Fleiri fréttir

Jón G. Guðjónsson | laugardagurinn 2. janúar 2016

Veðrið í Desember 2015.

Séð til Norðurfjarðar.
Séð til Norðurfjarðar.

Yfirlit yfir veðrið frá veðurstöðinni í Litlu-Ávík.

Austanátt var fyrsta dag mánaðar allhvass og með snjókomu og jafnvel slyddu um kvöldið. Næstu þrjá daga voru frekar hægar suðlægar vindáttir. Um nónleitið þann fjórða gekk í hvassa austnorðaustanátt með éljum og síðan snjókomu, og var norðan stormur þann fimmta með snjókomu. Þessi norðlæga vindátt var fram á þann 6. enn þá gerði hægar suðlægar vindáttir. En seint um kvöldið þann 7. var kominn austan stormur með hlýnandi veðri í bili. Siðan voru umhleypingar út mánuðinn. Miklir umhleypingar voru í veðrinu yfirleitt í mánuðinum. Nokkra spilliblota gerði í mánuðinum, og gerði mikla hálku á vegum.

Talsvert tjón varð að bænum Steinstúni við Norðurfjörð í austan hvellinum aðfaranótt 8. Nokkrar þakplötur fuku af aðalfjárhúsunum og gömul fjárhús fuku, veggur fauk inn og þakið féll niður, fé sem var þar inni slapp, það þótti mildi, því féið stóð í brakinu. Einnig fuku nokkrar plötur af veggklæðningu á íbúðarhúsinu þar.

Vindur náði 36 m/s í austan veðrinu að morgni þann 8. Og í suðvestanáttinni þann 30. náði vindur í 39 m/s í kviðum.

Mæligögn:

Úrkoman mældist 74,8 mm. (í desember 2014: 117,2 mm.)

Úrkomu sem varð vart en mældist ekki var í 2 daga.

Þurrir dagar voru 5.

Mestur hiti mældist þann 28: +8,9 stig.

Mest frost mældist þann 26: -9,8 stig.

Meðalhiti mánaðarins var +0,2 stig.

Meðalhiti við jörð var -2,85 stig. (í desember 2014: -2,7 stig.)

Alhvít jörð var í 18 daga.

Flekkótt jörð var í 13 daga.

Auð jörð var því í 0 dag.

Mesta snjódýpt mældist þann 2: 35 cm.

Sjóveður:Mjög rysjótt í þessum umhleypingu.

 

Yfirlit dagar eða vikur:

1: Austan stinningskaldi, allhvass, snjókoma, slydda, hiti frá -1 til +2 stig.

2: Vestan kaldi, stinningsgola, snjókoma um morguninn síðan skafrenningur, hiti +2 niður í -3 stig.

3-4: Suðaustan eða S kul, enn gekk í Austnorðaustan nónleitið þann 4. með skafrenningi í fyrstu og éljum, hiti frá -3 til +2 stig.

5: Norðan stormur, snjókoma, hiti +0 til -2 stig.

6-7: Norðan stinningskaldi, stinningsgola í fyrstu síðan suðlægar vindáttir með kuli eða golu, enn um kvöldið þ.7. gekk í Austan storm. hiti frá-7 stigum upp í +4 stig.

8: Austan stormur fram á hádegi, síðan S og SSV kaldi eða allhvass, rigning, skúrir, hiti 3 til 6 stig.

9: Sunnan kul eða gola, en síðan NA stinningskaldi um kvöldið og él, hiti +4 til -1 stig.

10-11: Norðlægar vindáttir, gola, stinningsgola, kaldi, stinningskaldi, él, hiti +3 til -2 stig.

12-13: Breytilegar vindáttir, kul eða gola,þurrt í veðri, hiti 0 til -6 stig.

14-16: Sunnan eða SV, kaldi, stinningskaldi, allhvass, þurrt þ. 16. annars skúrir, hiti frá -1 til +6 stig.

17: Norðaustan allhvass eða hvassviðri, slydda, snjókoma, hiti +1 til -4 stig.

18-25: Mest Norðaustlægar vindáttir, hvassviðri, allhvass, stinningskaldi, él, snjókoma, slydda, hiti,+3 til -8 stig.

