Björn Torfason bóndi á Melum í Árneshreppi sló um þrjá hektara á miðvikudaginn var og einnig smá tún sem var sendið og brunnið til að ná sinunni af,á þessi tún verður borið á aftur. Björn segist vonast til að geta haldið áfram að slá eitthvað í viðbót þegar líður á næstu viku,að minnsta kosti ef veðurspáin fer eftir með úrkomu um helgina þá lagast tún nokkuð fljótt sem eru ekki brunnin. Sæmilegt var á þessu túni sem nefnist Vatnshryggur og liggur niður með Melaánni. Ekki er en vitað hvenær heyskapur getur hafist að fullu í Árneshreppi ennþá,það fer allt eftir því hvort einhver úrkoma verður nú fljótlega eða ekki,enn miklir þurrkar sem af er sumri hafa háð grassprettu.