Fleiri fréttir

Jón G. Guðjónsson | sunnudagurinn 1. september 2013

Veðrið í Ágúst 2013.

Séð til Norðurfjarðar-Drangajökull í baksýn.01-08-2013.
Séð til Norðurfjarðar-Drangajökull í baksýn.01-08-2013.
1 af 2

Yfirlit yfir veðrið frá veðurstöðinni í Litlu-Ávík.

Mest voru norðlægar vindáttir frá byrjun mánaðar og fram til 11., með vætu af og til. Frá 12., voru suðlægar vindáttir til 15.,mánaðar. Þann 16.,fór aftur í Norðan eð Norðvestan,með súld eða rigningu,aðfaranótt 20.,festi snjó í fjöll. Þann 20.,snerist vindur í Sunnan eða suðlægar áttir,fram til 23. Eftir það voru snúningar í honum,suðlægur eða norðlægur. Tvo síðustu daga mánaðar var vestlæg vindátt,fjöll urðu flekkótt að kvöldi 30.,en mun minna en þann 20. Mánuðurinn var kaldari en ágústmánuður í fyrra 2012.


Yfirlit dagar eða vikur:

1-2:Norðlæg eða breytileg vindátt,andvari,kul eða gola,þurrt í veðri,hiti 3 til 13 stig.

3-6:Norðan eða norðvestan,stinningsgola,kaldi,rigning,súld en þurrt þann 5.,hiti 4 til 9 stig.

7:Suðaustan eða austan,kul, gola,stinningsgola,rigningarvottur,hiti 4 til 14 stig.

8-11:Norðan og norðvestan,kul,gola,stinningsgola,rigning eða súld,þurrt þann 8.,hiti 6 til 10 stig.

12-15:Suðvestan eða S kul,gola,stinningsgola eða kaldi,þurrt þann 12,annars lítilsáttar rigning eða skúrir,hiti 4 til 16 stig.

16-20:Norðan og norðvestan,gola,stinningsgola,kaldi,stinningskaldi,súld eða rigning,hiti 3 til 10 stig.

21-22:Sunnan gola,kaldi,stinningskaldi,rigning,hiti 5 til 14 stig.

23:Norðan kul eða gola,rigning,hiti 8 til 10 stig.

24:Suðvestan andvari í fyrstu síðan gola og kaldi,rigning,hiti 8 til 15 stig.

25:Norðvestan gola eða stinningsgola,súld,hiti 6 til 12 stig.

26:Suðaustan andvari,gola,stinningsgola,skúrir,rigning,hiti 5 til 13 stig.

27-29:Suðvestan og sunnan,en NNA frá miðjum degi þ.,29,stinningsgola eða kaldi,skúrir,rigning,þurrt þ.28.,hiti frá 13 og niður í 4 stig.

30-31:Vestan og síðan N,gola,stinningsgola,kaldi,stinningskaldi,rigning,hiti 4 til 9 stig.

 

Mæligögn:

Úrkoman mældist 73,1 mm.  (í ágúst 2012: 30,2 mm.)

Þurrir dagar voru 6.

Mestur hiti mældist þann 12: +16,0 stig.

Minnstur hiti mældist þann 1: +2,5 stig.

Meðalhiti við jörð var +5,66 stig. (í ágúst 2012: +7,27 stig.)
Meðalhiti var: +8,4 stig.

Sjóveður: Oftast mjög gott eða sæmilegt,en frekar slæmt dagana 5-6-16-19-20 og 31.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. ágúst 2013

Veðrið í Júlí 2013.

Séð niður til Litlu-Ávíkur af Brekkunum,hey rúlla í forgrunni.
Séð niður til Litlu-Ávíkur af Brekkunum,hey rúlla í forgrunni.
1 af 3

Yfirlit yfir veðrið frá veðurstöðinni í Litlu-Ávík.