26: Austlæg eða breytileg vindátt eða gola, aðeins snjókoma um miðjan dag, frost -1 til -10 stig.

27-29: Suðlægar vindáttir, gola, stinningsgola, kaldi, allhvass, rigning, él, hiti +9 til 0 stig.

30: Norðaustlæg vindátt í fyrstu, kaldi, allhvass, síðan suðvestan stinningskaldi og síðan stormur og rok, súld, rigning, él, hiti +5 og niður í 0 stig.

31: Suðvestan og S, allhvasst, hvassviðri, síðan stinningskaldi en kul um kvöldið, él, snjókoma um tíma um kvöldið, hiti frá +4 niður í -0 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 1. desember 2015

Veðrið í Nóvember 2015.

Oft var svartabilur seinnihluta mánaðar. Litla-Ávík.
Oft var svartabilur seinnihluta mánaðar. Litla-Ávík.
1 af 2

Yfirlit yfir veðrið frá veðurstöðinni í Litlu-Ávík.

Fyrsti dagur mánaðar var með hægri breytilegri vindátt, síðan skiptust á austlægar eða suðlægar vindáttir fram til 12 með skúrum eða rigningu. Frá 13 til 19 voru norðaustlægar vindáttir með kólnandi veðri og éljum. Eftir það voru suðlægar vindáttir aftur með hlýnandi veðri í bili, en kólnaði aftur með umhleypingum. Um miðjan dag þann 26 gekk í ákveðna norðaustanátt yfirleitt með hvassviðri og með nokkru frosti og snjókomu eða éljum það sem eftir lifði mánaðar. Talsverður snjór er nú komin á láglendi.

Mæligögn:

Úrkoman mældist 83,5 mm. (í nóvember 2014: 54,6 mm.)

Úrkomu sem varð vart enn mældist ekki var í 2 daga.

Þurrir dagar voru 5.

Mestur hiti mældist þann 22: +9,0 stig.

Mest frost mældist þann 20: -8,3 stig.

Meðalhiti mánaðarins var +2,5 stig.

Meðalhiti við jörð var -0,47 stig. (í nóvember 2014: +0,85 stig.)

Alhvít jörð var í 7 daga.

Flekkótt jörð var í 3 daga.

Auð jörð var því í 20 daga.

Mesta snjódýpt mældist þann 30: 25 cm.

Sjóveður: Mjög rysjótt.

Yfirlit dagar eða vikur:

1: Breytileg vindátt, kul eða gola, lítilsháttar rigning um kvöldið, hiti +1 til +5 stig.

2-4: Suðvestan eða Sunnan, stinningskaldi, kaldi, stinningsgola, skúrir, þurrt þ.4. hiti +2 til +6,5 stig.

5: Austlæg vindátt, stinningsgola eða kaldi, rigning, hiti +2 til +8 stig.

6: Breytileg vindátt með andvara í fyrstu síðan Norðan stinningsgola, þokuloft en rigning um kvöldið, hiti +4 til +6 stig.

7-9: Suðvestan allhvasst, stinningskaldi, kaldi, stinningsgola, skúrir, rigning, hiti +2 til +7 stig.

10-11: Austlæg vindátt, kaldi, stinningsgola, gola, rigning, hiti +3 til +5 stig.

12: Suðvestan, kul, gola, kaldi, þurrt í veðri, hiti +2 til +5 stig.

13-19: Norðaustan kul, gola,stinningsgola, kaldi, en mest stinningskaldi eða allhvass vindur, skúrir, slyddu eða snjóél, slydda, hiti +5 niður í -6 stig.

20: Suðvestan kaldi eða stinningskaldi, þurrt í veðri, hiti frá -8 til +3 stig.

21: Breytilegar vindáttir, kul, gola,stinningsgola, þurrt í veðri, hiti +0 til +6 stig.

22-23: Suðvestan hvassviðri, allhvasst,stinningskaldi, rigning, en komin norðan allhvass um kvöldið þ.23. með snjókomu, hiti +9 niður í +0 stig.

24: Norðan eða NA stinningskaldi, stinningsgola, kul, slydduél, snjókoma, hiti +3 niður í -0 stig.

