Fallegt vetrarveður var þann 8.

Síðast varð alhvít jörð þann 19.

Auð jörð var fyrst talin þann 23. Sumardaginn fyrsta.

« 1 af 3 »

Yfirlit yfir veðrið frá veðurstöðinni í Litlu-Ávík.

Suðvestan og vestan var fyrri hluta dags þann 1 og síða norðan hvassviðri með éljum. Frá 2 og fram til 5 var norðaustan, með hvassviðri eða stormi þann 4 og 5 og snjókomu. Þann 6 var tvíátta, Norðan Norðvestan með snjókomu slyddu og síðan rigningu, síðan Suðvestan hvassviðri um kvöldið og úrkomulaust. Frá 7 til 8 var vindur norðlægur, með snjókomu þann 7 annars él. Frá 9 og fram til 12 voru mest breytilegar vindáttir, með hita yfir daginn og sólbráð, en frost á nóttinni. Þann 13 og 14 var suðvestan hvassviðri eða stormur, með lítilli úrkomu en hlítt í veðri og tók snjó mikið upp á láglendi. Síðan voru áframhaldandi suðlægar vindáttir með hlýju veðri. Um nónleytið þann 18 snérist í Norðan golu með rigningu slyddu og síðan snjókomu og snarkólnandi veðri og var orðið alhvítt um kvöldið. Hitinn fór úr 11 stigum og niðurí 1 stig. Frá 19 til 24 voru suðlægar vindáttir með góðum hita. Siðan snérist í norðlægar eða breytilegar vindáttir með kólnandi veðri, sæmilega hlítt yfir daginn en frost á nóttinni. Þann 30 gerði norðaustan stinningskalda með en frekar kólnandi veðri með smá snjóéljum, og varð hvítt langt niður í hlíðar.

Jörð var talin fyrst auð á láglendi þann 23. Sumardaginn fyrsta.

Í suðvestan rokinu þann 14 fór vindur í kviðum í 33 m/s sem eru tólf vindstig gömul, eða fárviðri.

Mæligögn:

Úrkoman mældist 44,9 mm. (í apríl 2019: 32,2 mm.)

Úrkomu sem varð vart en mældist ekki var í 3 daga.

Þurrir dagar voru 9.

Mestur hiti mældist +12,1 stig. Þann 21.

Minnstur hiti mældist -7,0 stig. Þann 4.

Meðalhiti mánaðarins var +2,4 stig. (í apríl 2019: +4,3 stig,)

Meðalhiti við jörð var -1,20 stig. (í apríl 2019: +0,75 stig.)

Alhvít jörð var í 12 daga.

Flekkótt jörð var í 10 daga.

Auð jörð var því í 8 daga.

Mesta snjódýpt mældist þann 8: 32 cm.

Sjóveður: Slæmt sjóveður var 1 til 8 og 11, 14, 30. Það er mikill sjór, allmikill sjór, talsverður sjór. Annars var bara sæmilegt sjóveður, það er dálítill sjór, sjólítið eða gráð.

Yfirlit dagar eða vikur:

1: Suðvestan og VSV stinningsgola, allhvass, síðan Norðan hvassviðri, snjóél, frost -1 til -5 stig.

2: Norðan, NNA, allhvasst, stinningskaldi,kaldi, síðan breytileg vindátt, él, frost -2 til -6 stig.

3-5: Norðaustan stinningskaldi, allhvasst, hvassviðri, stormur, snjóél, snjókoma, skafrenningur, frost -2 til -7 stig.

6: Norðan eða NV kaldi, stinningsgola í fyrstu, síðan SSV stinningskaldi, hvassviðri, snjókoma, slydda, rigning, hiti, frá -4 til +4 stig.

7-8: Norðan kaldi, stinningsgola, gola, síðan sunnan kul, snjókoma, él, hiti -4 til +1,5 stig.

9-10: Suðlægar eða breytilegar vindáttir, stinningsgola, gola, kul, úrkomulaust, hiti -2 til +6 stig.

11: Norðan, NV,NA, stinningsgola, allhvasst, slydda, súld, él, hiti +2 til -0 stig.

12: Norðaustan, gola, síðan Sunnan kul, úrkomulaust, hiti -2 til +4 stig.

13-14: Suðvestan hvassviðri, stormur, fárviðri í kviðum, litilsáttar skúrir, hiti +2 til +8 stig.

15: Suðvestan stinningsgola, kaldi, síðan breytileg vindátt, NNV, SSA, gola, kul, úrkomulaust, hiti +1 til +5 stig.

16-17: Suðvestan eða S, kaldi, stinningsgola, rigning, skúrir, sem mældust ekki, hiti -0 til +11 stig.

