Fleiri fréttir

Jón G. Guðjónsson | sunnudagurinn 1. nóvember 2015

Veðrið í Október 2015.

Að morgni þann 24. Alhvítt í Norðurfirði.
Að morgni þann 24. Alhvítt í Norðurfirði.
1 af 2

Yfirlit yfir veðrið frá veðurstöðinni í Litlu-Ávík.

Ýmsar vindáttir voru í byrjun mánaðar, suðlægar, austlægar eða breytilegar vindáttir með frekar hægum vindi en nokkurri úrkomu fram til 13. Enn eftir það voru ákveðnar suðvestlægar vindáttir fram til 18. og síðan sunnan og suðaustan fram til 20. Þá gekk í ákveðna norðaustanátt fram til 26, og kólnandi veðri með snjóéljum, og urðu fjöll þá alhvít í fyrsta sinn og alhvítt á láglendi einnig. Eftir það voru suðlægar eða austlægar vindáttir og eða breytilegar út mánuðinn, sérlega fallegur dagur þann 31. með léttskýjuðu og eða heiðskíru veðri. Mánuðurinn var mjög úrkomusamur.

Hvassviðri og eða stormur var af suðvestri 16 og 17, vindur náði 34 m/s í kviðum þann 16 og 35 m/s þann 17 í kviðum.

Mikið var um Norðurljós um kvöldið þann 6. og nutu magrir hverjir Árneshreppsbúar þess eftir vætutíð undanfarna daga, loks þegar stytti upp þann daginn og birti til seinni parts dags. Einnig var mikil Norðurljósadýrð þann 7. Norðurljós voru reyndar oftar í mánuðinum.

Mæligögn:

Úrkoman mældist 126,3 mm. (í október 2014: 134,2 mm.)

Úrkomu vart en mældist ekki var í 5 daga.

Þurrir dagar voru 4.

Mestur hiti mældist þann 17. +12,0 stig.

Mest frost mældist þann 27. -3,9 stig.

Meðalhiti mánaðarins var +4,7 stig.

Meðalhiti við jörð var +1,73 stig. (í október 2014: +0,95 stig.)

Alhvít jörð var í 2 daga.

Flekkótt jörð var í 4 daga.

Auð jörð var því í 25 daga.
Mesta snjódýpt mældist þann 26: 3 cm.

Sjóveður: Slæmt sjóveður var 4-25 og 29, þá talsverður sjór, og allmikill sjór dagana 21 og 22, og dagana 23 og 24 var mikill sjór. Annars mjög gott eða sæmilegt, gráð, sjólítið eða dálitlum sjór.

Yfirlit dagar eða vikur:

1-2: Suðaustan kul og SV stinningsgola í fyrstu, síðan N og NA stinningsgola, rigning, súld, hiti +3 til +10 stig.

3: Suðvestan og V, kul eða gola, þurrt í veðri, hiti +1 til +5 stig.

4: Austan stinningsgola eða kaldi, talsverð rigning, hiti +1 til +10 stig.

5-8: Mest suðaustlæg eða suðlægar vindáttir, kaldi, stinningsgola, gola, kul, rigning, en þurrt í veðri 7 og áttunda, hiti +3 til 12 stig.

9-10: Vestan gola, stinningsgola, kaldi, en NV, kul þ.10. rigning eða súld, hiti +3 til +6 stig.

11-13: Norðan eða NV, og V, stinningsgola, kaldi, rigning,skúrir, hiti +3 til +10 stig.

14-15: Suðvestan kaldi, stinningskaldi, skúrir, hiti +6 til +9 stig.

16- 18: Suðvestan allhvasst,hvassviðri eða stormur 16. og 17. síðan kaldi, skúrir, hiti +5 til +12 stig.

19-20: Sunnan og SA andvari, kul, gola, en A kaldi um kvöldið þ.20. rigning, hiti +2 til +6 stig.

21-26: Norðaustan, kaldi, stinningskald, allhvass, hvassviðri um tíma þ.23. rigning, slydda, snjóél, hiti +6 niður í -2 stig.