25: Austlæg vindátt, gola, stinningsgola, snjókoma, rigning, hiti frá -0 til +3 stig.

26: Suðvestan allhvass, stinningskaldi, en komin NA stinningskaldi um miðjan dag með slydduéljum og síðan snjóéljum, hiti +6 niður í +0 stig.

27-30: Norðaustan eða Norðan, hvassviðri, allhvass, stinningskaldi, kaldi, snjókoma eða él, skafrenningur, hiti frá +0,5 niður í -4,5 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 1. nóvember 2015

Veðrið í Október 2015.

Að morgni þann 24. Alhvítt í Norðurfirði.
Að morgni þann 24. Alhvítt í Norðurfirði.
1 af 2

Yfirlit yfir veðrið frá veðurstöðinni í Litlu-Ávík.

Ýmsar vindáttir voru í byrjun mánaðar, suðlægar, austlægar eða breytilegar vindáttir með frekar hægum vindi en nokkurri úrkomu fram til 13. Enn eftir það voru ákveðnar suðvestlægar vindáttir fram til 18. og síðan sunnan og suðaustan fram til 20. Þá gekk í ákveðna norðaustanátt fram til 26, og kólnandi veðri með snjóéljum, og urðu fjöll þá alhvít í fyrsta sinn og alhvítt á láglendi einnig. Eftir það voru suðlægar eða austlægar vindáttir og eða breytilegar út mánuðinn, sérlega fallegur dagur þann 31. með léttskýjuðu og eða heiðskíru veðri. Mánuðurinn var mjög úrkomusamur.

Hvassviðri og eða stormur var af suðvestri 16 og 17, vindur náði 34 m/s í kviðum þann 16 og 35 m/s þann 17 í kviðum.

Mikið var um Norðurljós um kvöldið þann 6. og nutu magrir hverjir Árneshreppsbúar þess eftir vætutíð undanfarna daga, loks þegar stytti upp þann daginn og birti til seinni parts dags. Einnig var mikil Norðurljósadýrð þann 7. Norðurljós voru reyndar oftar í mánuðinum.

Mæligögn:

Úrkoman mældist 126,3 mm. (í október 2014: 134,2 mm.)

Úrkomu vart en mældist ekki var í 5 daga.

Þurrir dagar voru 4.

Mestur hiti mældist þann 17. +12,0 stig.

Mest frost mældist þann 27. -3,9 stig.

Meðalhiti mánaðarins var +4,7 stig.

Meðalhiti við jörð var +1,73 stig. (í október 2014: +0,95 stig.)

Alhvít jörð var í 2 daga.

Flekkótt jörð var í 4 daga.

Auð jörð var því í 25 daga.
Mesta snjódýpt mældist þann 26: 3 cm.

Sjóveður: Slæmt sjóveður var 4-25 og 29, þá talsverður sjór, og allmikill sjór dagana 21 og 22, og dagana 23 og 24 var mikill sjór. Annars mjög gott eða sæmilegt, gráð, sjólítið eða dálitlum sjór.

Yfirlit dagar eða vikur:

1-2: Suðaustan kul og SV stinningsgola í fyrstu, síðan N og NA stinningsgola, rigning, súld, hiti +3 til +10 stig.

3: Suðvestan og V, kul eða gola, þurrt í veðri, hiti +1 til +5 stig.

4: Austan stinningsgola eða kaldi, talsverð rigning, hiti +1 til +10 stig.

5-8: Mest suðaustlæg eða suðlægar vindáttir, kaldi, stinningsgola, gola, kul, rigning, en þurrt í veðri 7 og áttunda, hiti +3 til 12 stig.

9-10: Vestan gola, stinningsgola, kaldi, en NV, kul þ.10. rigning eða súld, hiti +3 til +6 stig.

11-13: Norðan eða NV, og V, stinningsgola, kaldi, rigning,skúrir, hiti +3 til +10 stig.

14-15: Suðvestan kaldi, stinningskaldi, skúrir, hiti +6 til +9 stig.

16- 18: Suðvestan allhvasst,hvassviðri eða stormur 16. og 17. síðan kaldi, skúrir, hiti +5 til +12 stig.

