Fleiri fréttir

Jón G. Guðjónsson | mánudagurinn 13. janúar 2014 Prenta

OV fyrirhugar að halda áfram jarðstrengjalögn í Árneshreppi.

Jarðstrengir voru lagðir í sumar sem leið.
Jarðstrengir voru lagðir í sumar sem leið.

Rafmagnsleysi hefur verið mjög títt í Árneshreppi á Ströndum undanfarnar vikur. Halldór Magnússon, framkvæmdastjóri rafveitusviðs hjá Orkubúi Vestfjarða, segir mikla ísingu hafa verið á línunni yfir Trékyllisheiði og hún hafi slitnað á fleirum en einum stað. Þá gerði vonskuveður á heiðinni viðgerðarmönnum erfitt fyrir. Halldór segir að skemmdir á línum hefðu orðið mun meiri ef Orkubúið hefði ekki gert skurk í að koma þeim í jörð á síðasta ári. „Við framkvæmdum fyrir 50 milljónir í hreppnum í fyrra og á framkvæmdaáætlun 2014 eru ráðgerðar framkvæmdir fyrir 33 milljónir í Árneshreppi,“ segir Halldór í viðtali við bb.is á föstudaginn 10., janúar. Enn fremur segir Halldór að í ár sé ráðgert að koma línunni sem liggur frá botni Reykjarfjarðar um Naustvíkurskörð yfir í Trékyllisvík í jörð.

Orkubúið er ekki með neitt varaafl í sveitinni en bæirnir eru sjálfir með eigin rafstöðvar. Að sögn Halldórs var það metið sem meira forgangsmál að setja línur í jörð í hreppnum en að koma upp varaaflsstöð og segir gott dreifikerfi innansveitar forsendu varaafls.

Athugasemdir

Atburðir

« 2019 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Inni lokað loftrúm.12-11-08.
  • 29-12-2010.Borgarísjakinn Jóli ca 8km A af Reykjaneshyrnu.Myndin tekin á Reykjanesi.
  • Skip á Norðurfirði 19-04-2007.
  • Mikil froða eða (sælöður),myndaðist í Ávíkinni í miklu brimi í óveðrinu 10. september 2012,engu líkara var en helt hefði verið fleiri þúsund lítrum af sápu í sjóinn.
Vefumsjón