18: Sunnan stinningskaldi, allhvasst, síðan norðan gola með rigningu, slyddu og síðan snjókomu, hiti frá +11 og niður í 1 stig.

19-24: Suðlægar eða breytilegar vindáttir , SA, S, SV, kaldi, stinningsgola, gola, kul, slydda, rigning, skúrir, úrkomulaust, þ.20 og 24. Hiti +0 til +12 stig.

25-29: Norðlægar eða breytilegar vindáttir, stinningsgola, gola, kul eða andvari, rigning, snjóél, úrkomulaust, 27, 28 og 29. Hiti +10 niðurí -1 stig.

30: Norðaustan stinningskaldi eða kaldi, lítilsáttar él, hiti +1 til +4 stig.

Tekið saman af Jóni G Guðjónssyni veðurathugunarmanni í Litlu-Ávík.

Fallegt veður þann 7. Finnbogastaðafjall. Glifsa. Árnesfjall.

Litla-Ávík 19-03. Mesti snjórinn í vetur.

Mesta snjódýpt mældist 19 mars 48 cm.

Snjóflóð féll 27-03 úr Gjánni í Stórukleifabrekku, veginum til Norðurfjarðar.

« 1 af 4 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með austlægum eða suðaustlægum vindáttum með úrkomulitlu veðri, enn talsverð slydda var um tíma þann 3. Þann 4 var hægviðri með þurru veðri. Þann 5 gekk í norðlæga vindátt og norðaustan og austlægar vindáttir voru fram til 14 með éljum og snjókomu og skafrenningi. Enn hvassviðri var dagana 10 og 11. Þann 15 var suðvestan eða sunnan með snjókomu allhvasst um tíma og mikill skafrenningur. Þá gekk í norðaustan storm og síðan hvassviðri með talsverðri snjókomu, og bætti mikið á snjóalög á láglendi, frá 16 til 18. Þann 19 gekk í suðvestanátt, eða suðlægar vindáttir, hvassviðri ,stormur og rok var um tíma þann 20 og þíðviðri. Breytilegar vindáttir voru 24 og 25 með snjókomu. Frá 26 voru suðvestlægar vindáttir með éljum og skafrenningi, en þann 28 fór að hlýna í veðri og var þíðviðri út mánuðinn og tók snjó mikið upp á lálendi, og varð jörð flekkótt í 3 síðustu daga mánaðarins.

Vindur fór í 42 m/s í kviðum í S og SSV veðrinu þann 20. Oft í 38 m/s. Og í SSV veðrinu þann 31 fór vindur í 35 m/s.

Mæligögn:

Úrkoman mældist 56,3 mm. (í mars 2019: 52,9 mm.)

Úrkomu sem varð vart en mældist ekki var í 0 dag.

Þurrir dagar voru 7.

Mestur hiti mældist +7,3 stig þann 31.

Minnstur hiti mældist -8,3 stig þann 15.

Meðalhiti mánaðarins var -0,3 stig. (mars 2019: 0,0 stig,)

Meðalhiti við jörð var -3,63 stig. (í mars 2019: -3,22 stig.)

Alhvít jörð var í 28 daga.

Flekkótt jörð var í 3 daga.

Auð jörð var því í 0 dag.

Mesta snjódýpt mældist 48 cm þann 19.

Sjóveður. Mjög rysjótt, en sæmilegt dagana þá dálítill sjór, 2, 4, 21, 22, 25, 26, 27. Annars mjög slæmt í sjóinn, talsverður sjór, allmikill sjór, mikill sjór eða stórsjór.

Yfirlit dagar eða vikur:

1: Austan kaldi eða stinningskaldi, úrkomulaust, hiti +2 til +3 stig.

2-3: Suðaustan eða Austan gola, stinningsgola, kaldi, stinningskaldi, úrkomulaust þ.2. enn slydda þ.3. hiti -1 til +2 stig.

4: Sunnan eða suðlæg vindátt gola, kul, úrkomulaust, hiti -4 til +2 stig.

5-6: Norðan og NA: allhvasst, stinningskaldi, kaldi, síðan gola, snjókoma, en úrkomulaust þ.6. hiti 0 til -5 stig.

7-8: Suðaustan kul í fyrstu, síðan ANA kaldi, stinningskaldi, úrkomulaust þ. 7. En él þ. 8. Frost 0 til -6 stig.

9-14: Norðaustan og ANA, kaldi, stinningskaldi, allhvasst, en hvassviðri 10 og 11. Snjóél, eða snjókoma, skafrenningur, hiti frá +2 niðurí -5 stig.