19-20: Sunnan og SA andvari, kul, gola, en A kaldi um kvöldið þ.20. rigning, hiti +2 til +6 stig.

21-26: Norðaustan, kaldi, stinningskald, allhvass, hvassviðri um tíma þ.23. rigning, slydda, snjóél, hiti +6 niður í -2 stig.

27-31: Suðlægar vindáttir eða austlægar og breytilegar, logn, andvari, kul, gola, stinningsgola, en kaldi um tíma þann 30. snjókoma, slydda, rigning,enn þurrt í veðri þ.31. hiti frá -4 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. október 2015

Veðrið í September 2015.

Bændur voru nokkuð sáttir við fallþunga dilka eftir slæmt vor og sumar.
Bændur voru nokkuð sáttir við fallþunga dilka eftir slæmt vor og sumar.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði að þessu sinni með suðlægum vindáttum og að mestu hlýju veðri fram til 10. ,en suðlægar eða breytilegar vindáttir frá 11.  fram til 12, en þá fór að kólna aðeins. Frá 13 og fram til 17 voru norðlægar vindáttir með súld eða rigningu og fremur svölu veðri. Eftir það voru breytilegar vindáttir eða auslægar fram til 22. Frá 23 og fram til 26 voru hafáttir. Frá 27 voru suðlægar eða austlægar vindáttir, enn mánuðurinn endaði með suðvestan stormi með miklum stormkviðum. Úrkomulítið var fyrri hluta mánaðar, talsverð úrkoma frá miðjum mánuði.

Vindur náði tólf vindstigum gömlum þann 9. eða 34 m/s í kviðum. Og einnig þann 30. náði vindur 38 m/s í kviðum í suðvestanátt.

Mæligögn:

Úrkoman mældist 58,6 mm.  (í september 2014: 91,8 mm.)

Úrkomu vart en mældist ekki var í 4 daga.

Þurrir dagar voru 7.     

Mestur hiti mældist þann 9: +15,6 stig.

Minnstur hiti mældist þann 4: +2,7 stig.

Meðalhiti mánaðarins var +8,7 stig.

Meðalhiti við jörð var +5,40 stig.  (í september 2014: +5,6 stig.)

Sjóveður: 13,14 og 15, talsverður eða allmikill sjór, 23,24, og 25, talsverður,allmikill og mikill sjór. Annars sæmilegt eða gott sjóveður.

Yfirlit dagar eða vikur:

1-2: Suðvestan, kul, gola, stinningsgola, þurrt í veðri, hiti +8 til +14 stig.

3: Suðvestan stinningskaldi, allhvass, skúrir, en norðan stinningsgola um kvöldið með súld, hiti +15 niður í +5 stig um kvöldið.

4: Suðaustan, andvari, kul, gola, í fyrstu, síðan SV, kul eða gola, þurrt í veðri, hiti +3 til +10 stig.

5-8: Suðvestan, allhvasst, stinningskaldi, skúrir, hiti +10 til +16 stig.

9-10: Suðlægar vindáttir, S, SA, kaldi, stinningskaldi eða allhvass, en vindur náði í 34 m/s í kviðum þ. 9. ,skúrir,en þurrt í veðri þann 10. , hiti +10 til +16 stig,

11-12: Breytilegar vindáttir, andvari, kul eða kul, skúr þ.11, en þurrt þ. 12. Hiti +6 til +12 stig.

13-17: Norðan NNA,NNV, gola,stinningsgola,kaldi,stinningskaldi,súld, þoka, rigning,hiti +4 til +8 stig.

18-19: Breytilegar vindáttir,andvari,kul eða gola,súld eða rigning,hiti +6 til+8 stig.

20-22: Suðaustlægar eða suðlægar vindáttir, kul, gola eða stinningsgola, rigning, þurrt þ.21. hiti +3 til +14 stig.

23-26: Norðlægar vindáttir, andvari, kul, stinningskaldi þ.24. súld eða rigning, hiti +4 til +9stig.

27: Suðvestan, stinningsgola, kaldi, stinningskaldi, skúrir, hiti +7 til +12 stig.

28-Austlæg vindátt með golu, síðan NA og N, kaldi með rigningu, hiti +6 til +11 stig.

