Fleiri fréttir

Jón G. Guðjónsson | miðvikudagurinn 1. maí 2019

Veðrið í Apríl 2019.

Litla-Ávík 25-04-2019.
Litla-Ávík 25-04-2019.
1 af 2

Yfirlit yfir veðrið frá veðurstöðinni í Litlu-Ávík.

Fyrstu tvo dagana var norðan skot með snjókomu. 3 til 4 voru hægar suðlægar vindáttir. 5 var norðaustan með slyddu. Enn frá 6 til 12 var hægviðri með hita yfir daginn en frosti að næturlagi. Léttskýjað og mjög fallegt veður þessa daga. Frá 13 fór að hlýna en frekar og bæta aðeins í vind og meira skýjað en góðviðrasamt. Þann 21 var breytileg vindátt og farið að kólna í veðri. 22 og 23 var skammvinn norðaustanátt með rigningu eða slyddu, kólnaði í veðri. Þann 24 og 25 voru breytilegar vindáttir og fór að hlýna aftur. Frá 26 og út mánuðinn voru hægar hafáttir.

Mæligögn:

Úrkoman mældist 32,2 mm. (í apríl 2018: 56,3 mm.)

Úrkomu sem varð vart en mældist ekki var í 1 dag.

Þurrir dagar voru 14.

Mestur hiti mældist þann 19: +13,2 stig.

Mest frost mældist þann 03: -5,1 stig.

Meðalhiti mánaðarins var +4,3 stig.

Meðalhiti við jörð var +0,75 stig. (í apríl 2018: +0,19 stig.)

Alhvít jörð var í 2 daga.

Flekkótt jörð var í 10 daga.

Auð jörð því í 18 daga.

Mesta snjódýpt mældist þann 1,2,og 3= 10 cm.

Sjóveður: Mjög gott eða sæmilegt sjóveður allan mánuðinn nema 1og 2.

Yfirlit dagar eða vikur:

1-2: Breytileg vindátt í fyrstu, kul eða gola, síðan Norðan stinningskaldi, allhvass, úrkomulaust þ.2. en snjókoma um tíma þ.1. hiti +1 niður í -5 stig.

3-4: Suðlægar vindáttir, S SV, stinningsgola, stinningskaldi, gola, þurrt í veðri þ.3. en vart úrkomu þ.4. hiti frá -5 til +6 stig.

5: Breytileg vindátt andvari, gola, síðan NA stinningsgola, slydda, hiti +1 til +3 stig.

6-12: Breytileg vindátt afram, logn, andvari, kul, gola, þurrt í veðri, en smá rigning þ.12. hiti -3 til +12 stig.

13-20: Mest Suðaustan, S, SSV, stinningsgola, kaldi, stinningskaldi, en allhvass þ.17. rigning, skúrir, en úrkomulaust 13,14,15, hiti +3 til +13 stig.

21: Breytileg vindátt, S, SV, NV, N og NA, stinningsgola, gola, kul, úrkomulaust, hiti +4 til +7 stig.

22-23: Norðaustan stinningsgola eða kaldi, rigning eða slydda, hiti +1 til +4 stig.

24-25: Breytilegar vindáttir logn, andvari eða kul, rigning, hiti +3 til +10 stig.

26-30: Norðlægar vindáttir, kul eða gola, rigning, súld, en úrkomulaust 27 og 30.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. apríl 2019

Veðrið í Mars 2019.

Séð til Norðurfjarðar Drangajökull- Hrolleifsborg. Séð frá Litlu-Ávík.09-03-2019.
Séð til Norðurfjarðar Drangajökull- Hrolleifsborg. Séð frá Litlu-Ávík.09-03-2019.
1 af 2

Yfirlit yfir veðrið frá veðurstöðinni í Litlu-Ávík.

Fyrstu sjö daga mánað voru hafáttir með snjókomu, eða éljum, allhvasst eða hvassviðri var hluta úr dögunum 1 og 3. Frá 8 og til 11 voru suðlægar vindáttir og hægviðri og úrkomulausu veðri, en talsverðu frosti. Þann 12 gerði skammvinna NA átt allhvassa með lítilsáttar slyddu og hlýnaði aðeins í veðri. 13 til 17 var hægviðri með úrkomu með köflum. Frá 18 til 21 voru suðvestlægar vindáttir mest með dimmum snjóéljum. Þann 22 gerði allhvassa norðaustanátt með talsverðri snjókomu. Síðan voru suðlægar eða breytilegar vindáttir með úrkomu á köflum. Þann 25 gekk til suðaustlægrar vindáttar og hlýnaði í veðri, síðan suðvestan og snjó tók mikið upp á láglendi og var orðin flekkótt jörð að morgni þ.26. Frá 26 til 27 voru suðvestanáttir með hvassviðri og síðan stormi, fyrst með hlýju veðri en síðan kólnaði og komið frost þann 27 um kvöldið og mjög dimm él. Þann 28 var suðlæg vindátt með smávegis úrkomu. 29 var tvíátta, vestan í fyrstu síðan norðaustan með snjókomu. 30 og 31 voru suðlægar vindáttir og hlýnaði dálítið í veðri 31. Mánuðurinn var umhleypingasamur í heild.