Mánuðurinn var umhleypingasamur í byrjun og fram til 7. Síðan oftast hafáttir eða breytilegar með fremur hægu veðri en nokkuð vætusömu og oft þokulofti. Suðlægar vindáttir voru frá 19. til 22. með litilsáttar úrkomu. Þegar suðlægar vindáttir voru hlýnaði vel í veðri,enn oft voru skúrir eða rigning í þessum suðlægu vindáttum. (sjá yfirlit dagar eða vikur). Síðan voru hafáttir aftur með þokulofti og súld með köflum út mánuðinn. Mánuðurinn var fremur kaldur í heild,miðað við árstíma,þótt nokkrir mjög hlýir dagar hafi verið. Kaldara var fyrri hluta mánaðar og einnig í seinnihluta mánaðar. Alveg úrkomu lausir dagar voru aðeins sex í mánuðinum.

Heyskapur hefur ekki gengið vel vegna vætutíðar í mánuðinum,en sprettutíð var góð í mánuðinum. Heyfengur og gæði talin góð. Enn í lok mánaðar voru margir bændur búnir að ljúka fyrri slætti og sumir alveg búnir,þeir sem slá ekki seinni slátt. Á einum bæ eru talsverðar kalskemmdir.

Yfirlit dagar eða vikur:

1-2:Norðan og NV gola,kaldi eða stinningskaldi,rigning eða súld,hiti 5 til 7 stig.

3-5:Suðaustan eða austlæg vindátt,kul,gola,kaldi eða stinningskaldi,þurrt þann 3.,annars súld eða rigning,hiti 5 til 11 stig.

6:Norðan og NV kul,stinningsgola,kaldi,rigning,hiti 5 til 10 stig.

7:Suðvestan stinningskaldi eða allhvasst,gola um kvöldið og rigning,hiti 5 til 14 stig.

8:Norðvestan eða N kul eða gola,rigning,hiti 7 til 9 stig.

9-10:Suðvestan gola,stinningsgola eða kaldi,þurrt þ.9.,lítilsáttar skúrir þ.10.,hiti 5 til 19 stig.

11-12:Norðaustan eða breytilegar vindáttir kul eða gola,súld,rigning,skúrir,hiti 7 til 17 stig.

13-14:Breytilegar vindáttir gola,skúrir,rigning,hiti 5 til 11 stig.

15-18:Norðan eða Norðvestan,gola eða stinningsgola,súld eða rigning,hiti 6 til 13 stig.

19-22:Suðvestan eða suðlægar vindáttir kul,gola,stinningsgola eða kaldi,súld,skúrir,rigning,þurrt dagana 20 og 22.,hiti 9 til 18 stig.

23-31:Norðan eða NV kul,stinningsgola,kaldi þ.31.,súld,þurrt í veðri 27.og 28.,hiti 4 til 14 stig.

Mæligögn:

Úrkoman mældist 65,3 mm. (í júlí 2012: 75,6 mm.)

Þurrir dagar voru 6.

Mestur hiti mældist 19,0 stig þann 10.

Minnstur hiti mældist 4 stig þann 26.

Meðalhiti við jörð var + 6,13 stig  (í júlí 2012: +6,39 stig.)
Meðalhiti var:+8,9 stig.

Sjóveður:Að mestu sæmilegt eða gott,þann 2-3-5-6-7 og 31,var dálítill eða talsverður sjór.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. júlí 2013

Veðrið í júní 2013.

Júní í ár var hlýrri en júní í fyrra.
Júní í ár var hlýrri en júní í fyrra.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hafáttum síðan breytilegum vindáttum eða suðlægum að mestu með hægviðri og smá úrkomu og hlýju veðri. Eftir 7.mánaðar voru mest hafáttir eða breytilegar vindáttir,oft með smá súld og þokulofti og með svarta þoku stundum. Ákveðin Suðvestanátt var frá 26. og 27.,mánaðar með stinningskalda eða allhvössum vindi í tvo daga,síðan hægari með vestlægum vindáttum eða norðlægum.

Mánuðurinn var sæmilega hlýr fyrrihluta mánaðar en yfirleitt kaldara seinni hlutann. Vel lítur út með grassprettu víðast hvar,þó úrkomulítið hafi verið í mánuðinum. Mánuðurinn var sæmilega hlýr og hægviðrasamur í heild.

 

Yfirlit dagar eða vikur:

1-2:Norðlægar vindáttir kul eða gola,skúrir,rigning,hiti 3 til 12 stig.