27-31: Suðlægar vindáttir eða austlægar og breytilegar, logn, andvari, kul, gola, stinningsgola, en kaldi um tíma þann 30. snjókoma, slydda, rigning,enn þurrt í veðri þ.31. hiti frá -4 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. október 2015

Veðrið í September 2015.

Bændur voru nokkuð sáttir við fallþunga dilka eftir slæmt vor og sumar.
Bændur voru nokkuð sáttir við fallþunga dilka eftir slæmt vor og sumar.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði að þessu sinni með suðlægum vindáttum og að mestu hlýju veðri fram til 10. ,en suðlægar eða breytilegar vindáttir frá 11.  fram til 12, en þá fór að kólna aðeins. Frá 13 og fram til 17 voru norðlægar vindáttir með súld eða rigningu og fremur svölu veðri. Eftir það voru breytilegar vindáttir eða auslægar fram til 22. Frá 23 og fram til 26 voru hafáttir. Frá 27 voru suðlægar eða austlægar vindáttir, enn mánuðurinn endaði með suðvestan stormi með miklum stormkviðum. Úrkomulítið var fyrri hluta mánaðar, talsverð úrkoma frá miðjum mánuði.

Vindur náði tólf vindstigum gömlum þann 9. eða 34 m/s í kviðum. Og einnig þann 30. náði vindur 38 m/s í kviðum í suðvestanátt.

Mæligögn:

Úrkoman mældist 58,6 mm.  (í september 2014: 91,8 mm.)

Úrkomu vart en mældist ekki var í 4 daga.

Þurrir dagar voru 7.     

Mestur hiti mældist þann 9: +15,6 stig.

Minnstur hiti mældist þann 4: +2,7 stig.

Meðalhiti mánaðarins var +8,7 stig.

Meðalhiti við jörð var +5,40 stig.  (í september 2014: +5,6 stig.)

Sjóveður: 13,14 og 15, talsverður eða allmikill sjór, 23,24, og 25, talsverður,allmikill og mikill sjór. Annars sæmilegt eða gott sjóveður.

Yfirlit dagar eða vikur:

1-2: Suðvestan, kul, gola, stinningsgola, þurrt í veðri, hiti +8 til +14 stig.

3: Suðvestan stinningskaldi, allhvass, skúrir, en norðan stinningsgola um kvöldið með súld, hiti +15 niður í +5 stig um kvöldið.

4: Suðaustan, andvari, kul, gola, í fyrstu, síðan SV, kul eða gola, þurrt í veðri, hiti +3 til +10 stig.

5-8: Suðvestan, allhvasst, stinningskaldi, skúrir, hiti +10 til +16 stig.

9-10: Suðlægar vindáttir, S, SA, kaldi, stinningskaldi eða allhvass, en vindur náði í 34 m/s í kviðum þ. 9. ,skúrir,en þurrt í veðri þann 10. , hiti +10 til +16 stig,

11-12: Breytilegar vindáttir, andvari, kul eða kul, skúr þ.11, en þurrt þ. 12. Hiti +6 til +12 stig.

13-17: Norðan NNA,NNV, gola,stinningsgola,kaldi,stinningskaldi,súld, þoka, rigning,hiti +4 til +8 stig.

18-19: Breytilegar vindáttir,andvari,kul eða gola,súld eða rigning,hiti +6 til+8 stig.

20-22: Suðaustlægar eða suðlægar vindáttir, kul, gola eða stinningsgola, rigning, þurrt þ.21. hiti +3 til +14 stig.

23-26: Norðlægar vindáttir, andvari, kul, stinningskaldi þ.24. súld eða rigning, hiti +4 til +9stig.

27: Suðvestan, stinningsgola, kaldi, stinningskaldi, skúrir, hiti +7 til +12 stig.

28-Austlæg vindátt með golu, síðan NA og N, kaldi með rigningu, hiti +6 til +11 stig.

