Fleiri fréttir

Jón G. Guðjónsson | þriðjudagurinn 15. mars 2022

Erfitt var að taka veðurathugun í 34 m/s.

Mælaskýli
Mælaskýli
1 af 2

Það hefur verið oft strembið að fara út í mæla og taka veðurathuganir í þessu veðri sem búið er að vera að undanförnu og að miklu leyti í vetur. Það hefur Jón G Guðjónsson veðurathugunarmaður í Litlu-Ávík þurft að reyna,eins og núna í síðasta ofsaveðri mánudaginn 14 mars þegar jafnavindur var um 34 m/s þegar hann fór út á báðum áttum, hvort hann fara eða ekki út, að lesa af mælum klukkan 18:00.,enn hann lét sig hafa það og las af mælum og allt sem þarf að gera í þessum athugunum. Það er að lesa hitastig eins og það er þá og hámarkshitann og lágmarkshitan. Einnig þarf þá að setja lágmarksmæli við jörð í slíður sem er 5 CM. Ofan við jarðlag, eða snjólag. Þá fór allt úr böndunum, gerði ofsakviður og skóf upp skarna og klakastykki. Þá hjekk hann með vinstri hendi í mælahúsgrindinni og með hægri hendi með mælinn til að stinga honum í slíðrið, en náði ekki niður úr annarri tröppu, þurfti því að figra sig niður á jörð til að koma mælinum á réttan stað.

Jón var klæddur í galla og úlpu og í stígvélum með broddum, enda var mjög sleipt og svell víða við mælaskýlið og reyndar alla leið heim í hús. Enn þegar jón kom inn og búin að senda veðurathugun á Veðurstofu Íslands, fór honum að svíða allrosalega fyrir ofan hægri úlnliðinn í hægri hendi og þar voru nokkrir rauðir dílar eða eins og punktar og aðeins bólgið. Ermin hefur færst upp þegar Jón var að teygja sig með mælinn á meðan skarinn gekk yfir og stungist í holdið. Kviðan þá hefur sennilega verið um og yfir 40 m/s.

Jón segist hafa tvívegis áður hafa lent í svipuðu veðri.

Jón G. Guðjónsson | miðvikudagurinn 2. mars 2022

Veðrið í Febrúar 2022.

Reykjaneshyrna 316 M.
Reykjaneshyrna 316 M.

Yfirlit yfir veðrið frá veðurstöðinni í Litlu-Ávík.

Fyrstu tvo daga mánaðar var hæg suðlæg vindátt með talsverðu frosti. Frá 3 til 7 voru norðlægar vindáttir oft með hvassviðri og ofankomu. 8 og 9 var norðaustan oft allhvasst með snjókomu og skafrenningi. !0 og 11 var suðvestanátt og austlæg átt um kvöldið þann 11 og talsvert frost. Þann 12 var austnorðaustan og smá él um kvöldið, frost. Frá 13 til 20 voru austlægar vindáttir yfirleitt með nokkru frosti, éljum og snjókomu. Frá 21 og út mánuðinn, voru umhleypingar oft með hvassviðri og jafnvel stormi og ofankomu og skafrenningi.

Reyndar voru umhleypingar allan mánuðinn, margátta stundum yfir sólarhringinn. Sjá nánar hér neðar Yfirlit dagar eða vikur.

Mæligögn:

Úrkoman mældist 57,0 mm. (í febrúar 2021: 69,5 mm.)

Úrkomu sem varð vart en mældist ekki var í 2 daga.

Þurrir dagar voru 6.

Mestur hiti mældist þann 26: +5,6 stig.

Mest frost mældist þann 10: -9,6 stig.

Meðalhiti mánaðarins var -1,3 stig.(í febrúar 2021: 0,7 stig)

Meðalhiti við jörð var -4,89 stig. (í febrúar 2021: -2,36 stig.)

Sjóveður: Mest var slæmt sjóveður í mánuðinum, en sæmilegir dagar voru þó dagana 2, 13, 14, 15, 16, 17, 18, það er sjólítið eða dálítill sjór. Annars slæmt vegna ölduhæðar eða mikils vinds, það er dálítill, sjór, talsverður sjór, allmikill sjór, mikill sjór, stórsjór.

