Fleiri fréttir

Jón G. Guðjónsson | mánudagurinn 2. júlí 2018

Veðrið í Júní 2018.

Séð niður að Eyri við Ingólfsfjörð.
Séð niður að Eyri við Ingólfsfjörð.

Yfirlit yfir veðrið frá veðurstöðinni í Litlu-Ávík.

Fyrstu fjóra daga mánaðarins var suðvestanátt, oft allhvasst, en þurru veðri og góðum hita. 5 og 6 var norðanátt og svalara og þokuloft. Síðan var skammvinn suðvestanátt með hlýju og þurru veðri. Frá 9 og fram til 20 voru norðlægar vindáttir oftast með köldu veðri og einhverri úrkomu. Þá voru suðlægar vindáttir næstu 4 daga, en aðfaranótt 25 var norðlæg og eða norðvestlæg vindátt með mikilli rigningu fram á morgun. Eftir það var suðvestanátt aftur með vætu. Þann 28 gerði skammvinna norðlæga vindátt með rigningu. Mánuðurinn endaði með breytilegri vindátt og hægviðri en úrkomu. Úrkomusamt var í mánuðinum með köflum, aðallega eftir níunda dags mánaðar.

Hafís borgarísjakar sáust frá landi í mánuðinum, og voru sendar tvær hafístilkynnigar 13 og 19 á Hafísdeild Veðurstofunnar.

Mæligögn:

Úrkoman mældist 75,9 mm. (í júní 2017: 60,7 mm.)

Úrkomu sem varð vart en mældist ekki var í 2 daga.

Þurrir dagar voru 10.

Mestur hiti mældist þann 7 : +16,1 stig.

Minnstur hiti mældist þann 16: +2,0 stig.

Meðalhiti mánaðarins var? (í júní 2017: +6,6 stig.)

Meðalhiti við jörð var +5,46 stig. (í júní 2017: +4,38 stig.)

Sjóveður: Oftast sæmilegt, ládautt, gráð, sjólítið eða dálítill sjór. Nokkuð slæmt sjóveður, 14 og 15, það er talsverður sjór.

Yfirlit dagar eða vikur:

1-4: Suðvestan og V allhvasst, stinningskaldi, kaldi, stinningsgola, gola, þurrt í veðri, hiti 6 til 14 stig.

5-6: Norðan , kul, súldarvottur þann 5. þurrt þann 6. þoka eða þokuloft, hiti 3 til 11 stig.

7-8: Suðvestan stinningsgola eða kaldi, þurrt í veðri, hiti 5 til 16 stig.

9-20: Norðan NV, NNA, kul, gola, stinningsgola eða kaldi, rigning, súld, þoka, en þurrt í veðri 13 og 20, hiti 2 til 11 stig.

21-24: Mest SV, og SSA, gola,stinningsgola, kaldi, stinningskaldi, allhvass, rigning eða skúrir, þurrt í veðri þann 24. hiti 7 til 14 stig.

24-25: Um kvöldið þ.24 og aðfaranótt 25 var norðlæg vindátt eða NV, með mikilli rigningu fram á morgun.

25-27: Suðvestan gola, stinningsgola, stinningskaldi, en allhvasst eða hvassviðri þann 25 um kvöldið og fram á morgun, rigning, skúrir, hiti 6 til 15 stig.

28: Norðan,NNA, kul eða gola, rigning, hiti 8 til 12 stig.

29-30: Breytilegar vindáttir, SV. N gola, kul, logn, rigning, súld, hiti 7 til 15 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. júní 2018

Veðrið í Maí 2018.

Lambfé á túnum, snjór í fjöllum.
Lambfé á túnum, snjór í fjöllum.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðlægum vindáttum, mest suðvestanáttum með éljagangi og kulda fram til 7 en þá fór að hlýna aðeins í veðri. Þann 8 seinnipartinn gekk í norðaustlæga vindátt með kólnandi veðri, og snjóaði niður á láglendi um kvöldið þann 10. Þann 13 gekk til suðvestlæga vindátt um tíma, og hiti rauk í 12 stig um hádegið, síðan snérist í norðan með þoku og hiti féll niður í 4 stig á innan við klukkutíma. Frá 15 til 18 var suðvestan með vætu. Síðan var skammvinn austanátt með slyddu þann 19. Og þann 20 var norðvestan með rigningu og síðan slyddu. Og frá 21 til 26 voru suðlægar eða breytilegar vindáttir með vætu með köflum. Síðan vestlægar eða norðlægar vindáttir og hægviðri, en með vætu. Tvo síðustu daga mánaðar var suðvestan eða vestan, að mestu með þurru og mjög hlýju veðri. Mánuðurinn var nokkuð umhleypingasamur.