29-30: Suðvestan, stinningsgola, kaldi, stinningskaldi, enn stormur þ. 30. með miklum stormkviðum fram eftir degi, þurrt í veðri þ.30. hiti +4 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 2. september 2015

Veðrið í Ágúst 2015.

Úrkomumælir umflotinn vatni að morgni 28 ágúst.
Úrkomumælir umflotinn vatni að morgni 28 ágúst.
1 af 3

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með þessum hefðbundnu hafáttum eins og hafa verið í sumar, fram til tíunda. Þá loks þann 11 gerði suðlæga vindátt loks með sæmilegum hita, sem varði aðeins þann dag, þá gerði norðaustan aftur með kaldara veðri. Eftir það voru suðlægar vindáttir eða breytilegar fram til nítjánda. Frá 20. og fram til 29. voru norðlægar vindáttir með rigningu. Enn gífurleg rigning var þ.21 og 22, og síðan úrhelli þ.27 og 28. Síðustu tvo dagana voru suðlægar vindáttir með hlýindum og mikið til þurru veðri.

Gífurlegar vegaskemmdir urðu í mánuðinum, eftir úrhellisrigningar aðallega frá fimmtudeginum 27. og á föstudaginn 28. Miklar skriður féllu á vegi í Árneshreppi í miklum vatnavöxtum, mest á Kjörvogshlíð inn með Reykjarfirði, á veginn til Norðurfjarðar, á Munaðarneshlíð og Fellshlíð, og reindar allstaðar í hreppnum, þar sem skriður gátu fallið. Óvenju úrkomusamt var í þessum mánuði í Árneshreppi.


Mæligögn:

Úrkoman mældist  250,8 mm. (í ágúst 2014: 33,5 mm.)

Þurrir dagar voru 2.

Mestur hiti mældist þann 15: +14,5 stig.

Minnstur hiti mældist þann 28: +3,6 stig.

Meðalhiti mánaðarins var +7,7 stig.

Meðalhiti við jörð var +5,62 stig.  (í ágúst 2014: +6,57 stig.)

Sjóveður: Slæmt sjóveður dagana 1-2-3-4 og 5,oft talsverður sjór, og 20-21-22-23, 26, 27, 28, og 29, talsverður sjór eða allmikill og mikill sjór. Annars sæmilegt eða gott.


Yfirlit dagar eða vikur:

1-10: Norðlægar vindáttir, NV, N, NA, kul, gola, stinningsgola, kaldi, súld eða rigning, hiti + 6 til + 10 stig.

11: Suðlæg vindátt, kul eða gola, skúrir, hiti +6 til +13 stig.

12:Norðaustan eða Austan, gola, stinningsgola, kaldi, stinningskaldi, súld, rigning, hiti +6 til +8 stig.

13:Suðlæg eða austlæg vindátt, stinningsgola, gola,rigning, hiti +7 til +12 stig.

14:Norðvestan gola,stinningsgola, súld, rigning, hiti +7 til +11 stig.

15-19:Suðlægar eða breytilegar vindáttir, kul, gola, stinningsgola, súld, skúrir, rigning, hiti +4 til +15 stig.

20-29:Norðlægar vindáttir, N, NNA, NV, gola, stinningsgola, kaldi,stinningskaldi,allhvass, súld, rigning, mikil rigning, 21og 22 en úrhelli þann 28, hiti +4 til +11 stig.

30-31:Suðvestan, eða breytilegar vindáttir,andvari, kul eða gola, aðeins skúr þ. 30. En þurrt þ. 31. hiti +7 til +12 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 1. ágúst 2015

Veðrið í Júlí 2015.

Reykjaneshyrnan kom sjaldan uppúr þokuloftinu eða súldarloftinu í þessum kalda júlímánuði.
Reykjaneshyrnan kom sjaldan uppúr þokuloftinu eða súldarloftinu í þessum kalda júlímánuði.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn  einkenndist af að hafáttir voru ríkjandi allan mánuðinn, oftast hægar. Og einnig var mánuðurinn mjög kaldur hiti náði aðeins að fara í tæp níu stig. Hver skyldi trúa því að hér sé verið að lísa hitastigi í júlí mánuði.?  Nokkuð úrkomusamt var í mánuðinum. Sláttur hófst seint í júlí í Árneshreppi vegna kulda, vætutíðar og sprettuleisis.