Alhvít jörð var í 28 daga.

Flekkótt jörð var í 0 dag.

Auð jörð var því í 0 dag.

Mesta snjódýpt mældist þann 8: 35 CM.

Yfirlit dagar eða vikur:

1-2: Suðvestan, S, kul eða gola úrkomulaust þ.1. Smá él þ.2. Frost -2 til -7,5 stig.

3-6: Norðan eða NA, kaldi, stinningskaldi, allhvasst, hvassviðri, snjókoma, él, skafrenningur, frost frá-6 uppí 0 stig.

7: Austnorðaustan, allhvasst, síðan suðvestan, stinningskaldi, snjókoma, hiti frá +3 niður í -4 stig.

8-9: Norðaustan stinningsgola, kaldi, stinningskaldi, allhvasst, snjókoma, skafrenningur, frost -0 til -5 stig.

10-11: Suðvestan, V, stinningskaldi, síðan ANA kaldi um kvöldið þ.11. úrkomu varð vart þ.10. Enn úrkomulaust þ.11. Frost -1 til -9,6 stig.

12: Austnorðaustan stinningskaldi, lítilsáttar él um kvöldið, frost -2 til -4 stig.

13-20: Austan, NA, ASA, gola, stinningsgola, kaldi, allhvasst, hvassviðri, snjókoma, él, skafrenningur, úrkomulaust var 17 og 18, og úrkomu varð vart þ.13. Hiti frá +3 niður í -7 stig.

21-22: Suðaustan, A, SSV, kul, gola, kaldi, stinningskaldi, hvassviðri, snjókoma, slydda, rigning, hiti -3 til +3 stig.

23-25: Norðaustan, ANA, stormur, hvassviðri, stinningskaldi, kaldi, snjókoma, skafrenningur, hiti frá +2 stigum niður í -6 stig.

26-27: Sunnan, SV, VSV, SA, ANA, kul, gola, stinningsgola, stinningskaldi, skúrir, snjóél, hiti +6 niður í -3 stig.

28: Norðnorðaustan og N, hvassviðri, allhvasst, slydda, snjókoma, hiti +2 niður í -1 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 2. febrúar 2022

Veðrið í Janúar 2022.

Það snjóaði talsvert í mánuðinum.
Það snjóaði talsvert í mánuðinum.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með stormi eða hvassviðri og éljum til 3 dags mánaðar. Frá 4 til 10 voru austlægar eða suðlægar vindáttir með úrkomu í þrjá daga annars úrkomulausu veðri. 11 til 13 var suðvestan hvassviðri eða stormur með éljum og skafrenningi. 14 til 16 var hægari vindur í vestanátt í fyrstu síðan austanátt og snjókoma. Frá 17 til 23 var mest hvassviðri, stormur eða rok, með rigningu, snjókomu eða éljum. Þann 24 var breytileg vindátt og hægviðri og úrkomulaust veður og frost. 25 var suðaustan með rigningu og síðan norðvestan með slyddu og snjókomu. 26 og 27 var suðaustan og suðvestan á víxl með úrkomulausu veðri. Þann 28 var tvíátta, suðvestan með skúrum og síðan norðan um kvöldið með snjókomu og talsverðu frosti. Frá 29 til 31 var suðvestanátt en um daginn og kvöldið var komin norðaustanátt með talsverðri snjókomu.

Vindur fór í 37 m/s í suðvestanrokinu þann 21.

Mæligögn:

Úrkoman mældist 71,1 mm. (í janúar 2021: 49,5 mm.)

Úrkomu sem varð vart en mældist ekki var í 2 daga.

Þurrir dagar voru 9.

Mestur hiti mældist þann 21. +9,6 stig.

Mest frost mældist dagana 19 og 31. -8,5 stig.

Meðalhiti mánaðarins var -0,2 stig. (í janúar 2021: -1,1 stig.)

Meðalhiti við jörð var -4,39 stig. (janúar 2021: -4,03 stig.)

Sjóveður: Nokkuð rysjótt sjóveður var í mánuðinum, sæmilegt sjóveður var þó dagana, 7, 9, 14, 15 og 24. Það er sjólítið eða dálítill sjór. Annars vont sjóveður vegna ölduhæðar eða hvassviðra, það er, dálítill sjór, talsverður sjór, allmikill sjór eða mikill sjór.