Í suðvestan rokinu þann 27 náðu kviður að fara í 78 hnúta eða 40 m/s. Mikli og dimm él voru.

Mæligögn:

Úrkoman mældist 52,9 mm. (í mars 2018: 38,7 mm.)

Úrkomu sem varð vart en mældist ekki var í 0 dag.

Þurrir dagar voru 7.

Mestur hiti mældist þann 25: +8,0 stig.

Mest frost mældist þann 30: -7,4 stig.

Meðalhiti mánaðarins var 0,0 stig. (i mars 2018: +1,1 stig)

Meðalhiti við jörð var -3,22 stig. (í mars 2018: -1,60 stig.)

Alhvít jörð var í 20 daga.

Flekkótt jörð var í 11 daga.

Auð jörð því í 0 dag.

Mesta snjódýpt mældist þann 25: 20 cm.

Sjóveður: Rysjótt sjóveður en nokkrir dagar sæmilegir.

Yfirlit dagar eða vikur:

1-7: Norðaustan, ANA N, NNV, stinningsgola, kaldi, stinningskaldi en allhvass þ.1. og allhvass og hvassviðri þ.3. snjókoma, slydduél, snjóél, hiti +4 niður í -3 stig.

8-11: Suðaustan kul, en komin A kaldi um kvöldið Þ. 11. úrkomulaust frost frá -7 og uppí +2 stig.

12: Norðaustan allhvasst, stinningskaldi, slydda, hiti -1 til +2 stig.

13-17: Austlægar eða breytilegar vindáttir, kul, stinningsgola, snjókoma, él, en úrkomulaust 16 og 17 hiti +3 til -2 stig.

18-21: Suðvestan gola, kaldi, stinningskaldi, allhvass, en hvassviðri þ.20. með storméljum, skúrir, snjóél, hiti frá +7,5 niður í -7 stig.

22: Norðaustan og N stinningsgola, stinningskaldi, allhvasst, slydda, snjókoma, hiti frá +2 niður í -3 stig.

23-24: Mest suðlægar vindáttir SV, SA kul, stinningsgola, kaldi, síðan NV og N, gola, kaldi, skafrenningur, snjókoma, snjóél, frostrigning, hiti -5 til +2 stig.

25: Suðaustan og S kul, kaldi, allhvasst, snjókoma, slydda, rigning, hiti frá -2 til +8 stig.

26-27: Suðvestan, stinningskaldi, allhvasst, hvassviðri, stormur, skúrir, slydduél, snjóél, miklar kviður þ. 27. Kviður fóru í 40 m/s. Hiti +8 niður í -2 stig.

28: Sunnan gola í fyrstu með smá snjómuggu, siðan SV stinningsgola eða kaldi og él og skafrenningur, hiti -0 til -3 stig.

29: Vestan stinningsgola fyrri hluta dags, síðan NA stinningskaldi, snjókoma, frost 0 til 4 stig.

30-31: Suðvestan eða S gola, stinningsgola, kaldi, stinningskaldi, úrkomulaust þ.30. lítilsáttar rigning þ.31. Hiti -7 til +4 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. mars 2019

Veðrið í Febrúar 2019.

Flekkótt jörð varð fyrst þann 22.
Flekkótt jörð varð fyrst þann 22.

Norðan var fyrsta dag mánaðar sem gekk niður. Síðan voru hægar suðlægar vindáttir 2 og 3. Þann 4 var farið að snúast til austlægra vindátta og farið aðeins að hlýna í bili, og var ANA hvassviðri um kvöldið þann 5 og fram á dag þann 6. Norðaustan var svo áfram með frosti fram til 11. Þann 12 var austan með slyddu, snjókomu og rigningu, en um kvöldið SV hvassviðri. Frá 13 og til 16 var hægviðri með litilsáttar úrkomu, en nokkurt frost. Norðaustan hvassviðri var þann 17 með snjókomu, og norðlægar áttir áfram fram til 19, með éljum og nokkru frosti. Þann 20 fór að hlýna í veðri fyrst með austlægum vindáttum og síðan suðlægum, þann 24 fór að kólna aftur þótt hiti væri ofan við frostmark, en suðlægar vindáttir áfram. Þann 26 var norðvestan með rigningu, slyddu og snjókomu. Dagana 27 og 28 var úrkomulaust og hægviðri.

