Hafís 21 október,mynd Veðurstofan.

Ískort byggð á Modis mynd Jarðvísindastofnun HÍ Ingibjörg Jónsdóttir.

« 1 af 2 »

Á gervihnattamyndum frá því 21. október sést að hafís er kominn inn á norðanvert Grænlandssund, eða suður af Scorebysundi. Þetta er heldur meiri hafís á þessu svæði, en í meðalári í október.

Undanfarna daga hefur hafísinn verið að færast heldur suður á bóginn og má búast við að sú þróun haldi áfram.

Á meðfylgjandi mynd má sjá hafísinn meðfram austurströnd Grænlands og hvernig hann teygir sig suður fyrir Scorebysund.  Hafísröndin var 21. október u.þ.b. 190 km norðvestur af Vestfjörðum. 
Einnig er hér með kort frá Jarðvísindastofnun Háskólans frá því í gær þar sem Ingibjörg Jónsdóttir hefur sett inn strandlínur.