Ræktuð tún orðin græn og hafa tekið vel við sér,og úthagi einnig. Lambfé snerti varla við rúllum sem voru settar útá tún sem venjulaga um sauðburð. Farið að sleppa lambfé úr túnum fyrir mánaðarlok. Mun betra sauðburðaveður var í ár heldur enn í fyrra, en þá var mikil vætutíð og kalt, úrkomumet varð þá á veðurstöðinni 124,3 mm.

Mæligögn:

Úrkoman mældist 62,6 mm. (í maí 2017: 124,3 mm.)

Úrkomu sem varð vart en mældist ekki var í 2 daga.

Þurrir dagar voru 3.

Mestur hiti mældist þann 30. +13,5 stig.

Minnstur hiti mældist þann 3. -3,1 stig.

Meðalhiti mánaðarins var: +5,0 stig. ( í maí 2017: +5.7 stig.)

Meðalhiti við jörð var +1,35 stig. (í maí 2017: +3,05 stig.)

Alhvít jörð var í 0 dag.

Flekkótt jörð var í 1 dag.

Auð jörð var því í 30 daga.

Mesta snjódýpt mældist þann, mældist ekki.

Sjóveður: Slæmt sjóveður var 9, 10,11,20 það er talsverður, allmikill eða mikill sjór(Þ.10). Annars sæmilegt sjóveður, gráð, sjólítið eða dálitill sjór.

Yfirlit dagar eða vikur:

1 -7: Suðvestan eða suðlægar vindáttir, kul, gola, stinningsgola, kaldi, stinningskaldi, allhvass, en hvassviðri og uppí ofsaveður í kviðum þann 6. Snjó eða slydduél, rigning, hiti -3 til 5 stig.

8: Breytileg vindátt með kuli í fyrstu, síðan NA gola, stinningsgola, þurrt í veðri enn þokuloft, hiti 3 til 6 stig.

9-12: Norðaustan N, NV, allhvasst, stinningskaldi, stinningsgola,, gola, rigning, súld, slydda, snjókoma, hiti 1 til 5 stig.

13: Suðvestan stinningsgola í fyrstu, síðan Norðan, kul eða gola, rigningarvottur, þoka, hiti 4 til 12 stig.

14: Norðaustan gola, rigning um kvöldið, hiti 2 til 7 stig.

15-18: Suðvestan stinningsgola,kaldi, stinningskaldi, skúrir, rigning, hiti 2 til 11 stig.

19: Austan gola, kaldi, stinningskaldi, rigning, slydda, skúrir, hiti 1 til 6 stig.

20: Norðvestan stinningsgola eða kaldi,rigning, slydda, hiti 2 til 7 stig.

21: Breytileg vindátt kul eða gola, þurrt í veðri, hiti 1 til 6 stig.

22: Suðaustan stinningsgola síðan gola, skúrir, rigning, hiti 2 til 8 stig.

23: Suðvestan stinningskaldi, allhvass, skúrir, hiti 6 til 9 stig.

24 Breytileg vindátt, andvari eða kul, skúrir um kvöldið, hiti 2 til 9 stig.

25-26: Suðvestan eða S, stinningsgola, kaldi, stinningskaldi, skúrir, rigning, hiti 3 til 11 stig.

27-29: Vestlæg eða N og eða breytileg vindátt, kul eða gola, rigning eða súld, hiti 3 til 9 stig.

30-31: Suðvestan eða VSV, gola, stinningsgola, kaldi, skúrarvottur þ.30, annars þurrt, hiti 6 til 14 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 2. maí 2018

Veðrið í Apríl 2018.

Séð til Gjögurs frá Byrgisvík 12 apríl.
Séð til Gjögurs frá Byrgisvík 12 apríl.
1 af 2

Yfirlit yfir veðrið frá veðurstöðinni í Litlu-Ávík.