Mæligögn:

Úrkoman mældist 59,0 mm. (í febrúar 2018: 100,4 mm.)

Úrkomu sem varð vart en mældist ekki var í 2 daga.

Þurrir dagar voru 7 dagar.

Mestur hiti mældist þann 21: +9,0 stig

Mest frost mældist þann 2: -8,5 stig.

Meðalhiti mánaðarins var +0,2 stig. (í febrúar 2018: +1,6 stig.)

Meðalhiti við jörð var -3,37 stig. (í febrúar 2018: -2,22 stig.)

Alhvít jörð var í 22 daga.

Flekkótt jörð var í 6 daga.

Auð jörð var því í 0 dag.

Mesta snjódýpt mældist þann 19: 28 cm.

Sjóveður: Mjög rysjótt. Ekkert sjóveður fyrir smábáta í mánuðinum.

Yfirlit dagar eða vikur:

1: Norðan stinningskaldi, stinningsgola, snjóél, frost -3 til -7 stig.

2-3: Suðvestan síðan A, andvari, kul, þurrt í veðri, frost -2 til 9 stig.

4: Norðaustan gola, stinningsgola, snjókoma með köflum, frost -4 til +0 stig.

5-10: Norðaustan eða NNA, stinningsgola, kaldi, en alhvass eða hvassviðri þann 6 ,8 og 9. snjóél hiti frá -6 til +2 stig.

11: Breytilegar vindáttir, kul, snjókoma seinnipartinn og um kvöldið, hiti -6 til +1 stig.

12: Austnorðaustan stinningskaldi í fyrstu með rigningu, slyddu og snjókomu, síðan SV hvassviðri með éljum, hiti -1 til 4 stig.

13: Suðvestan, kul eða gola, úrkomulaust, hiti -2 til +2 stig.

14-16: Suðlægar eða breytilegar vindáttir, kul eða gola, snjóél, en úrkomulaust þ.16. en NA stinningsgola um kvöldið þ.16. hiti -6 til +1 stig.

17-19: Norðaustan og N eða A, hvassviðri Þ17. síðan allhvasst, stinningskaldi, gola, kul, snjókoma, él, úrkomulaust Þ 19. frost -1 til 4 stig.

20-25: Mest suðlægar eða austlægar vindáttir, gola, stinningsgola, kaldi, stinningskaldi, allhvass, slydda, rigning, skúrir, snjókoma, hiti +1 til +9 stig.

26: Norðvestan, kul, gola, stinningsgola, rigning, slydda, snjókoma, hiti +0 til +7 stig.

27-28: Suðlægar vindáttir kul eða gola, úrkomulaust, hiti 0 til 5 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. febrúar 2019

Veðrið í janúar 2019.

Séð út Norðurfjörð- Reykjarneshyrnan og Skagafjöllin. Mynd 27-01.
Séð út Norðurfjörð- Reykjarneshyrnan og Skagafjöllin. Mynd 27-01.
1 af 2

Yfirlit yfir veðrið frá veðurstöðinni í Litlu-Ávík.

Suðlægar vindáttir voru fyrstu sex dagana mjög hlítt var dagana 3 til 5 þegar hiti fór í 10 til 12 stig. Þann 7 kólnaði með vestlægri vindátt og frysti um daginn. Suðaustlæg vindátt var þann 8. Þann 9 gekk í suðvestanátt með roki og ofsaveðri, sem gekk síðan niður þann 10. Hægviðri og breytileg vindátt og dimmviðri var þann 11. Síðan var nokkuð umhleypingasamt fram til 21. Með snjókomu, slyddu eða éljum. Þá var hægviðri 22 og til 24, og úrkomulítið. Suðlægar eða austlægar áttir voru síðan frá 25 til 27, með hægum vindi. Þann 28 um kvöldið gekk í austan með snjókomu. Þrjá síðustu daga mánaðarins var síðan norðaustan eða norðanátt með snjóéljum og nokkru frosti.

Úrkoman var ekki mikil í mánuðinum og undir meðaltali miðað við janúarmánuð.