15: Sunnan eða SSV allhvasst, stinningskaldi, kul, snjókoma skafrenningur frost -1 til 8 stig.

16-18: Norðaustan stormur, hvassviðri, allhvasst, snjókoma, hiti frá +0,5 niðurí -4 stig.

19- 23: Suðlægar vindáttir, SV, S, SA, stinningsgola, kaldi, stinningskaldi, enn hvassviðri, stormur og rok þann 20. Úrkomulaust þ.19. Annars, rigning, slydda, snjókoma, hiti frá -7 til +6,5 stig.

24: Norðnorðaustan stinningsgola, síðan sunnan kul, snjókoma, hiti frá -2 til +1 stig.

25: Breytileg vindátt, VSV, S, A, gola eða kul, lítilsáttar snjókoma um kvöldið, hiti frá -2 til +2 stig.

26-27: Suðvestan kaldi, stinningskaldi, en NV frá hádegi þ. 27. kaldi, gola, kul, snjóél, skafrenningur, hiti frá +0 niðurí -5 stig.

28-31: Suðvestan kaldi, stinningskaldi, allhvasst, enn hvassviðri 28 og 29, og stormur hluta úr dögum 30 og 31. Skafrenning síðan skúrir eða rigning, hiti -6 til +7 stig.

Tekið saman af Jóni G Guðjónssyni veðurathugunarmanni í Litlu-Ávík.

Það sást til sólar 2svar í mánuðinum. Séð til Norðurfjarðar.

Þíðviðri var dagana 2 til 8. Og snjó og svell tóku upp.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hægri NA átt, með smá éljum, siðan voru frá 2 til 8 suðlægar vindáttir með þíðviðri, og tók snjó og svellalög mikið til upp. Þann 9 og fram til 11 voru norðlægar vindáttir, með snjókomu eða éljum. 12 til 14 var ANA átt og stormur og rok þann 14 með snjókomu og skafrenningi. Þá voru Norðaustanáttir áfram oft með hvassviðri og eða stormi með ofankomu fram til 22. Þann 23 gerði Suðvestanátt eða suðlæga vindátt, með snjókomu með köflum, en þurru veðri þann 23. Þann 25 gekk í Norðaustanátt og austan með snjókomu eða éljum. Þann 29 voru breytilegar vindáttir og hægviðri með úrkomulausu veðri.

Vindur fór í 35 m/s í kviðum í austan veðrinu þann 14. Sem eru 12 vindstig gömul.

Mæligögn:

Úrkoman mældist 48.3 mm. (í febrúar 2019: 59,0 mm.)

Úrkomu sem varð vart en mældist ekki var í 0 dag.

Þurrir dagar voru 4.

Mestur hiti mældist +10,5 stig þann 6.

Minnstur hiti mældist -6,0 stig dagana 2 og 14.

Meðalhiti mánaðarins var -0,2 stig. (í febrúar 2019: +0,2 stig.)

Meðalhiti við jörð var -2,80 stig. (í febrúar 2019: -3,37 stig.)

Sjóveður. Mjög rysjótt. Samt voru sæmilegir dagar, 2, 3, 4, 5, 6, 7, 8, 23. 24, þar sem var sjólítið eða dálítill sjór. Annars var slæmt eða ekkert sjóveður, það er talsverður sjór, allmikill sjór, mikill sjór eða stórsjór.

Alhvít jörð var í 20 daga.

Flekkótt jörð var í 9 daga.

Auð jörð var því í 0 dag.

Mesta snjódýpt mældist þann 25. 24 cm.

Yfirlit dagar eða vikur:

1: Norðaustan stinningsgola, síðan SA, kul,snjóél, frost 0 til -5 stig.

2-8: Suðaustan eða Sunnan, kul, gola, stinningsgola, kaldi, enn S og SV hvassviðri þ. 6. Él, rigning, skúrir, úrkomulaust 2 og 8, hiti frá -6 til +10,5 stig.

9-11: Norðan stinningsgola, kaldi, stinningskaldi, en hvassviðri þ. 10. Frostrigning, snjókoma, él, hiti +1 til -3 stig.

12-14: Austnorðaustan stinningsgola, kaldi, en hvassviðri, stormur eða rok þ. 14. Él, snjókoma, skafrenningur, hiti frá -6 til +2 stig.

15- 22: Norðaustan kaldi, stinningskaldi, allhvasst, enn hvassviðri þ.15 og þ.16 og 17. Og stormur þ.20. Snjókoma,slydda, rigning, él. Hiti +3 til -4 stig.