Fyrsta dag mánaðar var breytileg átt og kul og þurrt í veðri, síðan snérist í ákveðna norðaustanátt með éljum til 5. Þá gerði hægar suðlægar vindáttir með hita yfir daginn en frosti á nóttunni. Þann 9 fór að hlína aðeins í veðri með suðlægum vindáttum áfram. Frá 13 og fram til 28 voru mest hafáttir, með svalara veðri yfirleitt. Siðan voru suðlægar vindáttir eða breytilegar, með rigningu slyddu eða éljum tvo síðustu daga mánaðarins. Úrkoman var með minna móti. Ræktuð tún hné úthagi eru ekkert farin að taka við sér í mánaðarlok, enda kuldatíð.

Mæligögn:

Úrkoman mældist 56,3 mm. (í apríl 2017: 170,9 mm.)

Úrkomu sem varð vart en mældist ekki var í 4 daga.

Þurrir dagar voru 10.

Mestur hiti mældist þann 15. +10,4.

Minnstur hiti mældist þann 1 og 6. -4,9 stig.

Meðalhiti mánaðarins var +2,7 stig. (í apríl 2017: +1,5 stig.)

Meðalhiti við jörð var +0,19 stig. (í apríl 2016: -0,85 stig.)

Alhvít jörð var í 2 daga.

Flekkótt jörð var í 11 daga.

Auð jörð var því í 17 daga.

Mesta snjódýpt mældist þann 4. 4 cm.

Sjóveður: Sæmilegasta sjóveður, sjólítið eða dálitill sjór, en frekar slæmt í sjóinn dagana 3 og 4 allmikill sjór, og 5, 17 og 18, talsverður sjór.

Yfirlit dagar eða vikur:

1: Breytilegar vindáttir með kuli, þurrt í veðri, hiti -5 til 1 stig.

2-5: Norðaustan stinningsgola, kaldi, stinningskaldi, síðan kul eða gola, snjóél, en þurrt í veðri þann 5. hiti -4 til 3 stig.

6-12: Suðvestan S. SA. eða breytilegar vindáttir, kaldi, stinningskaldi,gola, kul, þurrt í veðri 7, 8, 9 og 10, hiti -5 til 10 stig.

13-28: Norðlægar vindáttir, NA, N, NNV, andvari, kul, gola, stinningsgola, kaldi, stinningskald, allhvasst, rigning, súld, slydda, snjókoma, él, þurrt í veðri 15 og 16 og 26. hiti 0 til 10 stig.

29-30: Sunnan eða SV, stinningsgola, kaldi, allhvasst, síðan breytileg vindátt og kul, skúrir, rigning, slydda og eða él.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 2. apríl 2018

Veðrið í Mars 2018.

Það gerði alhvíta jörð aftur 23 mars.
Það gerði alhvíta jörð aftur 23 mars.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hafáttum sem voru ríkjandi fram til 12. Eftir það voru austlægar eða breytilegar vindáttir og hægviðri. Veður fór hlýnandi frá og með 14 og veður var góðviðrasamt og snjó tók mikið til upp fram til 22. Enn þann 23 gerði skammvinna norðaustanátt eða norðan, með snjókomu og gerði alhvíta jörð aftur. Eftir það voru hægar suðlægar vindáttir fram til 27,með úrkomulausu veðri og hita yfir frostmarki á daginn. Þann 28 gekk í skammvinna hvassa austanátt, með úrkomulausuveðri. Síðustu þrjá daga mánaðarins voru hægar hafáttir með kólnandi veðri.

Mánuðurinn verður að teljast góðviðrasamur að mestu og mjög úrkomulítill.

Mæligögn:

Úrkoman mældist 38,7 mm. (í mars 2017: 49,5 mm.)

Úrkomu sem varð vart en mældist ekki var í 2 daga.

Þurrir dagar voru 14.

Mestur hiti mældist þann 18: +8,0 stig.

Minnstur hiti mældist þann 13: -5,5 stig.

Meðalhiti mánaðarins var +1,1 stig. (Í mars 2017: +0,7 stig.)

Meðalhiti við jörð var -1,6 stig. (í mars 2017:-2,58 stig.)

Alhvít jörð var í 13 daga.

Flekkótt jörð var í 18 daga.