Alhvít jörð var í 15 daga.

Flekkótt jörð var í 16 daga.

Auð jörð var því í 0 dag.

Mesta snjódýpt mældist þann. 16. 25 CM.

Yfirlit dagar eða vikur:

1-3: Norðaustan eða N stormur, hvassviðri, allhvasst, stinningskaldi, snjóél, úrkomulaust þ.2. Frost -1 til -6 stig.

4-10: Suðaustan, ASA,S, kul, gola, stinningsgola, kaldi, stinningskaldi, snjókoma, skafrenningur, rigning, skúrir, úrkomulaust, 5, 7, 8, og 9. Hiti frá -6,5 til +6 stig.

11-13: Suðvestan kul, kaldi, allhvasst, hvassviðri,stormur, snjóél, skafrenningur, hiti +4 til -1 stig.

14-16: Vestan, NV, SV, A, SA, kul, gola, stinningsgola, kaldi, stinningskaldi, slydduél, snjókoma, skafrenningur, hiti +2 stig til -8 stig.

17-23: Suðvestan stinningsgola, kaldi, stinningskaldi, en allhvasst, hvassviðri, stormur, eða rok var 17, 21 og 22. Rigning, slydda, snjókoma, snjóél, skafrenningur, úrkomulaust þ. 19. Hiti frá +10 niður í -9 stig.

24:Breytileg vindátt, gola, kul, úrkomulaust, frost -3 til -6 stig.

25: Suðaustan kaldi, síðan norðvestan allhvasst, kaldi, rigning, slydda, snjókoma, hiti frá, +6 niður í -2 stig.

26-27: Suðaustan kul, gola,suðvestan gola, stinningsgola, kaldi, stinningskaldi, úrkomulaust Þ.26. Úrkomu varð vart Þ.27. Hiti -5 til +3 stig.

28: Suðvestan kaldi, stinningskaldi, hvassviðri, en norðvestan eða norðan allhvasst um kvöldið, skúrir él, en snjókoma um kvöldið, hiti frá +5 stigum niður í -6 stig.

29-30: Suðvestan V, stinningsgola, kaldi, stinningskaldi, allhvasst,snjóél, skafrenningur, hiti +2 niður í -7 stig.

31: Suðvestan, breytileg vindátt, stinningsgola, andvari, enn NA seinnihluta dags og um kvöldið, kaldi, stinningskaldi, snjókoma. Frost, -4 til -8,5 stig.

Tekið saman af Jóni G Guðjónssyni Veðurathugunarmanni í Litlu-Ávík.

Jón G. Guðjónsson | laugardagurinn 22. janúar 2022

Úrkoma árið 2021 í Litlu-Ávík.

Úrkomumælir á veðurstöðinni í Litlu-Ávík.
Úrkomumælir á veðurstöðinni í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2021, tekin saman af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2020.:

Janúar:  48,9 mm.(117,1 mm.)

Febrúar: 68,5 mm.(48,8 mm.)

Mars: 65,6 mm. (55,9 mm.)

Apríl: 44,3 mm. (45,3 mm.)

 Maí: 6,9 mm. (28,2 mm.)

Júní: 64,9 mm. (64,7 mm.)

Júlí: 44,3 mm. (110,9 mm.)

Ágúst: 43,7.mm. (127,3 mm.)

September: 188,6. mm. (147,2 mm.)

Október: 143,4.mm. (80,7 mm.)

Nóvember: 78,2 mm. (125,5 mm.)

Desember:  38,9 mm.  (81,6 mm.)

Samtals úrkoma árið 2021 var 836,2 mm.

Úrkoman er talsvert minni enn á árinu 2020 sem var 1033,2 mm. Er úrkoman því 197,0 mm minni en árið 2020. Úrkoman fer yfir hundrað millimetra í september og í október. Enn 2020 fer úrkoma yfir hundrað mm í janúar, júlí, ágúst, september og í nóvember. Það er mjög sjaldgæft að úrkoma fari yfir þúsund mm á ársgrundvelli, en hefur skeð nokkrum sinnum.