29-30: Suðvestan, stinningsgola, kaldi, stinningskaldi, enn stormur þ. 30. með miklum stormkviðum fram eftir degi, þurrt í veðri þ.30. hiti +4 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 2. september 2015

Veðrið í Ágúst 2015.

Úrkomumælir umflotinn vatni að morgni 28 ágúst.
Úrkomumælir umflotinn vatni að morgni 28 ágúst.
1 af 3

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með þessum hefðbundnu hafáttum eins og hafa verið í sumar, fram til tíunda. Þá loks þann 11 gerði suðlæga vindátt loks með sæmilegum hita, sem varði aðeins þann dag, þá gerði norðaustan aftur með kaldara veðri. Eftir það voru suðlægar vindáttir eða breytilegar fram til nítjánda. Frá 20. og fram til 29. voru norðlægar vindáttir með rigningu. Enn gífurleg rigning var þ.21 og 22, og síðan úrhelli þ.27 og 28. Síðustu tvo dagana voru suðlægar vindáttir með hlýindum og mikið til þurru veðri.

Gífurlegar vegaskemmdir urðu í mánuðinum, eftir úrhellisrigningar aðallega frá fimmtudeginum 27. og á föstudaginn 28. Miklar skriður féllu á vegi í Árneshreppi í miklum vatnavöxtum, mest á Kjörvogshlíð inn með Reykjarfirði, á veginn til Norðurfjarðar, á Munaðarneshlíð og Fellshlíð, og reindar allstaðar í hreppnum, þar sem skriður gátu fallið. Óvenju úrkomusamt var í þessum mánuði í Árneshreppi.


Mæligögn:

Úrkoman mældist  250,8 mm. (í ágúst 2014: 33,5 mm.)

Þurrir dagar voru 2.

Mestur hiti mældist þann 15: +14,5 stig.

Minnstur hiti mældist þann 28: +3,6 stig.

Meðalhiti mánaðarins var +7,7 stig.

Meðalhiti við jörð var +5,62 stig.  (í ágúst 2014: +6,57 stig.)

Sjóveður: Slæmt sjóveður dagana 1-2-3-4 og 5,oft talsverður sjór, og 20-21-22-23, 26, 27, 28, og 29, talsverður sjór eða allmikill og mikill sjór. Annars sæmilegt eða gott.


Yfirlit dagar eða vikur:

1-10: Norðlægar vindáttir, NV, N, NA, kul, gola, stinningsgola, kaldi, súld eða rigning, hiti + 6 til + 10 stig.

11: Suðlæg vindátt, kul eða gola, skúrir, hiti +6 til +13 stig.

12:Norðaustan eða Austan, gola, stinningsgola, kaldi, stinningskaldi, súld, rigning, hiti +6 til +8 stig.

13:Suðlæg eða austlæg vindátt, stinningsgola, gola,rigning, hiti +7 til +12 stig.

14:Norðvestan gola,stinningsgola, súld, rigning, hiti +7 til +11 stig.

15-19:Suðlægar eða breytilegar vindáttir, kul, gola, stinningsgola, súld, skúrir, rigning, hiti +4 til +15 stig.

20-29:Norðlægar vindáttir, N, NNA, NV, gola, stinningsgola, kaldi,stinningskaldi,allhvass, súld, rigning, mikil rigning, 21og 22 en úrhelli þann 28, hiti +4 til +11 stig.

30-31:Suðvestan, eða breytilegar vindáttir,andvari, kul eða gola, aðeins skúr þ. 30. En þurrt þ. 31. hiti +7 til +12 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 1. ágúst 2015

Veðrið í Júlí 2015.

Reykjaneshyrnan kom sjaldan uppúr þokuloftinu eða súldarloftinu í þessum kalda júlímánuði.
Reykjaneshyrnan kom sjaldan uppúr þokuloftinu eða súldarloftinu í þessum kalda júlímánuði.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn  einkenndist af að hafáttir voru ríkjandi allan mánuðinn, oftast hægar. Og einnig var mánuðurinn mjög kaldur hiti náði aðeins að fara í tæp níu stig. Hver skyldi trúa því að hér sé verið að lísa hitastigi í júlí mánuði.?  Nokkuð úrkomusamt var í mánuðinum. Sláttur hófst seint í júlí í Árneshreppi vegna kulda, vætutíðar og sprettuleisis.