Auð jörð var því í 0 dag.

Mesta snjódýpt mældist þann 6. 16 cm.

Sjóveður: Að mestu sæmilegt sjóveður, það er dálítill sjór eða sjólítið. Slæmt í sjóinn dagana 4,5,6,10,11,23,24 og 28, það er talsverður sjór eða allmikill sjór.

Yfirlit dagar eða vikur:

1-12: Mest Norðaustan, NNA eða A, stinningsgola, kaldi, stinningskaldi, en allhvass þann 11, síðan gola eða kul, él, snjókoma, þurrt í veðri 9, 10 og 12. hiti -4 til 2 stig.

13-18: Auslægar eða breytilegar vindáttir, andvari, kul eða gola, slydda,rigning, súld, þoka, þurrt í veðri 13, 16 og 18. hiti -6 til 8 stig.

19-20: Suðvestan, stinningskaldi, kaldi, stinningsgola, skúrir, rigning, en þurrt þ.19. hiti 3 til 8 stig.

21-22: Breytilegar vindáttir, logn, kul, enn S kaldi um tíma þ.21. þoka, súld, rigning, hiti 2 til 6 stig.

23: Norðaustan og N, NV, allhvass, stinningskaldi, stinningsgola, gola, slydda, snjókoma, hiti 3 og niður í -2 stig.

24: Suðvestan gola, stinningsgola, kul, þurrt í veðri, hiti -2 til 2,5 stig.

25-27: Suðaustan kul eða gola, þurrt í veðri, hiti -2 til 5 stig.

28: Austan, ANA, stinningskaldi, allhvass, úrkomulaust, hiti 2 til 4 stig.

29: Norðvestan kul, þokumóða, þurrt í veðri, hiti 1 til 5 stig.

30-31: Norðaustan, kul eða gola, skúrir, él, þurrt í veðri þ. 31. hiti -1 til 4 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. mars 2018

Veðrið í Febrúar 2018.

Fallegt veður var á sunnudagsmorguninn 18 febrúar.
Fallegt veður var á sunnudagsmorguninn 18 febrúar.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði fljótlega með látum. Þann 2 og 4 var sunnan og suðvestan rok eða jafnvel ofsaveður í jafnavind, með hlýindum báða dagana um tíma. Snjó tók mikið til upp og svell hurfu mikið til. Suðvestan eða vestanáttir voru svo ríkjandi áfram með éljum og frosti fram til 9. Þann 10 gerði norðan hvell með mikilli snjókomu. Síðan héldu umhleypingar áfram, með frosti eða hita. Þann 15 og 16 hlánaði svolítið, og einnig þann 19. Síðan var allgóður hiti frá 23 og fram á síðasta dag mánaðar, en kólnaði mikið um kvöldið þann 28. Snjó tók mikið til upp, þannig að jörð á láglendi var talin lítilsáttar flekkótt síðustu tvo daga mánaðarins.

Vindur fór í 40 m/s í kviðum um hádegið í sunnan rokinu þann 2. Og í 45 m/s í SV rokinu þann 4.

Tjón: Bátur fauk uppúr bátavagni í ofsaveðrinu þann 4. á Norðurfirði, og einnig brotnaði rúða í Kaffi Norðurfirði. Þann 24 á laugardegi, í suðvestan hvassviðri fuku upp hurðir á flatgryfju á Finnbogastöðum, eða gáfu eftir í veðurofsanum, og lögðust inn, enn mjög kviðótt var þar.

Mánuðurinn verður að teljast mjög umhleypingasamur og vindasamur mánuður í heild.

Mæligögn:

Úrkoman mældist 100,4 mm. (í febrúar 2017: 76,3 mm.)

Úrkomu sem varð vart en mældist ekki var í 0 dag.

Þurrir dagar voru 5.

Mestur hiti mældist þann 24. +10,2 stig.

Minnstur hiti mældist þann 13. -6,6 stig.

Meðalhiti mánaðarins var +1,6 stig. (í febrúar 2017: +2,7 stig.)

Meðalhiti við jörð var -2,22 stig. ( í febrúar 2017: -0,09 stig.)

Alhvít jörð var í 12 daga.

Flekkótt jörð var í 16 daga.

Auð jörð var því í 0 dag.