Jón G. Guðjónsson | föstudagurinn 21. janúar 2022

Meðalhiti í Litlu-Ávík árið 2021.

Hitamælar á veðurstöðinni í Litlu-Ávík. Meðalhiti ársins 2021 var +4,1 stig.
Hitamælar á veðurstöðinni í Litlu-Ávík. Meðalhiti ársins 2021 var +4,1 stig.

Meðalhiti á veðurstöðinni í Litlu-Ávík fyrir árið 2021 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2020.:

Janúar: -1,1 stig. (-0,2 stig.)

Febrúar: +0,7 stig. ( -0,2 stig.)

Mars: +1,1 stig. (-0,3 stig.)

Apríl: +1,6 stig. (+2,4 stig.)

 Maí : +3,3 stig. (+5,2 stig)

 Júní: +7,7 stig. (+8,1 stig.)

 Júlí: +11,0 stig. (+8,3 stig.)

 Ágúst: +11,4 stig. (+9,8 stig.)

September: +7,9 stig. (+5,9 stig.)

 Október: +3,5 stig. (+5,0 stig.)

 Nóvember: +1,1 stig. (+1,6 stig.)

 Desember: +0,7 stig. (+0,7 stig.)

Meðalhiti ársins 2021 er +4,1 stig. (2020 er +3,85 stig.

Hitinn var hæstur í ágúst +11,4 stig. En í ágúst 2020 +9,8 stig. Kaldast er í janúar -1,1 stig. En 2020 var kaldast í mars -0,3 stig.

Jón G. Guðjónsson | sunnudagurinn 2. janúar 2022

Veðrið í Desember 2021.

Krossnesfjall 20-12-2021.
Krossnesfjall 20-12-2021.
1 af 3

Yfirlit yfir veðrið frá veðurstöðinni í Litlu-Ávík.

Þann fyrsta var norðaustanátt með snjókomu og frosti. Frá 2 til 9 voru suðlægar vindáttir, oftast með úrkomu. Þá var hæg norðlæg átt þann 10. Frá 11 til 15 voru mest austlægar vindáttir með úrkomu. Dagana 16 og 17 var suðvestan allhvass vindur eða hvassviðri, síðan hægari, rigning og síðan skúrir. Þann 18 var hæg norðlæg vindátt með úrkomulausu veðri. 19 og 20 var suðvestan stinningskaldi í fyrstu enn síðan hægari með úrkomulausu veðri, en hlýtt í veðri. 21 til 24 voru hægar norðlægar eða breytilegar vindáttir, kólnandi veður. 25 til 30 var norðaustan með snjókomu eða éljum. Árið endaði með hægviðri þann 31 og úrkomulausu veðri framyfir miðnætti.

Í mánuðinum voru talsverð svellalög, en dagana 16 og 17 í hlýundunum og hvassviðrinu tóku þau alveg upp og gerði auða jörð. Úrkomulítið var í mánuðinum.

Mæligögn:

Úrkoman mældist 37,7 mm. (í desember 2020: 80,2 mm.)

Úrkomu sem varð vart en mældist ekki var í 3 daga.

Þurrir dagar voru 8.

Mestur hiti mældist þann 19: +9,8 stig.

Mest frost mældist þann 25: -6,2 stig.

Meðalhiti mánaðarins var +0,7 stig. (í desember 2020: +0,7 stig. )

Meðalhiti við jörð var -2,70 stig.  (í desember 2020: -1,68 stig.)

Sjóveður: Sæmilegt dagana 3, 4, 8, 9, 10, 18, 20, 21, 24.  Sjólítið eða dálítill sjór. Annars slæmt sjóveður vegna vinds eða ölduhæðar, það er dálítill sjór, talverður sjór, allmikill sjór eða mikill sjór.

Alhvít jörð var í 9 daga.

Flekkótt jörð var í 17 daga.

Auð jörð var því í 5 daga.

Mesta snjódýpt mældist þann 2: 20 CM.

Yfirlit dagar eða vikur:

1: Norðaustan, N, stinningsgola, gola, snjókoma, frost -1 til -3 stig.

2-9: Suðvestan, S, SA, eða breytilegar vindáttir, Snjókoma, él, skúrir, rigning, úrkomulaust þ.3 og 8. Úrkomu vart þ.9. Hiti frá -4 til +7 stig.