23-24: Suðvestan eða Vestan, stinningskaldi eða kaldi, síðan Sunnan eða breytileg vindátt, gola eða kul, úrkomulaust þ. 23. Annars lítilsáttar snjókoma, hiti frá -6 til +2 stig.

25-28: Norðaustan og síðan Austan, allhvasst og hvassviðri þ. 25. Síðan stinningskaldi, kaldi, snjókoma, él, skafrenningur, hiti frá -4 til +1 stig.

29: Suðlæg eða breytileg vindátt, kul, úrkomulaust, hiti frá – 3 til +1 stig.

Tekið saman af Jóni G Guðjónssyni veðurathugunarmanni í Litlu-Ávík.

Oft var snjókoma eða dimm él í mánuðinum.

Mikill sjór, í SV roki skóf sjóinn svo bar við himinn.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum með öllum vindáttum. Norðan, Austan, Sunnan, Vestan, NA, SA, SV, NV, með snjókomu, rigningu eða éljum, og hitastigi í plús eða mínus. Og voru svona umhleypingar má segja út mánuðinn. Enn engin hvassviðri voru eftir 26.

Gott veður var dagana 16, 17 og 18, suðlægar vindáttir með úrkomulausu veðri. Og gott veður eftir hádegið þann 21 hæg austlæg vindátt og úrkomulaust. Breytilegar vindáttir voru dagana 27 og 28 og úrkomulaust veður.

Í suðvestan storminum þann 5 fór vindur í kviðum í 42 m/s. Og einnig í SSV stormi þann 19 fóru kviður í 35 m/s. Og í SV hvassviðri og stormi þann 20 fóru kviður í 33 m/s. Og í SV hvassviðri og stormi þann 23 fór vindur í 34 m/s í kviðum. Þetta er vindur sen fer í 12 vindstig gömul eða meira.

Mikil hálka var á vegum í mánuðinum. Svell tóku mikið upp þó í blotunum 19 og 21 og 22.

Flugsamgöngur féllu niður til Gjögurs eða þrjár flugferðir í mánuðinum, vegna veðurs. Mánuðurinn var úrkomusamur.                                                                                                                                      

Mæligögn:

Úrkoman mældist 117,5 mm. (í janúar 2019: 45,8 mm.)

Úrkomu sem varð vart en mældist ekki var í 0 dag.

Þurrir dagar voru 6.

Mestur hiti mældist þann 22: +9,0 stig.

Minnstur hiti mældist þann 3: -10,8 stig.

Meðalhiti mánaðarins var -0,2 stig. (í janúar2019: +0,5 stig.)

Meðalhiti við jörð var -2,81 stig. (í janúar 2019: --3,41 stig.)

Alhvít jörð var í 26 daga.

Flekkótt jörð var í 5 daga.

Auð jörð var því í 0 dag.

Mesta snjódýpt mældist þann 15: 28 cm.

Sjóveður. Mjög rysjótt. Oftast mjög slæmt vegna sjógangs eða hvassviðra eða storma.

Yfirlit dagar eða vikur:

1: Suðvestan stinningskaldi, kaldi, snjókoma, él, hiti +0 til 3 stig.

2-3: Tvíátta var, Norðan allhvasst, stinningskaldi, kaldi, síðan Suðvestan og VSV stinningsgola, gola, snjókoma, él, frost -2 til -11 stig.

4: Tvíátta,Suðaustan gola, stinningsgola, síðan SSV, allhvass, snjókoma, slydda, rigning, hiti frá -4 til +5,5 stig.

5: Suðvestan, allhvasst, hvassviðri, stormur, slydduél, hiti +1 til +4 stig.

6-7: Norðaustan, ANA, N. NV, kaldi, stinningskaldi, allhvasst, hvassviðri, slydda, snjókoma, hiti frá -3 til +2 stig.

8-9: Suðvestan allhvass, hvassviðri, snjóél, skafrenningur, hiti + 2 til -6,5 stig.

10: Austan stinningsgola, síðan NA hvassviðri eða stormur, snjóél, slydda, rigning, hiti -6 til +4 stig.

11: Suðvestan stinningsgola, stinningskaldi, allhvass, rigning, snjóél, hiti, +5 til -3 stig.

12-15: Norðaustan og N, allhvass, hvassviðri, stormur, rok, snjókoma eða él, hiti frá -3 til +2 stig.

16-18: Austan og SA stinningsgola, síðan Suðvestan, gola, stinningsgola, úrkomulaust, hiti frá -3 til +4 stig.

19-20: Suðvestan hvassviðri, stormur, rigning, skúrir, síðan mjög dimm él, hiti +8 til -3 stig.

21: Suðvestan hvassviðri, allhvasst, stinningskaldi, stinningsgola. Siðan Austan gola, úrkomulaust, hiti -2,2 til +2,5 stig.