Mesta snjódýpt mældist þann 11. 45 cm.

Sjóveður: Rysjótt.

Yfirlit dagar eða vikur:

1: Norðaustan og A kaldi, stinningsgola, gola, snjóél, snjókoma, hiti -1 til -4 stig.

2: Sunnan eða SSV, stormur, síðan allhvasst, rigning, skúrir, hiti 2 til 9 stig.

3: Suðvestan kaldi, stinningskaldi, allhvasst, él, hiti 1 til 3 stig.

4: Ofsaveður í fyrstu, síðan stormur, skúrir, rigning, hiti 2 til 9 stig.

5-9: Suðvestan eða S, allhvass, stinningskaldi, kaldi, stinningsgola, skafrenningur, snjóél, snjókoma, úrkomulaust þann 6 og 8. Hiti 2 til -6 stig.

10: Norðan, NNA, NNV, gola, stinningsgola, allhvass, hvassviðri, mikil snjókoma, hiti 0 til -3 stig.

11-12: Suðvestan, allhvasst, stinningskaldi, kaldi, stinningsgola, skafrenningur, él, hiti -0 til -6 stig.

13-15: Norðaustan eða A, kaldi, stinningskaldi, kaldi, stinningsgola, en allhvasst eða hvassviðri þann 14, snjókoma, él, rigning, hiti -7 til 4 stig.

16: Suðvestan allhvasst, stinningskaldi, stinningsgola, smá él, hiti 0 til 3 stig.

17-18: Suðlægar eða breytilegar vindáttir, andvari eða kul, þurrt í veðri, hiti 2 til -5 stig.

Um kvöldið þann 18 var austnorðaustankaldi fram á morgun þann 19, með snjókomu, slyddu og rigningu.

19: Austan kaldi í fyrstu síðan sunnan stinningskaldi, allhvass, skúrir, hiti 8 og niður í -1 stig.

20: Suðvestan allhvass, stinningskaldi, stinningsgola, slyddu eða snjóél, hiti 0 til 4 stig.

21: Austan, SA, kaldi, allhvass, síðan SV, allhvass eða hvassviðri, kaldi, snjókoma, slydda, rigning, hiti -2 til 7 stig.

22: Suðaustangola, síðan SV eða S, allhvass eða hvassviðri, snjóél, hiti -1 til 3 stig.

23-24: Austan og síðan suðlægar vindáttir, stormur um tíma þann 23 og hvassviðri þann 24, annars allhvass eða stinningskaldi, snjókoma, slydda, rigning, hiti 1 til 10 stig.

25-27: Suðlægar vindáttir, SA, S, SSV, gola, stinningsgola, allhvasst, slydda, rigning, skúrir, en þurrt í veðri þann 26. hiti 1 til 10 stig.

28: Suðvestan stinningskaldi í fyrstu, síðan norðan gola eða stinningsgola, súld, hiti 1 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. febrúar 2018

Veðrið í Janúar 2018.

Borgarísjaki sást í byrjun mánaðar.
Borgarísjaki sást í byrjun mánaðar.
1 af 2

Yfirlit yfir veðrið frá veðurstöðinni í Litlu-Ávík.

Hægviðrasamt var fyrstu fjóra daga mánaðar og úrkomulítið en nokkurt frost. Þann 5 gekk í norðaustan eða austanátt með éljum eða snjókomu og miklum skafrenning og nokkru frosti. Frá 8 fór veður hlýnandi með suðlægum vindáttum, og tók snjó mikið upp fram til og með 13. En nokkuð svellað. Suðvestan hvassviðri var með stormkviðum og dimmum éljum þann 14. Þann 15 er komin norðvestan með snjókomu, og voru norðlægar vindáttir með snjókomu eða éljum fram til 25. Eftir það voru hægar suðlægar vindáttir með úrkomulitlu veðri, eða úrkomulausu. Síðasta dag mánaðar voru norðlægar vindáttir með éljum.

Annan janúar sást borgarísjaki 3 KM NA af Reykjaneshyrnu. Og var tilkynnt um jakann á hafísdeild Veðurstofunnar.

Vindur náði 34 m/s í kviðum í suðvestan hvassviðrinu þann 14., sem er meir en 12 vindstig gömul.

Mæligögn:

Úrkoman mældist 72,3 mm. (í janúar 2017: 67,8 mm.)