10: Norðan, NA eða breytileg vindátt, súld, snjókoma, hiti frá -3 til +2 stig.

11-15: Austan, SA, kul, gola, stinningsgola, kaldi, rigning, skúrir, snjókoma, él, hiti frá -2 til +6,5 stig.

16-17: Suðvestan, S, allhvasst, hvassviðri, stinningskaldi, stinningsgola, rigning, skúrir, hiti +3 til +10 stig.

18: Norðan, NA, kul, úrkomulaust, hiti +3 til +6 stig.

19-20: Suðvestan, S, stinningskaldi, stinningsgola, gola, úrkomulaust, hiti +10 og niður í -1 stig.

21-24: ANA, N, eða breytilegar vindáttir, andvari, kul, gola,stinningsgola, snjókoma, snjóél frostúði, úrkomulaust þ.21. hiti +2 niður í -6 stig.

25-30: Norðaustan gola, stinningskaldi, allhvasst, stinningskaldi, snjóél, snjókoma, úrkomulaust þ. 29. Hiti frá -4 til +1,5 stig.

31: Suðaustan kul, síðan NNA kaldi um kvöldið, úrkomulaust, hiti frá -5 til +0,7 stig.

Tekið saman af Jóni G Guðjónssyni veðurathugunarmanni í Litlu-Ávík.

 

 

Jón G. Guðjónsson | föstudagurinn 3. desember 2021

Veðrið í Nóvember 2021.

Mesta snjódýpt mældist þann 30: 9 CM.
Mesta snjódýpt mældist þann 30: 9 CM.

Yfirlit yfir veðrið frá veðurstöðinni í Litlu-Ávík.

Fyrstu tvo daga mánaðarins var norðanátt með slyddu og síðan snjókomu og snjóéljum. 3 til 5 var suðvestanátt með smávegis skúrum, annars þurrt. 6 til 10 voru norðlægar vindáttir og vindasamt og með talsverðri úrkomu. 11 til 13 voru hægar breytilegar vindáttir. 14 til 15 var suðvestan með skúrum eða slydduéljum. Þann 16 var sunnan í fyrstu síðan norðan með slydduéljum. 17 og 18 voru suðlægar vindáttir og með snjókomu um kvöldið þann 18, og norðaustanátt með snjókomu þann 19. Frá 20 til 22 voru suðlægar vindáttir með úrkomulitlu veðri. 23 til 25 voru norðlægar vindáttir með éljum eða snjókomu. 28 til 30 voru hafáttir með snjókomu.

Mánuðurinn var mjög umhleypingasamur, og oft mikil hálka þegar hitastig rokkar í + hita og niður í – hitastig.

Mæligögn:

Úrkoman mældist 78,4 mm.  (í nóvember 2020: 126,4 mm.)

Úrkomu sem varð vart en mældist ekki var í 2 daga.

Þurrir dagar voru 6.

Mestur hiti mældist þann 14: +10,2 stig.

Mest frost mældist þann 26: -6,0 stig.

Meðalhiti mánaðarins var +1,1 stig. (í nóvember 2020: +1,6 stig.)

Meðalhiti við jörð var -2,32 stig. (í nóvember 2020: -1,29 stig.)

Sjóveður: Rysjótt sjóveður var í mánuðinum, þó voru tveir dagar sæmilegir, 4 og 5, sjólítið eða dálítill sjór. Annars var slæmt í sjóinn vegna vinds eða sjógangs, það er dálítill sjór, talsverður sjór, allmikill sjór.

Alhvít jörð var í 6 daga.

Flekkótt jörð var í 11 daga.

Auð jörð var því í 13 daga.

Mesta snjódýpt mældist þann 30: 9 CM.

Yfirlit dagar eða vikur:

1-2: Norðan, stinningskaldi, kaldi, stinningsgola, snjókoma, slydda, él, hiti -2 til +1 stig.

3-5: Suðvestan, SSV, stinningsgola, gola, enn hvassviðri um tíma þ. 3. Skúrir, úrkomulaust þ.4. hiti -4 til +7,5 stig.