22-23: Sunnan hvassviðri, síðan SV stormur, hvassviðri, allhvasst, rigning, slydda, él, hiti +9 niður í -4 stig.

24: Suðvestan og VSV, stinningskaldi, kaldi, stinningsgola, úrkomulaust, frost -2 til -4 stig.

25-26: Norðaustan og ANA, hvassviðri, allhvasst, snjókoma, slydda, hiti frá -3 til +2 stig.

27-28: Breytilegar vindáttir, stinningsgola, gola, andvari, úrkomulaust, hiti -3 til +3 stig.

29-31: Norðan, stinningskaldi, kaldi, snjókoma, slydda, rigning, snjóél, hiti frá +2 niður í -1 stig.

Tekið saman af Jóni G Guðjónssyni veðurathugunarmanni í Litlu-Ávík.

Úrkomumælir í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2019, tekin saman af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2018.:

Janúar: 46,0 mm. (71,3 mm.)

Febrúar: 59,2 mm. (99,8 mm.)

Mars: 52,7 mm. (40,3 mm.)

Apríl: 32,7 mm. (57,1 mm.)

Maí: 11,9 mm. (62,9 mm.)

Júní: 13,5 mm. (75,9 mm.)

Júlí: 80,7 mm. (159,2 mm.)

Ágúst: 101,8 mm. (33,9 mm.)

September: 148,6 mm. (57,9 mm.)

Október: 45,4 mm. (87,3 mm.)

Nóvember: 24,3 mm. (94,6 mm.)

Desember: 106,9 mm. (57,1 mm.)

Samtals úrkoma var því á árinu 2019: 723,7 mm. enn árið 2018: 897,3 mm. Er úrkoman því 173,6 mm minni en árið 2018. Úrkoman fer yfir hundrað millimetra í ágúst, september og í desember. Enn í júlí fer úrkoman yfir hundrað mm á árinu 2018. Það er mjög sjaldgæft að úrkoma fari yfir þúsund mm. á ársgrundvelli, en hefur skeð.

Hitamælar á veðurstöðinni í Litlu-Ávík.

Meðalhiti á veðurstöðinni í Litlu-Ávík fyrir árið 2019 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2018.:

Janúar: +0,5 stig.(+0.4 stig.)

Febrúar: +0,2 stig. (+1,6.stig.)

Mars: +0,0 stig. (+1,1 stig .)

Apríl: +4,3 stig. (+2,7 stig.)

Maí : +4,1 stig. (+5,0 stig.)

Júní: +7,3 stig. (+7,8 stig.)

Júlí: +8,3 stig (+8,2 stig.)

Ágúst: +7,0 stig. (+7,7 stig.)

September: +7,1 stig. (+5,8 stig.)

Október: +4,3 stig. (+3,2 stig.)

Nóvember: +2,2 stig. (+2,9 stig.)

Desember: +1,2 stig. (+1,8 stig.)

Engin frosttala er í meðalhitanum fyrir árið 2019. Meðalhitinn er mun hærri í apríl, september og í október árið 2019. Enn árið 2018. Meðalhiti ársins 2019 var +3,9 stig.

Hafrót ölduhæð áætluð 9 til 14 metrar.

Tjón varð 10 eða 11 þegar þak fauk af viðbyggingu á húsi Ferðafélags Íslands í Norðurfirð.

« 1 af 2 »

Yfirlit yfir veðrið frá veðurstöðinni í Litlu-Ávík.

Fyrstu fjóra daga mánaðar voru suðlægar vindáttir með lítilli úrkomu. Ótrúlega hlítt var þann 2 og aðfaranótt þann 3, þegar hiti fór í 12,6 stig, og varð það mesti hiti mánaðarins. Síðan voru norðaustlægar vindáttir með éljum, slyddu eða snjókomu í 5 daga. Frá 10 til 11 var norðan eða NA stormur rok og eða ofsaveður, með rigningu, slyddu og síðan snjókomu. Siðan voru áframhaldandi norðaustanáttir með snjókomu eða éljum, sem gengu niður á Þorláksmessa þann 23. Frá 24 til 25 voru breytilegar vindáttir eða suðlægar, með lítilli úrkomu. Norðaustan og norðanáttir voru frá 26 til 29 með talsverðri rigningu, slyddu eða snjókomu. 30 til 31 voru suðlægar vindáttir með lítilsáttar úrkomu. Umhleypingasamt og úrkomusamt var í mánuðinum.

Mikil hálka var á vegum, sérstaklega á milli jóla og áramóta. Hiti eða frost á víxl og oft um frostmarkið.