Úrkomu sem varð vart en mældist ekki var í 2 daga.

Þurrir dagar voru 10.

Mestur hiti mældist þann 10 og 12 +8 stig.

Minnstur hiti mældist þann 19 -5,2 stig.

Meðalhiti mánaðarins var +0,4 stig. ( í janúar 2017: + 0,5 stig.)

Meðalhiti við jörð var – 3,01 stig. (í janúar 2017: -2,58. stig.)

Alhvít jörð var í 27 daga.

Flekkótt jörð var í 4 daga.

Auð jörð var því í 0 dag.

Mesta snjódýpt mældist þann 8. 40 cm.

Sjóveður: Nokkuð rysjótt.

Yfirlit dagar eða vikur:

1: Breytileg vindátt kul, snjókoma frá hádegi, hiti -4 til 0 stig.

2: Austan gola, stinningsgola, þurrt í veðri en skafrenningur, hiti 2 til – 1 stig.

3-4: Suðaustan eða A, kul, gola,stinningsgola, þurrt í veðri, hiti 1 til -5 stig.

5-7: Norðaustan eða A, stinningsgola, kaldi, stinningskaldi, allhvass, skafrenningur, él, snjókoma, hiti -5 til 2 stig.

8-14: Suðlægar vindáttir, SV, S, SA, gola, stinningsgola, kaldi, stinningskaldi, allhvass, en hvassviðri með stormkviðum þann 14., snjókoma, rigning, skúrir, él, þurrt í veðri þ.10. hiti 8 til -4 stig.

15-25: Mest hafáttir, NV, N, NA, kul, gola, stinningsgola, kaldi, stinningskaldi, allhvasst eða hvassviðri þann 23. Snjókoma, él, þurrt í veðri 18 og 25. Hiti 3,5 til -5 stig.

26-29: Suðlægar vindáttir SV, S, SA, kul, gola, stinningsgola, snjókoma um kvöldið þann 26 síðan þurrt í veðri, hiti -4 til 4 stig.

30: Austan kul, gola, stinningsgola, kaldi, þurrt í veðri, hiti -4 til 1 stig.

31: Norðaustan síðan norðan, stinningskaldi, kaldi, snjóél, hiti 2 til -2 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 16. janúar 2018

Úrkoma árið 2017.

Úrkomumælir í Litlu-Ávík.
Úrkomumælir í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2017, reiknuð út af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2016:

Janúar 61,1 mm. (45,1). Febrúar 78,4 mm. (104,2). Mars 49,2 mm. (59,7). Apríl 166,7 mm. (23,5). Maí 127,0 mm. (71,2). Júní 62,5 mm. (38,8). Júlí 49,7 mm. (112,4). Ágúst 47,1 mm. (42,8).September 116,5 mm. (172,0). Október 61,2 mm. (66,9). Nóvember 72,6 mm. (90,0). Desember 62,4 mm. (116,7).

Samtals úrkoma var því á liðnu ári 2017. 954,4 mm, enn árið 2016. 943,3 mm. Það er mjög sjaldgæft að úrkoma fari yfir þúsund mm. á ársgrundvelli, en hefur skeð.

Jón G. Guðjónsson | föstudagurinn 12. janúar 2018

Meðalhiti árið 2017.

Hitamælar.
Hitamælar.

Meðalhiti á veðurstöðinni í Litlu-Ávík fyrir árið 2017 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2016.:

Janúar: +0,5 stig.(+0,1). Febrúar +2,7 stig.(-0,3.) Mars +0,7 stig.(+1,7.) Apríl +1,5 stig.(+2,9.) (Maí + 5,7 stig. (+5,5.) Júní +6,6 stig.(+8,6.). Júlí +9,4 stig.(+7,7.) Ágúst +9,0 stig.(+9,3.) September +8,6 stig. (+7,7.) Október +6,1.stig.(+7,8.) Nóvember +0,7 stig.(+3,7.) Desember -0,2 stig.(+3,0.)

Eins og sjá má á þessu hitayfirliti var meðalhitinn góður á liðnu ári. Það er ekki fyrr en í nóvember og desember sem er mjög kalt. Eina mínus talan er fyrir desember rétt fyrir neðan núllið.