Mæligögn:

Úrkoman mældist 70,0 mm.  (í júlí 2014: 124,6 mm.)

Þurrir dagar voru 5.

Mestur hiti mældist þann 27: +8,8 stig.

Minnstur hiti mældist þann 9 og 25: +4,0 stig.

Meðalhiti mánaðarins var +6,2 stig.

Meðalhiti við jörð var +5,42 stig. (í júlí 2014: +7,59 stig.)

Sjóveður: Nokkuð slæmt þann 1-11-19-20 og 31, eða talsverður sjór, annars sæmilegt og jafnvel gott.


Yfirlit dagar eða vikur:

1-31:Hafáttir, NV, N, NA, kul, gola, stinningsgola, en kaldi þann 20. og 31. og stinningskaldi, þann 1. og 19. súld, rigning, oftast þokuloft í mánuðinum, hiti 4 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 22. júlí 2015

Hitinn aðeins farið í átta stig.

Hámarkshitinn hefur aðeins farið í 8,1 stig sem af er júlí.
Hámarkshitinn hefur aðeins farið í 8,1 stig sem af er júlí.

Mjög kalt hefur verið og úrkomusamt sem af er júlí. Það sem af er júlí hefur verið mest þokuloft með súld eða rigningu, það sem af er mánuði eru komnir tveir dagar þurrir, úrkoman var komin í 63,5 mm í morgun á veðurstöðinni í Litlu-Ávík. Hámarkshitinn hefur aðeins farið í 8,1 stig, en hitinn er þetta yfirleitt á milli 6 og 7 stig yfir daginn,lægsti hitinn í júlí enn sem komið er var 4 stig þann 9.

Það er ekki von að spretti mikið í þessum kulda og lítur ílla út með grassprettu. Tveir bændur slógu smávegis um 17. og náðu því í rúllur, en annars er engin heyskapur byrjaður ennþá. Bændur ætluðu að byrja nú næstkomandi helgi ef styttir eitthvað upp.

Jón G. Guðjónsson | miðvikudagurinn 1. júlí 2015

Veðrið í Júní 2015.

Fjöll urðu alhvít víða í Árneshreppi aðfaranótt þann 3.
Fjöll urðu alhvít víða í Árneshreppi aðfaranótt þann 3.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hafáttum og köldu veðri, snjóéljum og slyddu fram til fimmta. Þann sjöunda snerist í suðvestanáttir og veður talsvert hlýnandi fram til níunda, en kólnaði talsvert aftur fram til fjórtánda, slydduél voru síðast þann ellefta. Síðan voru hægar hafáttir út mánuðinn, en NA stinningskaldi þann 30. Frekar svalt var í þokuloftinu frá tuttugusta og út mánuðinn. Úrkomulítið var í mánuðinum og lítil sem engin úrkoma eftir miðjan mánuð, enda þurrir dagar taldir 15. Mánuðurinn var kaldur í heild.

Fjöll urðu hvít víða í Árneshreppi aðfaranótt þann 3. og vegur þungfær norður og Vegagerðin þurfti að moka talsverðan snjó.

Suðvestan hvassviðri og stormur var frá 7 og fram á morgun þann 9. Kviður fóru í 39 m/s, þetta var eins og hinn versti hauststormur.

Bændur voru að mestu búnir að bera tilbúin áburð á tún uppúr 20. Eru öll vorverk um hálfum mánuði til þrem vikum seinni enn í venjulegu árferði.

Mæligögn:

Úrkoman mældist  15,4 mm. (í júní 2014: 32,4 mm.)

Þurrir dagar voru 15.

Mestur hiti mældist þann 19: +13,0 stig.

Minnstur hiti mældist þann 13: +0,4 stig.

Meðalhiti mánaðarins var +5,9 stig.

Meðalhiti við jörð var +3,58 stig. (í júní 2014: +7,10 stig.)

Sjóveður:Slæmt sjóveður dagana 1-2-3 og 30, annars gott eða sæmilegt sjóveður.