Vindur náði 34 m/s eða (gömlum 12 vindstigum.) í vindkviðum í SSV hvassviðri aðfaranótt þriðja og fram á morgunn.

Í Norðan ofsaveðrinu þann 10 var jafnavindur mestur 32 m/s og mesti vindur var í kviðum 42 m/s klukkan 21:00.

Tjón: Í ofsaveðrinu þann 10 til 11 fauk þak af í heilu lagi á húsi Ferðafélags Íslands á Valgeirsstöðum í Norðurfirði.

Mæligögn:

Úrkoman mældist 107,9 mm. (í desember 2018: 56,2 mm.)

Úrkomu sem varð vart en mældist ekki var í 2 daga.

Þurrir dagar voru 4.

Mestur hiti mældist þann 3. +12,6 stig,

Minnstur hiti mældist þann 13. -6,4 stig.

Meðalhiti mánaðarins var +1,2 stig. (í desember 2018: +1,8 stig.)

Meðalhiti við jörð var -1,34 stig. (í desember 2018: -1,25 stig.)

Alhvít jörð var í 23 daga.

Flekkótt jörð var í 4 daga.

Auð jörð var því í 4 daga.

Mesta snjódýpt mældist þann 14. 16 cm.

Sjóveður. Lítið var um gott sjóveður í mánuðinum, það var þó í nokkra daga sæmilegt, 1, 2 , 4 og 7, 25, 26, 27, 31. Það er sjólítið eða dálítill sjór. Annars var mjög slæmt sjóveður eða alls ekkert: Talsverður sjór, allmikill sjór, mikill sjór, stórsjór, hafrót.

Yfirlit dagar eða vikur:

1-4: Suðvestan eða SA, S, kul, gola, stinningsgola, kaldi, stinningskaldi, hvassviðri aðfaranótt þ.3 og fram á morgun, rigning eða skúrir, en úrkomulaust þ.4. hiti frá -1 til +13 stig.

5-9: Norðaustan eða N, stinningsgola, kaldi, stinningskaldi, allhvass eða hvassviðri, él, slydda, rigning, snjókoma, úrkomulaust þ.6. hiti +3 og niður í -4 stig.

10-11: Norðaustan og norðan stormur, rok, ofsaveður, rigning, slydda, snjókoma, hiti +3 til -2 stig.

12-23: Norðaustan, hvassviðri, allhvasst, stinningskaldi, kaldi, snjókoma, él, slydda, hiti frá -6 til +4 stig.

24: Breytileg vindátt, kul, súld, hiti 0 til +4 stig.

25: Suðvestan stinningskaldi, stinningsgola, gola, úrkomulaust, hiti 0 til -2 stig.

26-29: Norðaustan eða N, kul, gola, stinningsgola, kaldi, stinningskaldi, allhvass, rigning, slydda, snjókoma, hiti frá -3 til +5 stig.

30-31: Suðvestan eða sunnan, gola, kaldi, stinningskaldi, allhvasst, úrkomulaust þ. 30. en lítilsáttar rigning og skúrir þ. 31. hiti frá -2 til +6 stig.

Tekið saman af Jóni G Guðjónssyni veðurathugunarmanni í Litlu-Ávík.

Oft var mjög hélað í mánuðinum.

Yfirlit yfir veðrið frá veðurstöðinni í Litlu-Ávík.

Norðaustan var fyrstu tvo daga mánaðarins, síðan suðlæg vindátt næstu tvo daga, síðan var norðaustlæg vindátt með kalda 5 og 6. Aðeins úrkoma var þann 1 en síðan var úrkomulaust fram til 7. Frá 7 og fram til 15 voru auslægar eða suðaustlægar vindáttir, mest hægviðri og úrkomulítið veður. Síðan var suðvestlæg vindátt með kalda um tíma og úrkomulausu veðri. Og frá 18 til 22 voru suðaustlægar eða austlægar vindáttir og hægviðri, með litilsáttar rigningu þann 21. Þann 23 snérist til Norðaustlægar vindáttar með rigningu þann dag, annars úrkomulaust, sem var til 26 . Síðan voru hægar suðlægar vindáttir út mánuðinn og úrkomulausu veðri. Mánuðurinn verður að teljast mjög góður, hægviðrasamur og úrkomulítill. Nokkuð var um hálku og oft var mikið um hélu.

Mæligögn:

Úrkoman mældist 24,3 mm. (í nóvember 2018: 95,5 mm.)

Úrkomu sem varð vart en mældist ekki var í 1 dag.

Þurrir dagar voru 23.

Mestur hiti mældist Þann 22: +7,9 stig.

