Fleiri fréttir

Jón G. Guðjónsson | fimmtudagurinn 5. janúar 2012 Prenta

Hækkun á raforkudreifingu OV.

Orkubú Vestfjarða á Hólmavík.
Orkubú Vestfjarða á Hólmavík.
Verðskrá Orkubús Vestfjarða fyrir raforkudreifingu var hækkuð um 6% nú um áramótin, tengigjöld rafmagns voru einnig hækkuð um 6%. Hækkunin er tilkomin vegna almennra verðlagshækkana.

Þá var verðskrá OV fyrir hitaveitur og tengigjöld hitaveitu einnig hækkuð um 6% nú um áramótin af sömu orsökum. Til viðbótar þessari 6% hækkun á verðskrá hitaveitna hækkar hver kwh frá kynntum hitaveitum um 30 aura er sú hækkun bein afleiðing af 30% hækkun Landsvirkjunar á raforku til þeirra.

Orkustofnun, sem fer með eftirlitshlutverk með tekjumörkum flutnings- og dreifiveitna, hefur yfirfarið hækkunina og staðfest að hún sé innan tekjuheimilda sem Orkubú Vestfjarða hefur skv. raforkulögum. Þá hefur iðnaðarráðuneytið staðfest hækkun á verðskrá OV fyrir hitaveitur og auglýst hana í stjórnartíðindum.

Iðnaðarráðuneytið hefur auglýst niðurgreiðslur á orku til hitunar íbúðarhúsnæðis sem taka gildi nú um áramótin. Niðurgreiðslur til rafhitunar á veitusvæði Orkubús Vestfjarða hækka úr 4,15 kr/kWst í 4,32 kr/kWst í dreifbýli og úr 2,81 kr/kWst í 2,87 kr/kWst í þéttbýli. Niðurgreiðslur vegna kynntra hitaveitna hækka um úr 2,31 kr/kWst í 2,39 kr/kWst.

Verðskrá fyrir raforkusölu er óbreytt.

Athugasemdir

Atburðir

« 2018 »
« September »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Úr myndasafni

  • Frá brunanum 16-06-2008.
  • Árnesstapar-Reykjaneshyrna í baksýn og Mýrahnjúkur frá Hvalvík séð.10-03-2008.
  • Unnið við kjöljárn,Ástbjörn og Sigursteinn.18-12-2008.
  • Frá Gjögurflugvelli 27-01-2012.
Vefumsjón