Í suðvestan rokinu eða ofsaveðrinu þann 9 fóru vindkviður í 46 m/s, en jafnavindur var þá 30 m/s kl: 21:00.

Mæligögn:

Úrkoman mældist 45,8 mm. (í janúar 2018: 72,3 mm.)

Úrkomu sem varð vart en mældist ekki var í 2 daga.

Þurrir dagar voru 8.

Mestur hiti mældist þann 3: +11,7 stig.

Mest frost mældist þann 14: -8,5 stig.

Meðalhiti mánaðarins var +0,5 stig. (í janúar 2018: +0,4 stig.)

Meðalhiti við jörð var -3,41 stig. (í janúar 2018: -3,01 stig.)

Alhvít jörð var í 21 dag.

Flekkótt jörð var í 3 daga.

Auð jörð var því í 7 daga.

Mesta snjódýpt mældist þann 19: 20 cm.

Sjóveður: Mjög rysjótt sjóveður í heild.

Yfirlit dagar eða vikur:

1-6: Suðvestan eða S, stinningsgola, kaldi, stinningskaldi, allhvass, en hvassviðri eða stormur þ.6. þurrt í veðri þ. 1. annars rigning, slydda, él, hiti frá -8 til +12 stig.

7: Vestan gola, stinningsgola, slydda um morguninn, hiti 5 og niður í -3 stig.

8: Suðaustan andvari, gola, stinningsgola, þurrt í veðri, hiti -4 til +8 stig.

9-10: Suðvestan allhvass, hvassviðri, rok og ofsaveður, dró svo úr vindi þ.10. rigningarvottur en þurrt í veðri þ.10. hiti +11 og niður í -3 stig.

11: Breytilegar vindáttir, A, SA, SV, gola eða stinningsgola, snjókoma, slydda, rigning, hiti -2 til +5 stig.

12-13: Norðaustan, allhvass, stinningskaldi, kaldi, slydda, snjókoma, hiti frá +2 niður í -6 stig.

14: Suðlæg eða breytileg vindátt í fyrstu með kuli, síðan NA allhvass með snjókomu, hiti -2 til -9 stig.

15-16: Norðaustan hvassviðri, allhvass, stinningskaldi, stinningsgola, snjókoma, él, hiti -1 til -4 stig.

17: Suðlæg vindátt andvari eða kul, þurrt í veðri, frost -1 til -5 stig.

18: Austan stinningsgola, síðan gola, snjókoma seinnipartinn og um kvöldið, hiti 0 og niður í -1 stig.

19-21: Sunnan eða SV, kaldi, stinningsgola, úrkomulaust þ. 19. en snjókoma 20 og 21. hiti +5 til -2 stig.

22-24: Suðlægar vindáttir S, SV, SA, andvari, kul eða gola, lítilsáttar snjómugga þ.24. annars þurrt, hiti +1 til -7 stig.

25-26: Austan og NA kaldi, stinningsgola, gola, lítiláttar él, hiti +3 til -3 stig.

27: Sunnan eða SA, gola, stinningsgola, þurrt í veðri, hiti -1 til -6 stig.

28: Suðaustan kul í fyrstu, en ANA stinningskaldi seinnipartinn og um kvöldið, snjókoma, hiti -1 til -4 stig.

29-31: Norðaustan og N, gola, kaldi, stinningskaldi, allhvass, snjóél, skafrenningur, hiti frá +1 niður í -5 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 16. janúar 2019

Úrkoma árið 2018 í Litlu-Ávík.

Úrkomumælir í Litlu-Ávík.
Úrkomumælir í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2018, tekin saman af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2017.:

Janúar: 71,3 mm. ( 61,1 mm.)

Febrúar: 99,8 mm. ( 78,4 mm.)

Mars: 40,3 mm. ( 49,2 mm.)

Apríl: 57,1 mm. (166,7 mm.)

Maí: 62,9 mm. (127,0 mm.)

Júní: 75,9 mm. ( 62,5 mm.)

Júlí: 159,2 mm. (49,7 mm.)

Ágúst: 33,9 mm. (47,1 mm.)

September: 57,9 mm. (116,5 mm.)

Október: 87,3 mm. (61,2 mm.)

Nóvember: 94,6 mm. (72,6 mm.)

Desember: 57,1 mm. (62,4 mm.)

Samtals úrkoma var því á liðnu ári 2018. 897,3 mm, enn árið 2017 954,4 mm. Aðeins einu sinni fer úrkoman yfir hundrað mm, en 2017 þrisvar. Það er mjög sjaldgæft að úrkoma fari yfir þúsund mm. á ársgrundvelli, en hefur skeð.

