Fleiri fréttir

Jón G. Guðjónsson | mánudagurinn 10. júlí 2017 Prenta

Vikan 3- 10 júlí 2017, hjá Lögreglunni á Vestfjörðum.

63. voru kærðir fyrir of hraðan akstur
63. voru kærðir fyrir of hraðan akstur

Eldur varð laus í spennimannvirki Orkubús Vestfjarða í Skötufirði seint að kveldi 7. júlí. Lögregla og slökkvilið fór á vettvang og einnig starfsmenn Orkubúsins. Tildrög þessa eru til rannsóknar.

Lögreglu bárust alls 9 tilkynningar í vikunni um að ekið hafi verið á búfé á vegum í umdæminu. Flestar tilkynningarnar vörðuðu atvik í Ísafjarðardjúpi.

Aðfaranótt 4. júlí barst lögreglu tilkynning um grunsamlegar mannaferðir í húsnæði Grunnskólans á Ísafirði, við Austurveg. Þegar lögreglan kom á vettvang kom í ljós að búið var að brjótast þar inn og hafði lögreglan upp á öðrum þeirra sem það gerði. Hinn kom í leitirnar skömmu síðar. Játning liggur fyrir hjá þessum tveimur aðilum að hafa brotist inn í byggingu skólans og valdið einhverju tjóni þar. Aðilarnir voru ölvaðir.

Tilkynnt var um umferðaróhapp í göngunum milli Bolungarvíkur og Hnífsdals um miðjan dag þann 3 . júlí. Krani vörubifreiðar, sem ekið var inn í göngin frá Bolungarvík, rakst upp í hæðarslá. Hæðarsláin féll niður og á fólksbifreið sem þarna var á ferð einnig. Engin slys urðu á vegfarendum en töluvert tjón á fólksbifreiðinni og umferðarmannvirkjum í göngunum.

Kl.15:00 föstudaginn 7. júlí barst tilkynning í gegnum Neyðarlínuna um umferðarslys í göngunum undir Botnsheiði (leiðin til og frá Súgandafirði). Lögregla, slökkvilið og sjúkraflutningamenn, auk læknis, fóru á vettvang, enda var tilkynnt um harðan árekstur og að fimm aðilar væru slasaðir. Bifreiðar sem komu úr gagnstæðum áttum rákust saman. Þess skal getið að á þessum stað eru göngin einbreið með útskotum öðru megin.  Ökumenn og farþegar voru fluttir á sjúkrahúsið á Ísafirði. Enginn þó með lífshættulega áverka. Tveir þessara aðila voru þó fluttir með sjúkraflugi til Reykjavíkur til frekari aðhlynningar. Málið er til rannsóknar.

63 ökumenn voru kærðir fyrir of hraðan akstur í umdæminu. Flestir voru þeir stöðvaðir á Djúpvegi og í Strandasýslu.

Einn ökumaður var kærður í vikunni, grunaður um ölvun við akstur. Höfð voru afskipti af þeim aðila í Bolungarvík að morgni 5. júlí.

Athugasemdir

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Þórólfur Guðfinnsson.
  • Kaupfélagshúsin og Íbúðir á Norðurfirði-06-07-2004.
  • Sumt þarf að flytja í traktorsskóflum.06-09-08.
  • Kistuvogur þar sem galdrabrennur fóru fram.28-06-2003.
Vefumsjón