Fleiri fréttir

Jón G. Guðjónsson | sunnudagurinn 2. apríl 2017 Prenta

Veðrið í Mars 2017.

Oft var heiðskírt eða léttskýjað í byrjun mars. Urðarfjall. 03-03-2017.
Oft var heiðskírt eða léttskýjað í byrjun mars. Urðarfjall. 03-03-2017.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hæglætis og björtu veðri, fyrstu fimm dagana, léttskýjað eða jafnvel heiðskírt var og mikið um norðurljós, enn talsvert frost var. Síðan frá 6. voru norðaustlægar vindáttir með úrkomu fram til 10. Frá 11. til 15. voru suðlægar eða norðlægar vindáttir með einhverri úrkomu. Frá 16 til 21 voru hafáttir N, NA eða A, með snjókomu eða éljum og oft með nokkru frosti. Þá gerði suðlægar vindáttir, og hvassviðri 23 og 24 með stormkviðum. Þá gerði hægviðri í þrjá daga. Síðustu tvo dagana voru hægar hafáttir með súld.

Talsverð dægursveifla var á hitastigi í mánuðinum, það er, talsvert frost á nóttu en þegar sólin náði að skína þá hlýnaði talsvert yfir daginn, jörð er farin að taka við sér neðanfrá, hlýna. Talsvert frost var við jörð á nóttinni,(mælir er í 5 cm hæð við jörð.) eða í 23 daga, þótt lofthiti væri oft í tveggja metra hæð. Mesta frost við jörð fór niður í -10,6 stig þann 18.

Mæligögn:

Úrkoman mældist 49,5 mm. (í mars 2016: 59,7 mm.)

Úrkomu sem varð vart en mældist ekki var í 3 daga.

Þurrir dagar voru 8.

Mestur hiti mældist +8,0 stig þann 25.

Mest frost mældist -7,0 stig þann 18.

Meðalhiti mánaðarins var 0,7 stig.

Meðalhiti við jörð var -2,58 stig. (í mars 2016: -1,38 stig.)

Alhvít jörð var í 9 daga.

Flekkótt jörð var í 15 daga.

Auð jörð var því í 7 daga.

Mesta snjódýpt mældist 9 cm. dagana 1-2-3 og 4.

Sjóveður: Slæmt dagana, 8, 9, 11, 16, 19, 20. Annars sæmilegt og sérlega eftir 20 og út mánuðinn.

Yfirlit dagar eða vikur:

1-5: Suðaustan andvari eða kul, þurrt í veðri, hiti -6 til 3 stig.

6-10: Norðaustan ,gola, stinningsgola eða kaldi, súld, rigning, slydda, snjókoma, hiti -2 til 4 stig.

11: Sunnan eða SSV, stinningskaldi, kaldi, gola, skúrir, hiti 2 til 6 stig.

12: Norðvestan, gola, þokuloft, súldarvottur. hiti 0 til 4 stig.

13: Suðlæg vindátt og síðan breytileg, gola, kaldi, kul, lítilsáttar súld, hiti, 2 til 5 stig.

14: Norðvestan gola, stinningsgola, síðan SV kaldi, slydda, snjókoma, hiti, 0 til 3 stig.

15: Suðvestan kaldi, stinningsgola, gola, slydduél, hiti 0 til 3 stig.

16-21: Norðan, NA eða A, stinningskaldi, kaldi, stinningsgola, gola, snjókoma, él, þurt í veðri þ. 21. hiti -7 til 2,5 stig.

22-26: Sunnan eða SV, gola, stinningsgola, kaldi, stinningskaldi en allhvasst og hvassviðri með stormkviðum 24 og 25, él, snjókoma, skúrir, rigning, hiti, -3 til 8 stig.

27-29: Breytilegar vindáttir, andvari, kul eða gola, þurrt í veðri 27 og 28, en súld þ. 29. hiti – 2 til 5 stig.

30-31: Norðaustan eða N, gola, stinningsgola, súld, hiti 1 til 4 stig.

Tekið saman af Jóni G Guðjónssyni veðurathugunarmanni í Litlu-Ávík.

Athugasemdir

Atburðir

« 2017 »
« September »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Úr myndasafni

  • Kaupfélagið í Norðurfirði:07-02-2009.
  • Sigursteinn lagar spýtur til.Allt verður dregið upp með traktor seinna.
  • Grásteinn(Grænlandssteinn) í landi Stóru-Ávíkur 05-02-2005.
  • Fyrsta hollið komið út á sjó.
  • Mikil froða eða (sælöður),myndaðist í Ávíkinni í miklu brimi í óveðrinu 10. september 2012,engu líkara var en helt hefði verið fleiri þúsund lítrum af sápu í sjóinn.
  • Hafís útaf Reykjanesströnd.
Vefumsjón