Jón G. Guðjónsson | þriðjudagurinn 2. janúar 2018

Veðrið í Desember 2017.

Séð til Norðurfjarðar.
Séð til Norðurfjarðar.
1 af 3

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðvestanáttum og hlýju veðri fyrstu tvo dagana, en síðan breytilegar vindáttir, og veður fór kólnandi. Frá 5 til 7 var norðaustan eða norðan og allhvass með éljum. Frá 8 og til og með 12 var hægviðrasamt mest í suðlægum vindáttum, og hlýnaði svolítið þann 12. Þann 13 til 15 voru austlægar og eða NA, vindáttir. En frá 16 og fram til 22 voru suðlægar vindáttir oft hvassar en ofsaveðri um tíma fyrir og eftir miðnætti 22 og 23. Þann 23 gekk svo í norðaustan með hvassviðri og snjókomu og síðan éljum, og talsverðu frosti, er stóð til 27. En þann 28 var komin hæg austanátt sem var til 30. Síðasta dag mánaðar var norðan kaldi í fyrstu og síðan vestan gola.

Mjög lítil úrkoma var fram í miðjan mánuð, síðan var úrkomusamara. Mánuðurinn var mjög kaldur.

Vindur náði 74 hnútum eða 38 m/s fyrir og eftir miðnætti 22 og 23 í suðvestan roki í kviðum.

Mæligögn:

Úrkoman mældist 61,4 mm. (í desember 2016: 115,2mm.)

Úrkomu sem varð vart en mældist ekki var í 1 dag.

Þurrir dagar voru 11.

Mestur hiti mældist þann 1. +9,1 stig.

Minnstur hiti mældist þann 30. -8,6 stig.

Meðalhiti mánaðarins var -0,2 stig. ( í desember 2016: +3,0 stig.)

Meðalhiti við jörð var -3,65 stig. (í desember 2016: -0,36. stig.)

Alhvít jörð var í 18 daga.

Flekkótt jörð var í 5 daga.

Auð jörð var því í 8 daga.

Mesta snjódýpt mældist þann 30. 29 cm.

Sjóveður: Mjög rysjótt sjóveður í heild.

Yfirlit dagar eða vikur:

1-3: Suðvestan allhvass, stinningskaldi, stinningsgola, kul, litilsáttar skúrir þ.1. enn þurrt í veðri 2 og 3. hiti 9 niður í -2 stig.

4: Breytilegar vindáttir andvari eða kul, snjó eða slydduél, hiti -1 til 4 stig.

5-7: Norðaustan eða N, allhvass, stinningskaldi, kaldi, snjóél, en þurrt. Þ.7. hiti -7 til 2 stig.

8-12: Suðlægar eða breytilegar vindáttir, andvari, kul eða gola, þurrt í veðri, en rigning þann 12. hiti -8 til 3 stig.

13-15: Austan eða NA, allhvasst, stinningskaldi, stinningsgola, gola, rigningarvottur þ.13. annars þurrt, hiti 4 niður í -3 stig.

16-22: Suðlægar vindáttir, SA, S, SV, gola, stinningsgola, kaldi, stinningskaldi, allhvass, hvassviðri, enn    

ofsaveður var um tíma frá um 23:00 þann 22 og fram til 02:00 þann 23. snjókoma, rigning, él, hiti -5 til 8 stig.

23-27: Norðaustan eða N, hvassviðri, allhvasst, stinningskaldi, kaldi, snjókoma, él, hiti 1 til -6 stig.

28-30: Austan gola eða stinningsgola, þurrt í veðri þ.28 og 30. enn snjókoma um tíma þ.29. hiti -1 til -9 stig.

31: Norðan kaldi, stinningsgola, í fyrstu síðan V gola, él um morguninn, hiti 1 til -4 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. desember 2017

Veðrið í Nóvember 2017.