Mæligögn:

Úrkoman mældist 70,0 mm.  (í júlí 2014: 124,6 mm.)

Þurrir dagar voru 5.

Mestur hiti mældist þann 27: +8,8 stig.

Minnstur hiti mældist þann 9 og 25: +4,0 stig.

Meðalhiti mánaðarins var +6,2 stig.

Meðalhiti við jörð var +5,42 stig. (í júlí 2014: +7,59 stig.)

Sjóveður: Nokkuð slæmt þann 1-11-19-20 og 31, eða talsverður sjór, annars sæmilegt og jafnvel gott.


Yfirlit dagar eða vikur:

1-31:Hafáttir, NV, N, NA, kul, gola, stinningsgola, en kaldi þann 20. og 31. og stinningskaldi, þann 1. og 19. súld, rigning, oftast þokuloft í mánuðinum, hiti 4 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 22. júlí 2015

Hitinn aðeins farið í átta stig.

Hámarkshitinn hefur aðeins farið í 8,1 stig sem af er júlí.
Hámarkshitinn hefur aðeins farið í 8,1 stig sem af er júlí.

Mjög kalt hefur verið og úrkomusamt sem af er júlí. Það sem af er júlí hefur verið mest þokuloft með súld eða rigningu, það sem af er mánuði eru komnir tveir dagar þurrir, úrkoman var komin í 63,5 mm í morgun á veðurstöðinni í Litlu-Ávík. Hámarkshitinn hefur aðeins farið í 8,1 stig, en hitinn er þetta yfirleitt á milli 6 og 7 stig yfir daginn,lægsti hitinn í júlí enn sem komið er var 4 stig þann 9.

Það er ekki von að spretti mikið í þessum kulda og lítur ílla út með grassprettu. Tveir bændur slógu smávegis um 17. og náðu því í rúllur, en annars er engin heyskapur byrjaður ennþá. Bændur ætluðu að byrja nú næstkomandi helgi ef styttir eitthvað upp.

Jón G. Guðjónsson | miðvikudagurinn 1. júlí 2015

Veðrið í Júní 2015.

Fjöll urðu alhvít víða í Árneshreppi aðfaranótt þann 3.
Fjöll urðu alhvít víða í Árneshreppi aðfaranótt þann 3.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hafáttum og köldu veðri, snjóéljum og slyddu fram til fimmta. Þann sjöunda snerist í suðvestanáttir og veður talsvert hlýnandi fram til níunda, en kólnaði talsvert aftur fram til fjórtánda, slydduél voru síðast þann ellefta. Síðan voru hægar hafáttir út mánuðinn, en NA stinningskaldi þann 30. Frekar svalt var í þokuloftinu frá tuttugusta og út mánuðinn. Úrkomulítið var í mánuðinum og lítil sem engin úrkoma eftir miðjan mánuð, enda þurrir dagar taldir 15. Mánuðurinn var kaldur í heild.

Fjöll urðu hvít víða í Árneshreppi aðfaranótt þann 3. og vegur þungfær norður og Vegagerðin þurfti að moka talsverðan snjó.

Suðvestan hvassviðri og stormur var frá 7 og fram á morgun þann 9. Kviður fóru í 39 m/s, þetta var eins og hinn versti hauststormur.

Bændur voru að mestu búnir að bera tilbúin áburð á tún uppúr 20. Eru öll vorverk um hálfum mánuði til þrem vikum seinni enn í venjulegu árferði.

Mæligögn:

Úrkoman mældist  15,4 mm. (í júní 2014: 32,4 mm.)

Þurrir dagar voru 15.

Mestur hiti mældist þann 19: +13,0 stig.

Minnstur hiti mældist þann 13: +0,4 stig.

Meðalhiti mánaðarins var +5,9 stig.

Meðalhiti við jörð var +3,58 stig. (í júní 2014: +7,10 stig.)

