Fleiri fréttir

Jón G. Guðjónsson | sunnudagurinn 1. febrúar 2015 Prenta

Fyrsti saumaklúbburinn í vetur.

Konur tóku sér pásu frá hannyrðum til myndatöku,og góður brandari sagður.
Konur tóku sér pásu frá hannyrðum til myndatöku,og góður brandari sagður.
1 af 4

Í gærkvöld var haldinn fyrsti saumaklúbbur vetrarins 2015. Nú riðu Krossneshjón á vaðið,þau Oddný S Þórðardóttir og Úlfar Eyjólfsson. Klúbburinn var vel sóttur í gærkvöldi,en það voru ekki allar konur sem eru vanar að vera,vegna þess að þær voru í burtu. Þannig að karlar voru í meirihluta.

Saumaklúbbarnir í Árneshreppi eru sérstakir að því leyti að karlmönnum er boðin þátttaka einnig,og spila annað hvort bridds eða vist,eða jafnvel tekin skák ef þannig stendur á fjölda við spilin. Þá eru konur við sauma eða aðra handavinnu. Þessir klúbbar eru búnir að tíðkast til margra áratuga og á meðan fleira fólk var í sveitinni voru klúbbarnir tvískiptir,það er klúbbar voru haldnir bæði í norðurhluta hreppsins og austari hlutanum þá ver skipt við Melabæina. Oftast koma allir sem geta og taka þátt sem eiga heimangegnt,ungir sem aldnir. Klúbbarnir hefjast yfirleitt í janúar og standa fram á vor,og eru yfirleitt haldnir á tveggja vikna fresti,en annars fer það líka eftir veðri og færð. Þetta er eitt af því fáa sem gert er hér í þessari fámennu sveit Árneshreppi til að koma saman. Alltaf eru veisluborð hjá þeim konum sem halda saumaklúbbana í lok samkomunnar.

Athugasemdir

Atburðir

« 2017 »
« Desember »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • SV hlið eldhúsmegin,SV hlið lokið.18-12-2008.
  • Jón Guðbjörn og Tara við sjávarhitamælingu. Mynd Kristín Bogadóttir. 30-10-2015.
  • Norðvesturhlið komin.28-10-08.
  • Saumaklúbbur á Bergistanga 15-01-2011.
Vefumsjón