Minnstur hiti mældist þann 7: -3,9 stig.

Meðalhiti mánaðarins var +2,2 stig. (í nóvember 2018: +2,9 stig.)

Meðalhiti við jörð var -1,28 stig. (í nóvember 2018: +0,55 stig.)

Alhvít jörð var í 1 dag.

Flekkótt jörð var í 2 daga.

Auð jörð var því í 27 daga.

Mesta snjódýpt mældist. þann 15.: 3 cm.

Sjóveður. Sæmilegt eða gott allan mánuðinn, það var, gráð sjólítið eða dálítill sjór.

Yfirlit dagar eða vikur:

1-2: Norðaustan eða N stinningsgola, gola, kul, rigning, skúrir þ. 1. Enn þurrt þann 2. Hiti -1 til +4 stig.

3-4: Suðaustan kul, úrkomulaust, hiti +3 til -1 stig.

5-6: Norðaustan eða ANA stinningskaldi, kaldi, stinningsgola, gola, kul, úrkomulaust, hiti -2 til +3 stig.

7-15: Suðaustan eða austlægar vindáttir, kul, gola, stinningsgola, kaldi,snjókoma, rigning, snjóél, en úrkomulaust dagana 8, 9, 10, 12 og 13. Hiti -4 til +8 stig.

16-17: Suðvestan eða Sunnan, gola, stinningsgola, kaldi, úrkomulaust, hiti +3 niður í -3 stig.

18-22: Suðaustan eða auslægar vindáttir, andvari, kul eða gola, þurrt í veðri 18, 19, 20, og 22. ,en lítilsáttar rigning þann 21. Hiti frá -3 til +8 stig.

23-26: Norðaustan stinningsgola, gola, kul, rigning þ.23. annars þurrt, hiti +6 til +2 stig.

27-30: Suðaustan síðan SV, kul, gola, stinningsgola, úrkomulaust, hiti +5 og niður í -3 stig.

Tekið saman af Jóni G Guðjónssyni veðurathugunarmanni í Litlu-Ávík.

Fallegt veður var 26 og 27. Dagana eftir norðan hretið.

Yfirlit yfir veðrið frá veðurstöðinni í Litlu-Ávík.

Norðaustlægar vindáttir voru fyrstu 3 daga mánaðar, en síðan varð vindur auslægari og suðlægari, úrkomulaust var fyrstu 4 daga mánaðarins. Frá 7 og fram til 18 voru norðaustlægar eða austlægar vindáttir með lítilsáttar úrkomu. Síðan voru suðlægar vindáttir í tvo daga. Þann 21 gekk í ákveðna norðanátt með hvassviðri, fyrst með rigningu og síðan slyddu og éljum, norðanáttin gekk niður þann 25. 26 og 27 var hægviðri með léttskýjuðu eða heiðskíru veðri. 28 til 31 var suðvestanátt, með smá úrkomu þann 29. Og hlýnaði aðeins í veðri. Úrkomulítið var í mánuðinum, enda voru þurrir dagar 15. (sjá mæligögn.)

Mæligögn:

Úrkoman mældist 45,4 mm. (í október 2018: 87,8 mm.)

Úrkomu sem varð vart en mældist ekki var í 0 dag.

Þurrir dagar voru 15.

Mestur hiti mældist þann 6: +12,1 stig.

Minnstur hiti mældist þann 23: -4,0 stig.

Meðalhiti mánaðarins var +4,3 stig. (í október 2018: +3,2 stig.)

Meðalhiti við jörð var +1,26 stig. (í október 2018: +0,42 stig.

Alhvít jörð var i 5 daga.

Flekkótt jörð var í 3 daga.

Auð jörð var því í 23 daga.

Mesta snjódýpt mældist þann 25. 8 cm.

Sjóveður. Sjóveður var mjög rysjótt í mánuðinum. Talsverður sjór, allmikill sjór eða mikill sjór var dagana 8,9,10,11,12, 16,21,22,23,24,25. Annars sjólítið eða dálítill sjór, gott eða sæmilegt.

Yfirlit dagar eða vikur:

1-3: Norðaustlægar vindáttir, NA, N, ANA, kul eða gola, úrkomulaust, hiti +1 til +9 stig.

4-6: Suðlægar vindáttir, SA, ASA, úrkomulaust þ.4 og 6. en rigning þ.5. hiti +4 til +12 stig.

7-18: Norðaustan eða ANA, stinningsgola, kaldi, stinningskaldi, allhvasst, súld, rigning, skúrir, úrkomulaust 12, 13 og 14. Hiti +1 til +10 stig.

