Ávík í kvöld.

Athugasemdir

Atburðir

« 2019 »
« Júní »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Úr myndasafni

  • Unnið í minni sperrum og rétt af.06-11-08.
  • Húsið fellt.
  • Nýr ljósastaur komin upp,13-11-08.
  • Ein húseining hífð.27-10-08.
  • Adolfshús-05-07-2004.
  • Byrjaðað jafna brunarústir við jörðu 19-06-2008.
Vefumsjón