6-10: Norðaustan, N, ANA, allhvasst, stinningskaldi, kaldi, stinningsgola, rigning, slydda, snjókoma, él, hiti -1 til +4 stig.

11-13: Austan, SA, breytilegar vindáttir, kul eða gola, úrkomulaust 11 og 12 en rigning þ.13. Hiti -3 til +5 stig.

14-15: Suðvestan eða S kaldi, stinningskaldi, skúrir, slydduél, hiti +2 til +10 stig.

16: Sunnan gola, síðan norðan stinningskaldi, allhvasst, slydduél, hiti -1 til +3 stig.

17-18: Vestan, SSA, gola, kul, úrkomulaust þ.17. En snjókoma um kvöldið þ.18. Hiti -5 til +2 stig.

19: Norðaustan ANA, Stinningskaldi, kaldi, snjókoma, hiti -0 til +1 stig.

20-22: Suðvestan, S, gola, stinningsgola, stinningskaldi, allhvasst, úrkomulaust þ.20. Og úrkomu varð vart Þ. 21. Skúrir, rigning, hiti -4 til +9,5 stig.

23-25: Norðan, NA, VSV, stinningsgola, kaldi, allhvasst, snjóél, snjókoma, úrkomu varð vart Þ.25. Hiti -3 til +4 stig.

26-27: Suðvestan kul, gola, stinningsgola, kaldi, úrkomulaust þ.26. En lítilsáttar slydda seinnihluta dags þ.27. Hiti -6 til +4 stig.

28-30: Norðaustan, ANA, N, kul, gola,stinningsgola, kaldi, stinningskaldi,snjókoma, hiti +1 til -3 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. nóvember 2021

Veðrið í Október 2021.

Úrkomusamt var í mánuðinum. Úrkomumælir í L-Á.
Úrkomusamt var í mánuðinum. Úrkomumælir í L-Á.

Yfirlit yfir veðrið frá veðurstöðinni í Litlu-Ávík.

Fyrstu 9 daga mánaðarins voru hafáttir, oft með allhvössum vindi eða hvassviðri með talsveðri úrkomu. 10 til 12 voru hægar suðlægar vindáttir með köldu veðri. Þann 13 var skammvinn Norðanátt með rigningu. 14 til 15 voru suðlægar vindáttir með frosti um morguninn, en fór svo hlýnandi og komin NA átt um kvöldið með smávegis rigningu. Frá 16 til 19 var norðaustanátt með éljum og síðan slyddu og rigningu, hvassviðri var 18 og 19. Þá voru breytilegar vindáttir 20 til 21 með úrkomulausu veðri. Frá 22 og 23 voru hægar breytilegar vindáttir með rigningu og síðan súld. Og dagana 24 og 25 var norðaustan allhvass vindur með slyddu, en síðan suðvestan um kvöldið. Frá 26 til 31 voru norðlægar vindáttir með súld eða rigningu og slyddu, kólnandi veður.

Mánuðurinn var úrkomusamur, og umhleypingasamur.

Mæligögn:

Úrkoman mældist 144,4 mm. (í október 2020: 81,2 mm.)

Úrkomu sem varð vart en mældist ekki var í 1 dag.

Þurrir dagar voru 7.

Mestur hiti mældist þann 23: +7,7 stig.

Mest frost mældist þann 14: -1,6 stig.

Meðalhiti mánaðarins var +3,5 stig. (í október 2020: +5,0 stig. )

Meðalhiti við jörð var +0,67 stig. (í október 2020: +2,01 stig.)

Sjóveður: Mjög slæmt sjóveður í mánuðinum, enn 3 dagar sæmilegir eða góðir, 11, 12 og 15. Dálitill sjór eða sjólítið. Annars dálitill sjór, talsverður sjór, allmikill sjór, mikill sjór.

Alhvít jörð var í 1 dag.

Flekkótt jörð var í 0 daga.

Auð jörð var því í 30 daga.

Mesta snjódýpt mældist þann 17: 2 CM.

Yfirlit dagar eða vikur:

1-9: Norðan NA. ANA allhvasst, stinningskaldi, kaldi, stinningsgola, en hvassviðri var þann 4 og 7. Rigning, slydda, súld. Úrkomulaust 5 og 6. Úrkomu vart þ.7. Hiti +0 til +7,5 stig.