Jón G. Guðjónsson | mánudagurinn 14. janúar 2019

Meðalhiti í Litlu-Ávík árið 2018.

Hitamælar í Litlu-Ávík.
Hitamælar í Litlu-Ávík.

Meðalhiti á veðurstöðinni í Litlu-Ávík fyrir árið 2018 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2017.:

Janúar: +0.4 stig. (+0,5 stig.)

Febrúar: +1,6.stig(+2,7 stig.)

Mars:+1,1 stig .(+0,7 stig.)

Apríl: +2,7 stig.(+1,5 stig.)

Maí : +5,0 stig.(+ 5,7 stig.)

Júní: +7,8 stig. (+6,6 stig.)

Júlí: +8,2 stig. (+9,4 stig.)

Ágúst: +7,7 stig.(+9,0 stig.)

September: +5,8 stig .(+8,6 stig.)

Október: +3,2 stig.(+6,1.stig.)

Nóvember: +2,9 stig.(+0,7 stig.)

Desember: +1,8 stig. (-0,2 stig.)

Engin frosttala í meðalhitanum fyrir árið 2018. Meðalhitinn er mun hærri í júlí, ágúst og september árið 2017.

Jón G. Guðjónsson | miðvikudagurinn 2. janúar 2019

Veðrið í Desember 2018.

Sérkennilegt snjólag í fjöllum á gamlársdag.
Sérkennilegt snjólag í fjöllum á gamlársdag.
1 af 2

Yfirlit yfir veðrið frá veðurstöðinni í Litlu-Ávík.

Norðlæg vindátt var fyrstu þrjá dagana, og gekk norðanáttin smám saman niður, og seinnipartinn þann þriðja var komin suðlæg gola með talsverðu frosti. Síðan voru hægar breytilegar vindáttir með nokkru frosti. Þá gekk í norðaustan hvassviðri þann 7 um tíma en vind lægði smám saman fram til 9. Heldur hlýrra í veðri. Frá 10 til 19 voru mest austlægar eða suðlægar vindáttir, oftast með hita yfir frostmaki, en nokkurt frost var þann 10. Enn stundum hvass af suðri eða suðvestri eins og 12 og 14 part úr dögum. Allt mjög hrímað var um morguninn þann 17. Þann 20 var hæg norðlæg vindátt með súld. 21 til 22 var hæg breytileg vindátt, með súld og eða frostúða. Þann 23 snérist í ákveðna suðvestanátt og var hvassviðri eða stormur um tíma þann 24. Síðan voru mest suðlægar vindáttir til 29. Þann 30 til 31 var norðaustan og síðan norðan stormur með ofankomu. Auð jörð var á jóladagsmorgun (rauð jól), en alhvítt var á gamlársdag. Næstum helmingur úrkomunnar sem mældist var 2 síðustu sólarhringa mánaðarins.

Mæligögn:

Úrkoman mældist 56,2 mm. (í desember2017: 61,4 mm.)

Úrkomu sem varð vart en mældist ekki var í 5 daga.

Þurrir dagar voru 5.

Mestur hiti mældist þann 11: +9,8 stig.

Mest frost mældist þann 3: -8,0 stig.

Meðalhiti mánaðarins var +1,8 stig. (í desember 2017: -0,2 stig.)

Meðalhiti við jörð var -1,25 stig. (í desember 2017: -3,65 stig.)

Alhvít jörð var í 7 daga.

Flekkótt jörð var í 13 daga.

Auð jörð var því í 11 daga.

Mesta snjódýpt mældis dagana 3 og 4: 20 cm.

Sjóveður: Slæmt sjóveður var dagana 1,2,3,7,8,16,17,30 og 31. Annars var svona sæmilegt í sjóinn, þegar sjólítið eða dálítill sjór var, en mjög fáir dagar sem mjög gott sjóveður var.

Yfirlit dagar eða vikur:

1-3: Norðnorðaustan eða N hvassviðri, allhvass, stinningskaldi, kaldi, stinningsgola, orðin suðlæg vindátt með golu seinnipartinn þ.3. él hiti +1 niður í -8 stig.

4-5: Breytilegar vindáttir með kuli, þurrt í veðri, frost -1 til -7 stig.

6-9: Norðaustan eða ANA, hvassviðri, allhvass, stinningskaldi, kaldi, síðan gekk vindur niður þ.9. lítilsáttar rigning eða skúrir, hiti -4 til +5 stig.

