Þrír ökumenn voru stöðvaðir fyrir of hraðan akstur í liðinni viku í og við Ísafjörð. Þá var tilkynnt um tvö umferðaróhöpp í vikunni. Bíll hafði fokið út af veginum við afleggjarann að Holti í Önundarfirði,litlar skemmdir og ekki slys á fólki. Tilkynnt var til lögreglu s.l. mánudag að ekið hafi verið utan í bíl, á tímabilinu frá föstudeginum 1. nóv.,til mánudagsins 4. nóv.,á bifreiðastæði við Smiðjugötu á Ísafirði. Þeir sem einhverjar upplýsingar geta gefið um atvik þetta,eða vitni,vinsamlegast hafið samband við lögregluna á Vestfjörðum í síma 450-3730

Þrjár aðstoðarbeiðnir bárust  lögreglu vegna veðurs/foks í firradag sunnudag, ein á Ísafirði vegna foks á þaki af fjárhúsum við Efri – Tungu í Tungudal,Skutulsfirði, þar fauk hluti af þakinu og greiðlega gekk að fergja það sem fauk,þannig að það ylli ekki frekari tjóni, eigandi gerði ráðstafanir til að koma í veg fyrir frekari fok. Þá voru vegfarendur í vanda á Hrafnseyrarheiði og við Hrafnseyri í Arnarfirði.  Björgunarsveit var kölluð út þeim til aðstoðar. Þá voru tveir ökumenn kærðir vegna grun um ölvum við akstur um liðna helgi. Skemmtanahald í umdæminu fór nokkuð vel fram um helgina og án teljandi afskipta lögreglu.