Sjóveður:Slæmt sjóveður dagana 1-2-3 og 30, annars gott eða sæmilegt sjóveður.

Yfirlit dagar eða vikur:

1-6:Norðan og NA, kaldi, stinningskaldi, stinningsgola, en gola eða kul 5 og 6. skúrir, snjóél, slydda, hiti frá +0,5 til +6 stig.

7-9:Suðvestan kaldi í fyrstu síðan hvassviðri eða stormur um kvöldið þ. 7 og fram á morgun þ. 9, enn ofsaveður í kviðum, síðan stinningsgola, þurrt í veðri 7 og 9, en skúrir eða rigning þ.8, hiti 6 til 11 stig.

10-13:Norðaustan eða N, stinningsgola, gola, kul, rigning, slydduél, en þurrt í veðri 12 og 13, hiti 2 til 8 stig.

14-30:Hafáttir ,N, NV, NA andvari, kul, gola, stinningsgola, en kaldi eða stinningskaldi þ. 30. Lítilsáttar rigning, skúrir,súld, annars þurrt veður, mikið um þokuloft síðari hluta mánaðar, hiti 2 til 13 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 2. júní 2015

Veðrið í Maí 2015.

Að morgni 28 snjóaði talsvert í byggð,mikill snjór á mælaskýli
Að morgni 28 snjóaði talsvert í byggð,mikill snjór á mælaskýli
1 af 3

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðan og norðaustanáttum með éljum og köldu veðri sem stóð til og með tólfta þessa mánaðar. Þá snerist til suðlægrar vindáttar í tvo daga með hlýnandi veðri í bili. Síðan voru hafáttir næstu fjóra daga með svölu veðri að mestu. Þann nítjánda snerist til suðlægra vindátta með aðeins hlýnandi veðri til tuttugusta og fyrsta. En aðfaranótt 22. gerði skammvinna norðanátt með kalsa rigningu og slyddu. Þá voru breytilegar vindáttir í tvo daga með rigningu. Þann 25 snerist til norðlægrar vindáttar með hægum vindi í fyrstu, en þann 27. var allhvasst með snjókomu og síðan slyddu fram á 28. Norðlægar vindáttir voru svo  út mánuðinn með svölu veðri.

Mánuðurinn var mjög kaldur í heild, og úrkomusamur eftir miðjan mánuð. Ræktuð tún eru farin að grænka enn ekki stingandi strá eða komin (nál eins og sagt var í gamla daga). Enda étur lambfé úr hey rúllum sem settar eru út á tún sem þær inni væru, og fé gefin fóðurbætir úti þegar þurrt er í veðri. Úthagi er ekkert farin að taka við sér í mánaðarlok, ljósgrár enn.

Mæligögn:

Úrkoman mældist 48,0 mm. (í maí 2014: 24,9 mm.)

Þurrir dagar voru 9.

Mestur hiti mældist þann 23. +11,0 stig.

Mest frost mældist þann 8. -2,6 stig.

Meðalhiti mánaðarins var +2,6 stig.

Meðalhiti við jörð var +0,84 stig. (+2,86 stig.)

Alhvít jörð var í 3 daga.

Flekkótt jörð var í 13 daga.

Auð jörð var því í 15 daga.

Mesta snjódýpt mældist 20 cm þann 2.

Sjóveður: Slæmt í sjóinn dagana 3-16-17-27-28 og 31. Annars allsæmilegt eða ágætt sjóveður.

Yfirlit dagar eða vikur:

1-12:Norðan og NA, gola, stinningsgola, en oftast kaldi,snjóél, en þurrt í veðri 2-4-5-7-10 og 12, hiti frá -3 stig til +3 stig.

13-14:Suðaustan kul, gola eða stinningsgola, þurrt í veðri þ. 13. annars lítilsáttar rigning, hiti -1 til +10 stig.

15-18:Norðlægar eða norðaustlægar vindáttir, kul, stinningsgola, kaldi, stinningskaldi, rigning,skúrir,súld, hiti +2 til +8 stig.