Svona skóf snjó að bílskúrsdyrum í Norðurfirði í norðanbylnum í mánuðinum. Eins og pússað þunnu lagi efst upp á hurð. Mynd Þórólfur Guðfinnsson.
Svona skóf snjó að bílskúrsdyrum í Norðurfirði í norðanbylnum í mánuðinum. Eins og pússað þunnu lagi efst upp á hurð. Mynd Þórólfur Guðfinnsson.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum og var umhleypingasamt í mánuðinum, en hægviðri á milli og góðir dagar, með hita yfir frostmarki í fyrstu en yfirleitt með frosti, en talsverð sveifla í hitastigi. Þann 20 gekk í ákveðna norðanátt eða norðaustanátt með hvassviðri eða stormi og snjókomu eða éljum, sem gekk síðan niður eftir hádegið þann 25. Síðan var hægviðri í þrjá daga. En síðustu tvo daga mánaðarins var suðvestan og SV hvassviðri þann 30. með hlýju veðri, og tók þennan litla snjó upp sem var, enn nokkuð svellað. Mánuðurinn var mun kaldari en nóvember 2016 í fyrra.

Jörð varð fyrst talin flekkótt þann 3. Og alhvít jörð var talin fyrst á veðurstöðinni þann 18.

Mæligögn:

Úrkoman mældist 72 mm. (í nóvember 2016: 92,0 mm.)

Úrkomu sem varð vart en mældist ekki var í 2 daga.

Þurrir dagar voru 10.

Mestur hiti mældist þann 30. +9,1 stig.

Minnstur hiti mældist þann 26. -5,6 stig.

Meðalhiti mánaðarins var +0,7 stig. ( í nóvember 2016: +3,7 stig.)

Meðalhiti við jörð var -3,32 stig. (í nóvember 2016: +0,52 stig.)

Alhvít jörð var í 12 daga.

Flekkótt jörð var í 16 daga.

Auð jörð var því í 2 daga.

Mesta snjódýpt mældist 16 cm þann 28.

Sjóveður: Mjög rysjótt oftast slæmt, en sæmilegt dagana 13 til 19 og síðustu þrjá daga mánaðar.

Yfirlit dagar eða vikur:

1: Norðaustan kaldi, stinningsgola, í fyrstu síðan SV gola, þurrt í veðri, hiti -1 til 2 stig.

2: Suðvestan hvassviðri, allhvasst, kaldi, stinningsgola, rigning, skúrir, hiti 1 til 8 stig.

3-4: Norðan eða NNA kaldi eða stinningskaldi, slydda, snjókoma, él, hiti -1 til 2 stig.

5: Austan gola, síðan stinningsgola, snjókoma, slydda, rigning um kvöldið og fram á nótt, hiti -2 til 3 stig.

6-7: Sunnan, stinningsgola, kaldi, gola, kul, síðan V stinningsgola, gola, él, hiti -1 til 3 stig.

8: Norðaustan stinningsgola, stinningskaldi, allhvasst, él, hiti 1 til 3 stig.

9-12: Suðlægar eða breytilegar vindáttir, kul, gola, stinningsgola, þurrt í veðri 9 og 10, annars litilsáttar él eða snjókoma, hiti -4 til 2 stig.

13-16: Suðvestan, stinningsgola, kaldi, stinningskaldi,skúrir, él, snjókoma, en þurrt í veðri þann 16.hiti -1 til 5 stig.

17-18: Vestan, SV, eða breytilegar vindáttir, gola, stinningsgola, stinningskaldi, síðan kul, snjóél, en þurrt í veðri þann 18. hiti 2 til -6 stig.

19: Austan, kaldi, stinningskaldi, snjóél, haglél, hiti -1 til 2 stig.

20-25: Norðan eða NA allhvass, hvassviðri, stormur, en V gola síðdegis þ.25. snjókoma, slydda, él, frostrigning, hiti 3 til -4 stig.

26-28: Auslægar eða breytilegar vindáttir, stinningsgola, gola, kul,snjóél þ.27, annars þurrt í veðri, hiti -6 til 2 stig.

29-30: Suðvestan stinningsgola, allhvasst, hvassviðri, þurrt í veðri þ.29. en skúrarvottur þ.30. hiti 2 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2018 »
« Júlí »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Úr myndasafni

  • Báturinn Agnes fer ekki lengra inn og sleppir flotanum.
  • Gamla hreppstjórahúsið á Eyri-24-07-2004.
  • Grafið fyrir kapli,Orkubúsmenn leggja kapal og tengja ljóastaur.13-11-08.
  • Ólafur Thorarensen-Gunnsteinn Gíslason-Njáll Gunnarsson og Guðlaugur Ágústsson.
Vefumsjón