3-4:Sunnan eða suðlægar vindáttir,andvari í fyrstu síðan allhvass um kvöldið þ.3., og stinningskaldi þ.4.,rigning eða skúrir,hiti 3 til 16 stig.

5-8:Hafáttir eða mest breytilegar vindáttir,andvari,kul,gola eða stinningsgola,þurrt,5,6 og 7.,þoka þ.7.,súld og þokuloft þ.8.,hiti 6 til 16 stig.

9-15:Mest Norðvestan kul gola en stinningsgola þ.15.,súld en þurrt í veðri 14. og 15. þokuloft og oft þoka,hiti 5 til 13 stig.

16:Austlæg vindátt með kuli,þurrt í veðri,hiti 2 til 13 stig.

17-19:Breytilegar vindáttir,kul eða gola,þurrt í veðri,17. og 18.,þoka og súld þann 19. hiti 6 til 13 stig.

20-21:Norðvestan eða Norðan,gola síðan kul,súld þann 20.,en þurrt þann 21.,hiti 5 til 8 stig.

22-25:Suðlægar eða breytilegar vindáttir,andvari,kul eða gola,þurrt í veðri,hiti 4 til 15 stig.

26-27:Suðvestan stinningsgola,kaldi,stinningskaldi eða allhvass,rigning,skúrir,hiti 7 til 13 stig.

28:Breytileg vindátt kul,skúrir,súld,hiti 6 til 10 stig.

29-30:Norðan kul,gola eða stinningsgola,þurrt í veðri,hiti 2 til 9 stig.

 

Mæligögn:

Úrkoman mældist 13,2 mm. (í júní 2012: 11,1 mm.)

Þurrir dagar voru 15.

Mestur hiti mældist þann 4. +16,1 stig.

Minnstur hiti mældist dagana 16 og 30. +2,2 stig.

Meðalhiti við jörð var: +5,58 stig. (í júní 2012: +4,07 stig.)
Meðalhiti var: +8,3 stig.

Sjóveður:Mjög gott mest allan mánuðinn,en leiðinlegt í sjóinn dagana 4 og 26 og 27,þá var allhvass vindur fyrir dagróðrarbáta,þó sjólítið væri.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 2. júní 2013

Veðrið í Maí 2013.

Það var alhvít jörð að morgni 26 maí í Norðurfirði.
Það var alhvít jörð að morgni 26 maí í Norðurfirði.
1 af 2
Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum með frosti eða hita á víxl fyrstu þrjá dagana. Síðan voru mest hafáttir með fremur köldu veðri og oftast úrkomu fram til 17.mánaðar. Loks gekk í suðlægar vindáttir þann átjánda með hlýju veðri sem stóð aðeins í þrjá daga. Síðan gekk aftur í norðlægar vindáttir með skúrum eða éljum,sem stóð í tvo daga. Þann 23. var Suðaustlæg vindátt með rigningu og slyddu. Síðan voru hafáttir með kalsaveðri,rigningu eða slyddu fram á 28. mánaðar. Alhvítt var í byggð víða að morgni 26. Síðustu þrjá daga mánaðarins var hægviðri með lítilli úrkomu og sæmilega hlýju veðri. Úrkoman var talsverð í mánuðinum,því nú eru maí og júní yfirleitt þurrustu mánuðir á Ströndum.

Ræktuð tún voru farin að taka við sér uppúr tuttugusta og farin að grænka. Úthagi fór aðeins að taka við sér síðustu daga mánaðar. Allur gróður var mjög seinn að taka við sér í mánuðinum. Lambfé var sett mjög seint út á tún vegna kulda og bleytutíðar og  gróðurleysis. Og stundum var fé sett inn aftur í verstu slyddubleytunni.

 

Yfirlit dagar eða vikur:

1:Norðlæg vindátt,stinningsgola síðan gola,úrkomulaust,hiti frá -2 stigum uppi +1 stig.

2-3:Suðvestan þ.2 og allhvass síðan gola,síðan suðlæg vindátt með golu,él,skúrir,rigning þ.2. hiti frá -5 stigum upp í +6 stig.

4-7:Norðaustan allhvass eða hvassviðri þ.5. annars stinningskaldi eða kaldi,rigning,slydda,snjókoma eða él,hiti +5 niðri 0 stig.