Yfirlit dagar eða vikur:

1-6:Norðan og NA, kaldi, stinningskaldi, stinningsgola, en gola eða kul 5 og 6. skúrir, snjóél, slydda, hiti frá +0,5 til +6 stig.

7-9:Suðvestan kaldi í fyrstu síðan hvassviðri eða stormur um kvöldið þ. 7 og fram á morgun þ. 9, enn ofsaveður í kviðum, síðan stinningsgola, þurrt í veðri 7 og 9, en skúrir eða rigning þ.8, hiti 6 til 11 stig.

10-13:Norðaustan eða N, stinningsgola, gola, kul, rigning, slydduél, en þurrt í veðri 12 og 13, hiti 2 til 8 stig.

14-30:Hafáttir ,N, NV, NA andvari, kul, gola, stinningsgola, en kaldi eða stinningskaldi þ. 30. Lítilsáttar rigning, skúrir,súld, annars þurrt veður, mikið um þokuloft síðari hluta mánaðar, hiti 2 til 13 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 2. júní 2015

Veðrið í Maí 2015.

Að morgni 28 snjóaði talsvert í byggð,mikill snjór á mælaskýli
Að morgni 28 snjóaði talsvert í byggð,mikill snjór á mælaskýli
1 af 3

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðan og norðaustanáttum með éljum og köldu veðri sem stóð til og með tólfta þessa mánaðar. Þá snerist til suðlægrar vindáttar í tvo daga með hlýnandi veðri í bili. Síðan voru hafáttir næstu fjóra daga með svölu veðri að mestu. Þann nítjánda snerist til suðlægra vindátta með aðeins hlýnandi veðri til tuttugusta og fyrsta. En aðfaranótt 22. gerði skammvinna norðanátt með kalsa rigningu og slyddu. Þá voru breytilegar vindáttir í tvo daga með rigningu. Þann 25 snerist til norðlægrar vindáttar með hægum vindi í fyrstu, en þann 27. var allhvasst með snjókomu og síðan slyddu fram á 28. Norðlægar vindáttir voru svo  út mánuðinn með svölu veðri.

Mánuðurinn var mjög kaldur í heild, og úrkomusamur eftir miðjan mánuð. Ræktuð tún eru farin að grænka enn ekki stingandi strá eða komin (nál eins og sagt var í gamla daga). Enda étur lambfé úr hey rúllum sem settar eru út á tún sem þær inni væru, og fé gefin fóðurbætir úti þegar þurrt er í veðri. Úthagi er ekkert farin að taka við sér í mánaðarlok, ljósgrár enn.

Mæligögn:

Úrkoman mældist 48,0 mm. (í maí 2014: 24,9 mm.)

Þurrir dagar voru 9.

Mestur hiti mældist þann 23. +11,0 stig.

Mest frost mældist þann 8. -2,6 stig.

Meðalhiti mánaðarins var +2,6 stig.

Meðalhiti við jörð var +0,84 stig. (+2,86 stig.)

Alhvít jörð var í 3 daga.

Flekkótt jörð var í 13 daga.

Auð jörð var því í 15 daga.

Mesta snjódýpt mældist 20 cm þann 2.

Sjóveður: Slæmt í sjóinn dagana 3-16-17-27-28 og 31. Annars allsæmilegt eða ágætt sjóveður.

Yfirlit dagar eða vikur:

1-12:Norðan og NA, gola, stinningsgola, en oftast kaldi,snjóél, en þurrt í veðri 2-4-5-7-10 og 12, hiti frá -3 stig til +3 stig.

13-14:Suðaustan kul, gola eða stinningsgola, þurrt í veðri þ. 13. annars lítilsáttar rigning, hiti -1 til +10 stig.

15-18:Norðlægar eða norðaustlægar vindáttir, kul, stinningsgola, kaldi, stinningskaldi, rigning,skúrir,súld, hiti +2 til +8 stig.

19-21:Suðlægar vindáttir, gola, stinningsgola eða kaldi, SA, SV, skúrir, rigning, hiti +2 til +9 stig.

22: Norðan, gola,stinningsgola,rigning, slydda, hiti +2 til +5 stig.

23-24:Suðlægar eða breytilegar vindáttir, kul, gola, stinningsgola, rigning, hiti +3 til +11 stig.