10-11: Austlægar eða suðlægar vindáttir, kul, gola, stinningsgola, snjókoma, slydda, rigning, hiti -6 til +10 stig.

12: Sunnan allhvass fram eftir degi síðan A gola, þurrt í veðri, hiti 4 til 8 stig.

13-15: Austlæg vindátt kul eða gola, en SSV allhvass og síðan kaldi þ.14. rigning en þurrt í veðri þ.14. hiti 1 til 7 stig.

16: Norðan og NA kaldi, síðan gola, rigning, súld, hiti 1 til 6 stig.

17-19: Austlægar eða breytilegar vindáttir, andvari, kul, gola, en kaldi þ.17. um kvöldið, og allhvasst um tíma þ.18. þurrt í veðri þ.17. annars litilsáttar súld eða rigning, hiti -1 til 7 stig. Mikið hrím á jörðu þann 17.

20: Norðan gola, stinningsgola, súld, hiti 2 til 4 stig.

21-22: Suðlægar eða breytilegar vindáttir, andvari eða kul, súld, frostúði, glerungur á jörð, hiti 2 niður í -2 stig.

23-24: Suðvestan stinningskaldi, kaldi, allhvass, en hvassviðri eða stormur þ.24. skúrir, hiti frá -2 stigum upp í +7 stig.

25-27: Suðlægar vindáttir, SA, S, kul, gola, kaldi, stinningskaldi,rigning, skúrir, hiti, 2 til 7,5 stig.

28-29: Suðvestan, stinningsgola, stinningskaldi, allhvass, skúrir, él, hiti 2 til 5 stig.

30-31: Norðaustan kul, kaldi, síðan N hvassviðri eða stormur, slydda, snjókoma, hiti 3 og niður í -4 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 2. desember 2018

Veðrið í Nóvember 2018.

Reykjaneshyrna 316 m, talsvert snjóaði síðustu daga mánaðar.
Reykjaneshyrna 316 m, talsvert snjóaði síðustu daga mánaðar.

Yfirlit yfir veðrið frá veðurstöðinni í Litlu-Ávík.

Fyrstu fjóra daga mánaðar voru norðlægar vindáttir með slyddu, frostrigningu og síðan éljum. Þann 5 var hæg breytileg vindátt, með éljum. Þann 6 og 7 var norðaustan hvassviðri, og hlýnaði í veðri. Síðan 8 og 9 voru breytilegar vindáttir og hægviðri. Þá gerði norðaustan 10 til 16 með kólnandi veðri, með rigningu og síðan slyddu. Þann 17 og 18 voru suðlægar vindáttir með hlýju veðri sérstaklega um morguninn þann 17. þegar hiti fór í 15 stig. Frá 19 til 26 var hægviðri með lítilsáttar úrkomu með köflum, en svölu veðri. Þá gekk í norðaustanátt þann 27 og var NA út mánuðinn með hvassviðri og snjókomu.

Úrkomusamt var fyrri hluta mánaðar eða framyfir miðjan mánuð.

Mæligögn:

Úrkoman mældist 95,5 mm. (í nóvember 2017: 72,0 mm.)

Úrkomu sem varð vart en mældist ekki var í 1 dag.

Þurrir dagar voru 7.

Mestur hiti mældist þann 17: +15,0 stig.

Mest frost mældist þann 26: -3,5 stig.

Meðalhiti mánaðarins var +2,9 stig. (í nóvember 2017: +0,7 stig. )

Meðalhiti við jörð var +0,55 stig. (í nóvember 2017: -3,32 stig.)

Alhvít jörð var í 3 daga.

Flekkótt jörð var í 4 daga.

Auð jörð var því í 23 daga.

Sjóveður: Mjög gott eða sæmilegt, gráð, sjólítið, dálitill sjór 17 til 27. annars mjög rysjótt.

Yfirlit dagar eða vikur:

1-4: Norðaustan og N gola, stinningsgola, kaldi, allhvass, slydda, slyddu eða snjóél, frostrigning, hiti -1 til 4 stig.

5: Breytileg vindátt með kuli, snjóél um morguninn, hiti -3 til 2 stig.

6-7: Austnorðaustan, eða NA stinningskaldi, allhvass, hvassviðri, þurrt þ.6. síðan rigning, hiti 2 til 6 stig.

8-9: Breytilegar vindáttir, andvari, kul eða gola, rigning, en þurrt þ.9. hiti 2 til 7 stig.

10-16: Norðaustan allhvasst, stinningskaldi, kaldi, stinningsgola, rigning, súld, slydda, hiti 1 til 6 stig.