8-9=Norðan eða NV gola,þurrt í veðri,hiti +2 til +5 stig.

10-12:Norðlægar eða breytilegar vindáttir,kul eða gola,rigning eða súld,hiti +1 til +8 stig.

13-17:Norðaustan kaldi,stinningsgola,gola,súld,skúrir eða él,þurrt þann 17., hiti +5 stig niðri 0 stig.

18-20:Suðvestan eða suðlægar vindáttir,gola,stinningsgola eða kaldi,skúrir eða rigning,hiti +5 til +14 stig.

21-22:Norðvestan eða Norðan gola,kaldi eða stinningskaldi,skúrir eða él,hiti +6 stig niðri +1 stig.

23:Suðaustan stinningsgola og síðan breytileg vindátt með andvara,rigning eða slydda,hiti 0 til +5 stig.

24-25:Norðvestan kul,gola,stinningsgola,rigning,hiti +3 til +5 stig.

26-28:Norðan eða NA kaldi,stinningskaldi,en gola seinnipart þ.28. rigning eða slydda,lítilsáttar súld þ.28,hiti +1 til +6 stig.

29-30:Breytileg vindátt í fyrstu með kuli eða golu,síðan NV kul,súld og þokuloft,hiti +4 til +9 stig.

31:Austan eða SA með kuli eða golu,smá skúrir,hiti +4 til +11 stig.

 

Mæligögn:

Úrkoman mældist  66,8 mm. (í maí 2012: 9,0 mm.)

Þurrir dagar voru 4.

Mestur hiti mældist þann 18: +14,2 stig.

Mest frost mældist þann 2: -4,9 stig.

Meðalhiti við jörð +1,16 stig. (í maí 2012:+0,81 stig.)
Meðalhiti var: +3,9 stig.

Alhvít jörð var í 2 daga.

Flekkótt jörð var í 9 daga.

Auð jörð var því í 20 daga.

Mesta snjódýpt mældist 15 cm þann 1.

Sjóveður: Slæmt sjóveður,talsverður eða allmikill sjór var þessa daga 4,5,6,7,13,14,22,27 og 28,annars svona sæmilegt,sjólítið eða dálítill sjór.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 1. maí 2013

Veðrið í Apríl 2013.

Mjög dimm él voru síðasta dag apríl mánaðar.
Mjög dimm él voru síðasta dag apríl mánaðar.
1 af 2
Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hægviðri og sæmilegum hita fyrstu fjóra dagana,en þá fór að kólna með samt sæmilegasta veðri og nánast úrkomulausu veðri. Þann níunda gekk í Norðan og NA með snjókomu og éljum og gerði þá talsvert frost fram á 13.mánaðar,en þá fór að draga úr frosti all nokkuð,norðlægar áttir voru fram til 18,en síðan voru suðlægar vindáttir fram til 20,með hitastigi kringum 0 stigin. Eftir það gekk í hafáttir aftur með snjókomu eða slyddu fram til 25. Þá gerði suðlægar vindáttir í tvo daga. Þann 28 gekk í Norðanátt með éljum og talsverðu frosti á nóttinni en minna frosti yfir daginn,og endaði mánuðurinn með norðanátt og éljum.

Mánuðurinn var mjög kaldur í heild og mun kaldari en apríl 2012.

 

Yfirlit dagar eða vikur:

1-4: Suðlægar eða breytilegar vindáttir,andvar,kul eða gola,þurrt,1. og 2. annars lítilsáttar rigning,hiti +2 til +8,5 stig.

5-6: Norðaustan,stinningsgola eða kaldi,þurrt þann 5. En úrkomu varð vart þ.6. hiti frá +1 stigi niðri -3 stig.

7-8: Suðlægar vindáttir,gola og síðan kul,þurrt þ.7. úrkomuvottur þ.8,hiti frá -6 stigum uppi +3,5 stig.

9-16: Norðan og NA ,gola í fyrstu síðan allhvass en hvassviðri þ.14. annars yfirleitt kaldi eða stinningskaldi,snjókoma,en mest él,hiti frá + 2 stigum niðri -7 stig.

17-18: Norðan og NV,kaldi síðan stinningsgola eða gola,él,hiti frá -3 stigum upp í +0,5 stig.