10-12: Suðaustan eða breytilegar vindáttir, kul eða gola, skúrir, rigning, súld, úrkomulaust þann 11. Hiti -1 til +5 stig.

13: Norðan NNA, stinningskaldi, rigning, hiti +2 til +5 stig.

14-15: Suðvestan, V, gola, stinningsgola, kaldi, allhvasst, hvassviðri. Enn NA stinningsgola um kvöldið Þ.15. Úrkomulaust þ.14. Lítilsáttar rigning um kvöldið þ.15. Hiti -2 til +7 stig.

16-19: Norðaustan, ANA, kaldi, stinningskaldi, allhvasst, en hvassviðri 18 og 19. Snjóél, slydda, rigning, hiti -0 til +5 stig.

20-21: Norðan, kaldi, SV, stinningskaldi, NA, stinningsgola, ANA, gola, úrkomulaust, hiti +0 til +5 stig.

22-23: Suðaustan eða breytilegar vindáttir, kul eða gola, rigning, súld, þoka, hiti -1 til +8 stig.

24-25: Norðaustan, N, stinningsgola, stinningskaldi, allhvasst, enn SV stinningsgola um kvöldið þ.25. Súld, rigning, slydda. Hiti +1 til +5,5 stig.

26-31: Norðaustan, N, kaldi, stinningskaldi, allhvasst, súld, rigning, slydda, hiti -0 til +6 stig.

Tekið saman af Jóni G Guðjónsyni veðurathugunarmanni í Litlu-Ávík.

Jón G. Guðjónsson | föstudagurinn 1. október 2021

Veðrið í September 2021.

Flekkótt fjöll.
Flekkótt fjöll.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðvestanáttum eða suðlægum, með skúrum eða rigningu, oft strekkingur, hlýtt í veðri. Þann 7 var skammvinn norðaustanátt með rigningu og súld, svalara veður. Frá 8 til 10 var suðvestanátt og hlýrra í veðri. Þá var frá 11 til 12 norðaustan og austanátt með rigningu og talsvert svalara veðri. Frá 13 til 19 voru suðlægar vindáttir oft nokkuð vindasamt og úrkoma alla dagana og hlýrra í veðri aftur. Frá 20 til 21 var norðan hvassviðri með rigningu eða slyddu. 22 og 23 voru suðlægar vindáttir með lítilsáttar vætu.Frá 24 og til 30 var norðaustan og norðan, hvassviðri, stormur og rok var 26 til 28 með slyddu og snjókomu.

Vindur fór í kviðum í 34 m/s í rokinu þann 28 sem eru 12 vindstig gömul.

Mæligögn:

Úrkoman mældist 188,6 mm. (í september 2020) : 146,1 mm.)

Úrkomu sem varð vart en mældist ekki var í 3 daga.

Þurrir dagar voru 4.

Mestur hiti mældist þann 2: +17,0 stig.

Minnstur hiti mældist þann 22 og 28. +0,6 stig.

Meðalhiti mánaðarins var +7,9 stig. (í september 2020: +5,9 stig.)

Meðalhiti við jörð var +4,37 stig. (í september 2020: +3,08 stig.)

Sjóveður: Sjóveður var mjög rysjótt í mánuðinum. Sæmilegt var í sjóinn þó, dagana 9, 10, 11, 16, 17, 18, 19. Það er sjólítið eða dálítill sjór. Annars var slæmt eða bara ekkert sjóveður, vegna vinds eða mikilla ölduhæðar, það er dálítill sjór, talsverður sjór, allmikill sjór, mikill sjór, stórsjór, hafrót.

Alhvít jörð var í 0 dag.

Flekkótt jörð var í 1 dag.

Auð jörð var því í 29 daga.

Mesta snjódýpt mældist ekki á mælingatíma. (alhvítt varð um tíma þ.28 en var aðeins rétt flekkótt þ.29 á mælingartíma klukkan 09:00.

Yfirlit dagar eða vikur:

1-6: Suðvestan, S, SA, gola, stinningsgola, allhvasst, rigning, skúrir, hiti +8 til +17 stig.

7: Norðaustan, A, kaldi, stinningskaldi, kul, rigning og súld, hiti +7 til +9 stig.