17-18: Suðlægar vindáttir, SA, S, SSV, stinningsgola, kaldi, allhvass, síðan gola, rigning, hiti 4 til 15 stig.

19-26: Breytilegar vindáttir, andvari eða kul, þoka, súld, rigning, þurrt dagana 22, 23, 24, 26, hiti -4 til 6 stig.

27-30: Norðaustan og NNA stinningsgola, kaldi, stinningskaldi, síðan hvassviðri, þurrt í veðri þ. 27. síðan él og snjókoma, hiti frá 4 og niður í -2 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. nóvember 2018

Veðrið í Október 2018.

Sjálfvirkur úrkomumælir Veðurstofunnar á Gjögurflugvelli.
Sjálfvirkur úrkomumælir Veðurstofunnar á Gjögurflugvelli.

Yfirlit yfir veðrið frá veðurstöðinni í Litlu-Ávík.

Fyrstu tvo daga mánaðar voru hægar breytilegar vindáttir, með rigningu. Um kvöldið þann 3 snérist til norðaustanáttar, og var hvassviðri þann 4 með rigningu og síðan slydduéljum. Norðanáttin gekk svo niður þann 5. Síðan var hægur vindur með ýmsum vindáttum. Þann 17 var norðvestan og síðan suðaustan með skúrum eða slydduéljum. Frá 18 til 23 voru suðvestanáttir eða vestan, með rigningu, skúrum og síðan slydduéljum. Frá 24 og til 26 voru norðlægar vindáttir, með slyddu eða éljum. Þá snérist í suðvestan hvassviðri aðfaranótt 28 og fram á morgun, en síðan gerði S hægviðri. Þá var austlæg vindátt síðustu tvo daga mánaðarins, með rigningu. Nokkuð úrkomusamt var í mánuðinum, og mánuðurinn fremur svalur, og mun kaldari en október í fyrra. Veðurathugunarmaður var í fríi frá 8 til 10.

Mæligögn:

Úrkoman mældist 87,8 mm. (í júní 2017: 61,7. mm.)

Úrkomu sem varð vart en mældist ekki var í 1 dag.

Þurrir dagar voru 6.

Mestur hiti mældist þann 19 +9,0 stig.

Mest frost mældist þann 6 -4,3 stig.

Meðalhiti mánaðarins var +3,2 stig. (í október 2017:+6,1 stig. )

Meðalhiti við jörð var +0,42 stig. (í október 2017: +2,94. stig.)

Alhvít jörð var í 0 dag.

Flekkótt jörð var í 4 daga.

Auð jörð var því í 27 daga.

Mesta snjódýpt. Ekki mælanleg.

Sjóveður: Gott eða sæmilegt 1, 2, 6, 7, 11, 14, 15, 16, 18 og 29. Annars rysjótt sjóveður.

Yfirlit dagar eða vikur:

1-2: Suðaustan kul eða gola í fyrstu, síðan vestan gola, stinningsgola, rigning, hiti 2 til 7 stig.

3: Breytileg vindátt með kuli í fyrstu, síðan snérist í N og NA um kvöldið með stinningskalda, þurrt í veðri, hiti 0 til 5 stig.

4-5: Norðaustan og N hvassviðri, allhvass, stinningskaldi, síðan hægari, rigning, slydduél, hiti frá 5 stigum niður í -3,5 stig.

6-7: Suðaustan gola eða stinningsgola, síðan S og SV kul, slydduél, rigning, hiti, frá -4 til 5 stig.

8-10: Veðurathugunarmaður í frí.

11-13: Norðan, NA, SA, gola, stinningsgola, kaldi, rigning, þoka, hiti 1 til 7 stig.

14-16: Breytilegar vindáttir kul eða gola, rigning þann 16, annars þurrt, hiti 2 til 8 stig.

17: Norðvestan stinningsgola, síðan SA kul eða gola, skúrir eða slydduél, hiti 2 til 6 stig.

18:23: Suðvestan eða V gola, stinningsgola, kaldi, en hvassviðri, þ. 20 og fram á morgun þ. 21. Rigning, skúrir, él, þurrt í veðri þ.23. Hiti frá 9 stigum niður í -1 stig.

24-26: Norðaustan síðan N og NV, stinningsgola, kaldi, stinningskaldi, slydda, él, hiti -1 til 2 stig.

27: Austlæg vindátt, kul, gola, og síðan S, kaldi, snjókoma um kvöldið, hiti -1 til 2 stig.

