Mynd Kort. Veðurstofa Íslands.

Spáð er mikilli uppsafnaðri úrkomu á norðanverðu landinu fram á laugardag (22.-24. ágúst). Mesta úrkoman mun falla seinnipartinn í dag, fimmtudaginn 22. águst, og á morgun en það ætti að draga úr úrkomunni á laugardaginn og stytta upp á sunnudaginn. Hitastig á láglendi verður á bilinu 4-6° C en gera má ráð fyrir því að það geti fryst í fjallatoppum. Úrkoman mun að mestu falla sem rigning nema efst í fjöllum þar sem mun snjóa.

Samkvæmt spánni verður mesta úrkoman á Norðanverðum Vestfjörðum, Ströndum, Tröllaskaga, austanverðum Tindastóli, Flateyjarskaga, Tjörnesi og Hellisheiði Eystri. Einnig má gera ráð fyrir þónokkurri úrkomu á Borgarfirði Eystra næsta sólarhringinn. Síðustu daga og vikur hefur rignt talsvert á norðanverðu landinu og má gera ráð fyrir að jarðvegur sé víða blautur eða vatnsmettaður.

Sjá nánar Hhttps://blog.vedur.is/ofanflod/2024/08/22/auknar-likur-a-skridufollum-a-nordurlandi-22-24-agust/ér.