8-10: Suðvestan stinningsgola, stinningskaldi, lítilsháttar skúrir þ.8. Annars úrkomulaust, úrkomu varð vart þ.8. Hiti +6 til +13,5 stig.

11-12: Breytileg vindátt, síðan NA og ANA andvari, kul, stinningsgola, kaldi, rigning, hiti +5 til +10 stig.

13-19: Suðvestan S. SA, hvassviðri þ.15, annars allhvasst, stinningskaldi, kaldi, stinningsgola, gola,kul. Rigning eða skúrir, hiti +5 til +15 stig.

20-21:Norðaustan,ANA stinningsgola, stinningskaldi, hvassviðri þ.21.rigning, slydda, hiti +1 til +9 stig.

22-23: Suðvestan, S, SA, kul, kaldi, stinningskaldi, rigning, skúrir, hiti +1 til +7 stig.

24-30: Norðaustan, ANA, N, kaldi, stinningskaldi, allhvass, hvassviðri, stormur, rok, stinningsgola, kul. Skúrir, rigning, slydda, snjókoma. Úrkomulaust þ. 30. Hiti +1 til +7 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 2. september 2021

Veðrið í Ágúst 2021.

Þokuhattur á Reykjaneshyrnu. Bærinn Litla-Ávík.
Þokuhattur á Reykjaneshyrnu. Bærinn Litla-Ávík.

Yfirlit yfir veðrið frá veðurstöðinni í Litlu-Ávík.

Norðlægar vindáttir voru frá byrjun mánaðar og fram til 13, með úrkomulitlu veðri, og hægviðrasamt var. Frá 14 og til 16 voru breytilegar vindáttir, en suðvestan um tíma þann 15, en innlögn (norðan) á kvöldin með þokulofti. Þá var hæg norðlæg vindátt frá 17 til 22, með þokulofti, þoku og smá súld. Frá 23 og til 24 voru breytilegar vindáttir og hægviðri, súld eða rigning. Síðan frá 25 og út mánuðinn var suðvestanátt með lítilsáttar skúrum og hlýju veðri. Mánuðurinn var hægviðrasamur og hlýr.

Mæligögn:

Úrkoman mældist 43,0 mm. (í ágúst 2020 : 119,9 mm.)

Úrkomu sem varð vart en mældist ekki var í 4 daga.

Þurrir dagar voru 10.

Mestur hiti mældist þann 25: +20,1 stig.

Minnstur hiti mældist þann 7: +7,0 stig.

Meðalhiti mánaðarins var +11,4 stig. (í júní 2020: +9,8 stig.)

Meðalhiti við jörð var +8,85 stig. (í ágúst 2020: +6,82 stig.)

Sjóveður: Gott sjóveður allan mánuðinn, það er gráð eða sjólítið.

Yfirlit dagar eða vikur:

1-13: Norðan, NNA, NNV, logn, andvari, kul, gola, rigning, súld, þoka, úrkomulaust 6, 9, 10, 11, 12. Úrkomu varð vart þann 2. Hiti +7 til +17 stig.

14: Breytileg vindátt, andvari eða kul, úrkomulaust en þokuloft, hiti +8 til +16 stig.

15-16: Suðvestan, SA, en norðan eða norðaustan á kvöldin, úrkomulaust, hiti +9 til +17 stig.

17-22: Norðan, NNA, eða breytilegar vindáttir, andvari, kul, gola, stinningsgola, þoka, súld, rigning, úrkomulaust,20, úrkomu varð vart 21, hiti +8 til +15 stig.

23-24: Breytilegar vindáttir, logn, andvari, gola, súld, rigning, hiti +11 til +17 stig.

25-31: Suðvestan stinningsgola, kaldi, stinningskaldi, allhvass, skúrir,úrkomulaust þann 25. Úrkomu varð vart 30 og 31 hiti +11 til 20 stig.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Séð yfir Ófeigsfjörð-Seljanes-Drangajökull.
  • Stærra brotið úr jakanum í fjörinni.18-12-2010.
  • Jón G Guðjónsson situr á jaka útá Hjallskerum. Mynd RAX.
  • Börn Maddýar með skemtiatriði.
Vefumsjón