28-29: Suðvestan hvassviðri í fyrstu, síðan kaldi, stinningsgola, síðan S kul, rigning, skúrir, hiti 1 til 7 stig.

30-31: Norðaustan og A, kul, stinningsgola, kaldi, stinningskaldi, rigning, hiti -1 til 6 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. október 2018

Veðrið í September 2018.

Fé kom vænt af fjalli og fallþungi dilka var meiri en í fyrra.
Fé kom vænt af fjalli og fallþungi dilka var meiri en í fyrra.

Yfirlit yfir veðrið frá veðurstöðinni í Litlu-Ávík.

Suðvestan var fyrsta dag mánað með allhvössum vindi og skúrum. Síðan hægar breytilegar vindáttir með smá skúrum til 4. Þann 5 og 6 var hæg norðlæg vindátt með súld. Og frá 7 til 12 voru hægar breytilegar vindáttir með lítilsáttar vætu með köflum. Frá 13 og fram til 22 voru norðlægar vindáttir, oft allhvassar með rigningu og síðan slyddu, og snjóaði sumstaðar í sjó fram, er þetta því fyrsta hausthretið. 23 og 24 voru suðvestanáttir og þann 24 gerði SV storm með miklum skúrum, og ofsaveðri í hryðjum 33 m/s. Síðan var hægviðri með suðlægum eða breytilegum vindáttum, með vætu. Þann 28 var suðvestan hvassviðri með rigningu og síðan skúrum. Þá var norðan skot með rigningu og síðan slyddu þann 29. Síðan endaði mánuðurinn með hægri breytilegri vindátt og björtu og þurru veðri.

Fyrsti snjór í fjöllum var að morgni 15. Og fyrst varð alhvítt í fjöllum fyrir hádegi þann 20.

Mæligögn:

Úrkoman mældist 54,6 mm. (í september 2017: 116,6 mm.)

Úrkomu sem varð vart en mældist ekki var í 2 daga.

Þurrir dagar voru 6.

Mestur hiti mældist þann 4 og 7: +14,0 stig.

Minnstur hiti mældist þann 23: -2,0 stig.

Meðalhiti mánaðarins var +5,8 stig. (í september 2017: +8,6 stig.)

Meðalhiti við jörð var +3,07 stig. (í september 2017: + 5,75 stig.)

Sjóveður: Sæmilegt eða gott sjóveður,1 til og með 15 og frá 23 til 28. Gráð, sjólítið, dálítill sjór. Slæmt sjóveður,16 til 22, og 29 og 30. Talsverður sjór, allmikill eða mikill sjór.

Yfirlit dagar eða vikur:

1: Suðvestan stinningskaldi, allhvass, kaldi, skúrir, hiti 8 til 12 stig.

2-4: Breytilegar vindáttir, kul,gola, stinningsgola, smá skúrir, þurt í veðri þ.2. hiti 4 til 14 stig.

5-6: Norðan gola eða stinningsgola, síðan kul, súld, hiti 5 til 9 stig.

7-12:Breytilegar vindáttir andvari, kul eða gola, skúrir, súld, þurrt í veðri 7, 8 og 12. hiti 5 til 14 stig.

13-22: Norðan eða NA, gola, stinningsgola, kaldi, stinningskaldi, allhvasst, enn norðanáttin datt svo niður þann 22. súld, rigning, skúrir, slydda, þurrt í veðri, þ. 22. hiti 2 til 8 stig.

23-24: Suðvestan, gola, stinningsgola, en stinningskaldi, hvassviðri eða stormur þ.24. skúrir, hiti frá -2 til 9 stig.

25: Breytileg vindátt, SA, VSV, NNA, kul eða gola, rigning, súld, hiti 3 til 7 stig.

26-27: Suðlægar vindáttir, SA, VSV, kul eða gola, skúrir, hiti 0 til 6 stig.

28: Sunnan og síðan SV stinningskaldi, allhvass eða hvassviðri, rigning, skúrir, hiti 6 til 10 stig.

29: Norðan kaldi, stinningskaldi, rigning, slydda, hiti 2 til 3 stig.

30: Breytileg vindátt, SV, SA, kul eða gola, þurrt í veðri, hiti frá -2 til 6 stig.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2019 »
« Maí »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Úr myndasafni

  • Norðaustuhlið komin.28-10-08.
  • Hræran losuð.06-09-08.
  • Jón Guðbjörn Guðjónsson 60. ára
  • Borgarísjaki ca 20-22 km NNA af Reykjaneshyrnu og um 7 til 8 km A af Sæluskeri. 21-09-2017.
Vefumsjón