25-31:Norðlægar vindáttir, N, NV, NA, kul, gola, stinningskaldi, kaldi, en allhvass um kvöldið þ. 27. og fram á 28. súld, rigning, él, slydda og snjókoma, þurrt í veðri þ.31. hiti frá +7 niður í +0 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 2. maí 2015

Veðrið í Apríl 2015.

Sjógarð gerði þann 11 í norðan hvassviðri.
Sjógarð gerði þann 11 í norðan hvassviðri.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með nokkru frosti og éljum og snjókomu,en fór síðan að hlýna þann þriðja og var lofthiti yfir frostmarki yfir daginn. Þann 11. var komin norðan hvassviðri eða stormur með snjókomu og nokkru frosti. Síðan voru suðlægar eða austlægar vindáttir og frostlaust yfir daginn. Þann 15.fór að hlína með suðlægum vindáttum sem stóð til 21. En þann 22. fór að kólna með éljum. Þann 23. gekk í norðanátt, með allhvössum vindi með snjókomu, og talsverðu frosti, en mun hægari síðustu tvo daga mánaðar. Þann 7 og 8 gerði suðvestan hvassviðri með storméljum. Og þann 11 gerði norðan hvassviðri og storm með snjókomu og nokkru frosti.

Mæligögn:

Úrkoman mældist 46,3 mm. (í apríl 2014: 41.2 mm.)

Þurrir dagar voru 9.

Mestur hiti mældist þann 20: +12,0 stig.

Mest frost mældist þann 12: -5,9 stig.

Meðalhiti mánaðarins var +1,5 stig.

Meðalhiti við jörð var -1,26 stig.  (í apríl 2014: -0,23 stig.)

Alhvít jörð var í 15 daga.

Flekkótt jörð var í 12 daga.

Auð jörð var því í 3 daga.

Mesta snjódýpt mældist þann 3. 22 cm.

Sjóveður: Slæmt dagana 1-11-12 og frá 24 til 28, annars sæmilegt í sjóinn.

Yfirlit dagar eða vikur:

1: Norðan og NA,allhvass í fyrstu,síðan,stinningskaldi eða kaldi,snjóél,frost -3 til -5 stig.

2-3: Austan og SA,gola,kul,þurrt í veðri þ.2 en snjókoma eða skúrir þ.3.hiti -5 til +7 stig.

4: Sunnan og SV,gola,síðan allhvass og hvassviðri um tíma um kvöldið,rigning,skúrir,hiti +3 til +8 stig.

5: Suðaustan og S,kul eða gola,snjókoma,slydda,rigning,súld,hiti +1 til +7 stig.

6-8: Suðvestan,stinningsgola,allhvass,hvassviðri,skúrir,él,hiti +7 niður í -1 stig.

9-10 :Suðlægar eða breytilegar vindáttir,kul eða gola,en NA allhvass um kvöldið þ.10,hiti +3 til -3 stig.

11: Norðan hvassviðri eða stormur,snjókoma,frost -1 til -5 stig.

12: Suðvestan gola,stinningsgola,kaldi,stinningskaldi,þurrt í veðri,hiti frá -6 til +1 stig.

13: Suðaustan gola eða stinningsgola,rigning,hiti +2 til 6 stig.

14: Vestan gola,síðan norðan stinningsgola,él,hiti frá +5 til -1 stig.

15-22: Mest Suðvestan eða suðlægar vindáttir, gola, stinningsgola, kaldi, en allhvasst eða hvassviðri 21. og fram á 22. Þurrt í veðri 15. 16 og 18. annars skúrir, hiti frá +12 niður í -1 stig.

23-30: Norðan, stinningsgola, kaldi, stinningskaldi, en allhvass eða hvassviðri dagana 26,27 og 28, síðan hægari vindur, él, snjókoma, frost frá -6 til + 1 stig.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Finnbogastaðir fyrir brunann.
  • Rafmagnshitakútur komin upp.30-04-2009.
  • Norðurfjarðabæjirnir og Steinstún 10-03-2008.
  • Gíslína-Júlíana-Villi-Eysteinn og Jenssína.
Vefumsjón