Í vikunni sem var að líða var talsverður erill hjá lögreglunni á Vestfjörðum, Mýrarboltinn var haldinn um helgina og var talsvert af fólki því í bænum á Ísafirði,eitthvað bar á ölvun hjá fólki og eitthvað um minniháttar pústra. Allmikil umferð var á þjóðvegum og talsvert um óhöpp, þá voru sumir hverjir að flýta sér og voru 12 ökumenn stöðvaðir fyrir of hraðan akstur og sá sem hraðast ók, mældist á 130 km/klst þar sem leyfilegur hámarkshraði er 90 km/klst.  10 umferðaróhöpp voru tilkynnt til lögreglu, nokkur minniháttar og eitt umferðarslys, bílvelta á Steingrímsfjarðarheiði og var ökumaður og farþegar fluttir á Heilsugæslustöðina á Hólmavík til skoðunar. Talsvert eignartjón var í þessum óhöppum. Þá virðast ökumenn ekki vara sig á lausagöngu búfjár við þjóðvegina þar sem tilkynnt var til lögreglu að ekið hafi verið á fimm  lömb og eina kind  í öllum þessum tilfellum drápust skepnurnar. Einn ökumaður var stöðvaður vegna gruns um ölvun við akstur.  Nokkrir voru boðaðir í skoðun þar sem þeir hafa ekki sinnt því að færa ökutæki sín til skoðunar og númer tekin af tveim ökutækjum.

Þá sinnti lögregla eftirliti með Fiskistofu í Ísafjarðardjúpi, með ólöglegum netalögnum í sjó og var lagt hald á eitt net í þessari eftirlitsferð.

Á lagardagskvöld var tilkynnt um eld í gaskút þar sem verið var að grilla við íbúðarhús á Urðarvegi á Ísafirði, greiðlega gekk að slökkva og hlutust minniháttar skemmdir af.