19-21:Suðlægar vindáttir, gola, stinningsgola eða kaldi, SA, SV, skúrir, rigning, hiti +2 til +9 stig.

22: Norðan, gola,stinningsgola,rigning, slydda, hiti +2 til +5 stig.

23-24:Suðlægar eða breytilegar vindáttir, kul, gola, stinningsgola, rigning, hiti +3 til +11 stig.

25-31:Norðlægar vindáttir, N, NV, NA, kul, gola, stinningskaldi, kaldi, en allhvass um kvöldið þ. 27. og fram á 28. súld, rigning, él, slydda og snjókoma, þurrt í veðri þ.31. hiti frá +7 niður í +0 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 2. maí 2015

Veðrið í Apríl 2015.

Sjógarð gerði þann 11 í norðan hvassviðri.
Sjógarð gerði þann 11 í norðan hvassviðri.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með nokkru frosti og éljum og snjókomu,en fór síðan að hlýna þann þriðja og var lofthiti yfir frostmarki yfir daginn. Þann 11. var komin norðan hvassviðri eða stormur með snjókomu og nokkru frosti. Síðan voru suðlægar eða austlægar vindáttir og frostlaust yfir daginn. Þann 15.fór að hlína með suðlægum vindáttum sem stóð til 21. En þann 22. fór að kólna með éljum. Þann 23. gekk í norðanátt, með allhvössum vindi með snjókomu, og talsverðu frosti, en mun hægari síðustu tvo daga mánaðar. Þann 7 og 8 gerði suðvestan hvassviðri með storméljum. Og þann 11 gerði norðan hvassviðri og storm með snjókomu og nokkru frosti.

Mæligögn:

Úrkoman mældist 46,3 mm. (í apríl 2014: 41.2 mm.)

Þurrir dagar voru 9.

Mestur hiti mældist þann 20: +12,0 stig.

Mest frost mældist þann 12: -5,9 stig.

Meðalhiti mánaðarins var +1,5 stig.

Meðalhiti við jörð var -1,26 stig.  (í apríl 2014: -0,23 stig.)

Alhvít jörð var í 15 daga.

Flekkótt jörð var í 12 daga.

Auð jörð var því í 3 daga.

Mesta snjódýpt mældist þann 3. 22 cm.

Sjóveður: Slæmt dagana 1-11-12 og frá 24 til 28, annars sæmilegt í sjóinn.

Yfirlit dagar eða vikur:

1: Norðan og NA,allhvass í fyrstu,síðan,stinningskaldi eða kaldi,snjóél,frost -3 til -5 stig.

2-3: Austan og SA,gola,kul,þurrt í veðri þ.2 en snjókoma eða skúrir þ.3.hiti -5 til +7 stig.

4: Sunnan og SV,gola,síðan allhvass og hvassviðri um tíma um kvöldið,rigning,skúrir,hiti +3 til +8 stig.

5: Suðaustan og S,kul eða gola,snjókoma,slydda,rigning,súld,hiti +1 til +7 stig.

6-8: Suðvestan,stinningsgola,allhvass,hvassviðri,skúrir,él,hiti +7 niður í -1 stig.

9-10 :Suðlægar eða breytilegar vindáttir,kul eða gola,en NA allhvass um kvöldið þ.10,hiti +3 til -3 stig.

11: Norðan hvassviðri eða stormur,snjókoma,frost -1 til -5 stig.

12: Suðvestan gola,stinningsgola,kaldi,stinningskaldi,þurrt í veðri,hiti frá -6 til +1 stig.

13: Suðaustan gola eða stinningsgola,rigning,hiti +2 til 6 stig.

14: Vestan gola,síðan norðan stinningsgola,él,hiti frá +5 til -1 stig.

15-22: Mest Suðvestan eða suðlægar vindáttir, gola, stinningsgola, kaldi, en allhvasst eða hvassviðri 21. og fram á 22. Þurrt í veðri 15. 16 og 18. annars skúrir, hiti frá +12 niður í -1 stig.