19-20: Suðvestan eða S, gola eða stinningsgola, úrkomulaust þ.19. en rigning þ.20. Hiti -1 til +7 stig.

21-25: Norðan eða NNA, hvassviðri, allhvasst, stinningskaldi, kaldi, rigning, slydda, él, hiti +4 og niður í -4 stig.

26-27: Suðlægar eða breytilegar vindáttir, S, SA, andvari eða kul, þurrt í veðri, hiti frá -4 til +3 stig.

28-31: Suðvestan, S, stinningsgola, kaldi, stinningskaldi, allhvasst, rigning þ. 29. annars úrkomulaust, hiti 0 til +8 stig.

Tekið saman af Jóni G Guðjónssyni veðurathugunarmanni í Litlu-Ávík.

Úrhellisrigning var þ.14. og varð að reka féið úr Melarétt í fjárhús til að draga í dilka.

Mikið rigndi þann 14 úrkoman mældist 21,7 mm eftir daginn.

« 1 af 2 »

Yfirlit yfir veðrið frá veðurstöðinni í Litlu-Ávík.

Fyrstu fimm daga mánaðarins voru hægar norðlægar eða breytilegar vindáttir, lítilsáttar úrkoma, fremur svalt. Loks þann 6 snerist í ákveðnar suðlægar vindáttir, ( sem lítið var um í sumar, síðast seint í júní.) Það hlýnaði í veðri í þessum suðlægu vindáttum fram til 8.Talsverð úrkoma var þann 7. Síðan fór í norðlæga vindátt aftur þann 9 og voru norðlægar vindáttir fram til 12 með vætu. Þann 13 var skammvinn sunnanátt með skúrum. Þann 14 var norðaustan og síðan norðan með úrhellisrigningu. Úrkoman mældist 21,7 mm eftir daginn. En þann 15 var skammvinn suðlæg átt. 16 til 22 voru norðlægar vindáttir með vætu, en mikil rigning 19 og 20. Úrkoman mældist þessa tvo sólarhringa 75,1 mm. Frá 23 og til 25 voru breytilegar eða suðlægar vindáttir og hægviðri með úrkomulitlu veðri, en hlýju hitinn fór í 17,1 stig þann 24. Síðan voru hafáttir út mánuðinn með súld og kaldara veðri. Mánuðurinn verður að teljast hlýr í heild, en úrkomusamur á köflum.

Mæligögn:

Úrkoman mældist 148,6 mm. (í september2018: 54,6 mm.)

Úrkomu sem varð vart en mældist ekki var í 4 daga.

Þurrir dagar voru 7.

Mestur hiti mældist þann 24: +17,1 stig.

Minnstur hiti mældist þann 15: 0,0 stig.

Meðalhiti mánaðarins var +7,1 stig. (í september 2018: +5,8 stig.)

Meðalhiti við jörð var +4,07 stig. (í september 2018: +3,07 stig.)

Sjóveður. Gott eða sæmilegt, sjólítið eða dálítill sjór. En nokkuð slæmt, talsverður eð allmikill sjór, dagana 3, 9, 10, 11, 14, 20 og 27.

Yfirlit dagar eða vikur:

1-5: Norðlægar eða breytilegar vindáttir, andvari, kul, eða gola, úrkomu vottur þ.1. og smávegis súld þ.5. annars þurrt í veðri, hiti +2 til +10 stig.

6-8: Suðlæg vindátt, S, SA, SSV, andvari, gola, kaldi, stinningskaldi, úrkomulaust þ.6 og 8. annars rigning, hiti +6 til +16 stig.

9-12: Norðan NA, gola, stinningsgola, kaldi, súld eða rigning, hiti +5 til +9 stig.

13: Sunnan eða SSV, stinningsgola, kaldi, skúrir, hiti +5 til +10 stig.

14: Norðaustan, N, stinningsgola, stinningskaldi, allhvasst, mikil rigning, úrhelli, hiti +2 til +7 stig.

15: Sunnan, SSA, kul, gola, stinningsgola, slydda. Hiti 0 til +8 stig.

16-22: Norðlægar vindáttir, NA, NV, kaldi, gola, kul, súld, rigning, hiti +4 til +9 stig.

23-25: Suðlægar eða breytilegar vindáttir, andvari, kul, stinningsgola, þoka, súld, úrkomulaust þ. 25. Hiti +7 til +17 stig.

26-30: Norðlægar vindáttir, N. NA. stinningsgola, kaldi, síðan gola, súld, þurrt þ. 29. úrkomuvottur þ. 30. Hiti +1 til +11 stig.

Tekið saman af Jóni G Guðjónssyni veðurathugunarmanni í Litlu-Ávík.