Fleiri fréttir

Jón G. Guðjónsson | þriðjudagurinn 4. október 2011 Prenta

Vikan hjá Lögreglunni á Vestfjörðum 26. sept til 3. okt 2011.

Aðfaranótt laugardagsins var tilkynnt til lögreglu um mann í sjónum við Hólmavík.
Aðfaranótt laugardagsins var tilkynnt til lögreglu um mann í sjónum við Hólmavík.
Þessi vika var í rólegri kantinum hjá lögreglunni á Vestfjörðum. Aðalverkefnin voru á föstudeginum, þegar líða tók á kvöldið og veðrið versnaði. Eitthvað var um að lausir munir væru að fjúka , en björgunarsveitarmenn sáu um að koma hlutum í skjól og hindra frekara fok. Grjót hrundi á vegina við Þingeyri, í Trostansfirði og á Súðavíkurhlíð. Engan sakaði í þessum skriðum.

Klukkan 01:59 aðfaranótt laugardagsins var tilkynnt til lögreglu um mann í sjónum við Hólmavík. Var maðurinn á sundi og stefndi frá landi. Björgunarsveit var kölluð til með viðeigandi búnað. Náðu björgunarsveitarmenn manninum, sem var ekkert á því að koma í land. Var hann fluttur á sjúkrahús til aðhlynningar, en líkamshiti hans var farinn að dala talsvert. Ekki gat maðurinn gert neina grein fyrir háttarlagi sínu.

Þann 26. sept. klukkan 18:28 var tilkynnt um dauða rollu sem hafði verið skotin með kraftmiklum riffli. Lögreglan fór á staðinn, sem var um 300 metra ofan við skorsvæði skotfélagsins upp á heiði, fyrir ofan Dagverðardal. Málið er í rannsókn hjá lögreglu. Heldur er þetta döpur frétt, lítilmannlegt framferði skotmannsins. Lögreglan óskar eftir upplýsingum sem gætu leitt í ljós hver gerandinn er.

Enginn var kærður fyrir of hraðan akstur og er það frétt út af fyrir sig. Tilkynnt var um tvö tilvik þar sem ekið var á lamb og rollu. Mikið er um kvartanir íbúa Ísafjarðar vegna aksturs léttra bifhjóla í bænum. Mikill hávaði er af þessu og ónæði fyrir fólk. Hefur fólk kvartað yfir of hröðum akstri þeirra og tillitsleysi gagnvart öðrum í umferðinni. Lögreglan er með þessi mál til skoðunar.

Athugasemdir

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Það stærsta og besta af viðnum verður tekinn.
  • Björn-Kristján-Guðmundur og Ágúst.
  • Stakur borgarísjaki 3. KM NA af Reykjaneshyrnu. 02-01-2018.
Vefumsjón