23-30: Norðan, stinningsgola, kaldi, stinningskaldi, en allhvass eða hvassviðri dagana 26,27 og 28, síðan hægari vindur, él, snjókoma, frost frá -6 til + 1 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 2. apríl 2015

Veðrið í Mars 2015.

Álftirnar eru mættar með sinn vorboða,en er allt hvítt frá sjó til efstu tinda og kalt.
Álftirnar eru mættar með sinn vorboða,en er allt hvítt frá sjó til efstu tinda og kalt.

Yfirlit yfir veðrið frá veðurstöðinni í Litlu-Ávík.

Fyrstu þrjá daga mánaðar var norðlæg og vestlæg vindátt. Síðan voru miklir umhleypingar mest með suðlægum vindáttum fram til 22. Þann 23 gerði loks norðlæga vindátt í um tvo daga,sem ekki hefur sést í mánuðinum nema fyrstu tvo daga mánaðar. Einnig var norðlæg vindátt frá 28. til 30. Enn mánuðurinn endaði með vestlægri vindátt og síðan norðan með éljum. Nokkur bloti var frá því um og fyrir miðjan mánuð og til 22. Eftir það fór að kólna og nokkurt frost var síðustu daga mánaðar.

 

Suðvestan stormur var þann 5.vindur 23 m/s og í kviðum upp í 35 m/s sem eru tólf vindstig gömul. Stormur S -SV var um tíma um kvöldið þann 8.vindur fór í kviðum í 35 m/s. Enn og aftur var stormur um kvöldið þann 10. Sunnan 23 m/s í jafnavind og í kviðum upp í 36 m/s. Sunnan stormur eða rok var þann 14 og var jafnavindur oft um 23 til 26 m/s en versta veðrið var á milli 12:30 til að verða tvö,var þá jafnavindur 31m/s og fóru kviður í 47 m/s. Skóf jarðveg,skarna og möl upp í verstu kviðunum. Enn var sunnan hvassviðri eða stormur þann 16. Fóru þá kviður í 44 m/s um hádegið. Eftir það voru engin læti í veðrinu,þótt umhleypingar væru.

 
Yfirlit dagar eða vikur:

1-2:Norðan stinningskaldi,allhvasst,él,skafrenningur,frost -0 til -4 stig.

3:Vestan gola eða stinningsgola,úrkomulaust,frost -1 til -4 stig.

4:Suðaustan gola,kaldi,allhvasst,snjókoma,slydda,rigning,hiti -4 til +3 stig.

5: Suðvestan allhvasst,stormur,él,hiti -1 til +4 stig.

6:Suðaustan um daginn með golu,stinningsgolu eða kalda,en S eða SV stinningskaldi um kvöldið,slydda,hiti -1 til +4 stig.

7:Suðvestan kaldi,síðan suðaustan kul,þurrt í veðri,hiti +2 til -1 stig.

8:Suðvestan eða S,stinningskaldi,allhvasst,en stormur um kvöldið,snjókoma,skafrenningur,hiti+1 til -2 stig.

9:Sunnan eða SV kaldi,síðan gola,smá él um morguninn,hiti +1 til -3 stig.

10:Austan eða SA og S,stinningsgola,allhvasst,stormur um kvöldið,snjókoma,slydda,skúrir,hiti -4 til +5 stig.

11:Sunnan eða SV,stinningsgola,stinningskaldi,él,hiti + 1 til -2 stig.

12:Suðaustan andvari,gola,síðan NA stinningsgola eða gola,snjókoma,súld um kvöldið,hiti -2 til +4 stig.

13-14:Sunnan,SV,stinningsgola,allhvasst,hvassviðri,en stormur og ofsaveður þ.14. él,skúrir,rigning,hiti -0 til +10 stig.

15:Suðsuðvestan stinningskaldi eða kaldi,en NA allhvasst um kvöldið með snjókomu,hiti +0 til +6 stig.

16:Sunnan hvassviðri og eða stormur,él,skúrir,hiti +6 til 0 stig.

17-18:Suðlægar eða breytilegar vindáttir,andvari,kul,gola,smá él þann 17,annars þurrt,hiti -4 til +3 stig.

19-20:Norðaustan eða A,kaldi í fyrstu síðan stinningsgola,snjókoma,slydda,él,rigning,hiti +0 til +4 stig.

21-22:Suðvestan,allhvasst,stinningskaldi,kaldi,skúrir,él,hiti +9 niður í +2 stig.

23-24:Norðan kaldi,stinningskaldi,allhvass,síðan NA og A,gola,él en þurrt í veðri þ.24.hiti -4 til 0 stig.

25-27:Sunnan eða SV,stinningsgola,kaldi,rigning,slydda,él,hiti +4 til -2 stig.

28-30:Norðan,stinningskaldi,kaldi,allhvass um tíma þ.29.él,snjókoma,frost -1 til -5 stig.

31:Norðvestan gola eða stinningsgola,en norðan kaldi,stinningskaldi,allhvass um kvöldið,él,frost -2 til -5 stig.


Mæligögn:

Úrkoman mældist 88,9 mm. (í mars 2014: 95,7 mm.)

Þurrir dagar voru 4.

Mestur hiti mældis þann 10: +10,0 stig.

Mest frost mældist dagana 29 og 30: -5,0 stig.

Meðalhiti mánaðarins var: +0,3 stig.

Meðalhiti við jörð var: -2,18 stig.  (í mars 2014: -1,98 stig.)

Alhvít jörð var í 22 daga.

Flekkótt jörð var í 9 daga.

Auð jörð því í 0 dag.

Mesta snjódýpt mældist þann 6: 35 cm.

Sjóveður:Nokkuð rysjótt fram undir miðjan mánuð,en sæmilegir dagar á milli,og skárra í sjóinn seinnihluta mánaðar.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 15. mars 2015

Rok- Ofsaveður.

Mikil svell þarf að fara yfir til að lesa af hitamælum í Litlu -Ávík sem er við ljósastaurinn.
Mikil svell þarf að fara yfir til að lesa af hitamælum í Litlu -Ávík sem er við ljósastaurinn.
1 af 2

Veður hefur verið þannig á veðurstöðinni í Litlu-Ávík á Ströndum í morgun og sem af er degi. Klukkan sex var veðrið þannig:Suðsuðaustan 17 m/s upp í 22m/s í kviðum. Og kl:09:00 var það þannig SSA 18 m/s og í kviðum í 23 m/s. Og klukkan tólf á hádegi var það þannig: Sunnan 26 m/s og kviður í 43 m/s. Ekki hefur verið mikil úrkoma í þessu en stundum talsvert um skúrir. Hiti hefur verið sex til níu stig. Enn frá klukkan um 12:30 og fram til 14:10 var veðrið verst hér og var þá jafnvindum komin í 31 m/s  af suðri og kviður í 47 m/s. Veður fór síðan að ganga eitthvað nú fyrir og um klukkan tvö í dag. Eins og Veðurstofan spáði fyrir um. Veðurfræðingur á vakt Teitur Arason hjá Veðurstofu Íslands  segir þetta vera sennilega eitt versta sunnan veður sem komið hefur síðan 2007.

Vindurinn skefur upp jarðveg,grasrót,möl,og skarna og jafnvel klakastykki,menn eru mest hissa á því að rúður skuli ekki brotna eða eitthvað að láta undan í þessum ofsa í dag. Fréttamaður hefur ekki frétt af neinu tjóni enn í þessu veðri.  Miklar rafmagntruflanir hafa verið frá því snemma í morgun,enn frá því fyrir hádegi hefur rafmagn verið stöðugt.

Atburðir

« 2018 »
« Janúar »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Úr myndasafni

  • Séð til Reykjaneshyrnu og Ávíkurnar.
  • Maddý-Sirrý og Selma.
  • Ásbjörn grefur 22-08-08.
  • Búið að klæða tvöfalda herbergin.04-04-2009.
  • SA hlið komin klæðning.12-11-08.
Vefumsjón