19: Suðaustan eða A,stinningsgola eða kaldi,talsverð snjókoma og slydda um kvöldið,hiti 1 til 4 stig.

20: Suðvestan hvassviðri um tíma síðan gola eða kul,él,hiti +5 stig niðri +2 stig.

21: Norðan síðan NA gola eða stinningsgola,lítilsáttar slydda,hiti frá -2 stigum uppi +2 stig.

22-25: Norðaustan eða N, slydda,snjókoma eða él,hiti frá +3 stigum niðri -3 stig.

26-27:Suðvestan en norðlægari um kvöldið þ. 27.,hiti frá -8 stigum uppi +5,5 stig.

28-29:Norðan,allhvass eða hvassviðri þ. 28.,síðan stinningsgola eða gola,slydda og síðan él,hiti frá +2 stigum niðri -2 stig.

30:Breytileg vindátt í fyrstu með kuli,síðan NV eða N,með stinningsgolu,mjög dimm og mikil él,frost -1 stig til -7 stig.

 

Mæligögn:

Úrkoman mældist 48,2 mm. (í apríl 2012: 41,8 mm.)

Þurrir dagar voru 5.

Mestur hiti mældist dagana 1. og 2.: +8,5 stig.

Mest frost mældist þann 26.: -7,5 stig.

Meðalhiti við jörð var -2,43 stig. (í apríl 2012: -0,27 stig.)
Meðalhiti var: -0,1 stig.

Alhvít jörð var í 14 daga.

Flekkótt jörð var í 16 daga.

Auð jörð var því í 0 dag.

Mesta snjódýpt mældis 16 cm þann 18.

Sjóveður: Mjög rysjótt og fáir góðir dagar í mánuðinum.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. apríl 2013

Yfirlit yfir veðrið í mars 2013.

Álftir við Hjallskerin í Ávíkinni 30-03-2013.
Álftir við Hjallskerin í Ávíkinni 30-03-2013.
Veðrið í Mars 2013.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með vestlægum eða norðlægum vindum með nokkrum hita,en kólnaði síðan snögglega. Um kvöldið þann 3. gekk í Norðan og síðan Norðaustan áhlaup með snjókomu og talsverðu frosti,þetta veður stóð í fjóra daga. Eftir það voru vestlægar eða suðlægar eða breytilegar vindáttir,oftast með hita yfir frostmarki. Frá 14. til 18. voru austlægar vindáttir með nokkru frosti. Norðaustan hvassviðri var þann 19.og 20.,með snjókomu eða éljum,lítið festi í byggð. Frá 22. til 31. var hægviðri með næstum úrkomulausu veðri.

Úrkoman var mjög lítil í mánuðinum. Mánuðurinn var með kaldara móti,oft talsvert frost á nóttinni en lofthiti yfir daginn.

Nokkuð var um rafmagnstruflanir og eða rafmagnsleysi í veðrinu fjórða til áttunda,aðallega vegna ísingar og seltu.

 

Yfirlit dagar eða vikur:

1-2:Suðvestan og NV,stinningskaldi síðan stinningsgola,rigning,slydda eða él,hiti frá +8 stigum niðri -4 stig.

3:Norðan og NV,stinningskaldi og él,en komin Norðan stormur um kvöldið með snjókomu,frost frá -2 stigum niðri -8 stig.

4-8:Norðaustan eða Austan,stormur,hvassviðri,allhvasst,en kaldi eða stinningskaldi 7. og 8. snjókoma eða él,frost frá -10 stigum upp í +3 stig þ.8.

9:Austan eða SA,stinningsgola síðan kul,þurrt í veðri,hiti frá +3 stigum neðri -2 stig.

10-13:Suðvestan eða suðlægar vindáttir,kul,gola eða stinningsgola,þurrt í veðri 10. og 11.annars lítiláttar rigning eða skúrir,hiti frá -2 stigum upp í +5 stig.

14-18:Austan og NA,kul,gola,stinningsgola,kaldi eða stinningskaldi,él,þurrt þann 17,hiti frá +3 stigum niðri -7 stig.

19-21:Norðan og NA,hvassviðri eða allhvasst dagana 19 og 20,síðan stinningskaldi eða kaldi,snjókoma eða él,frost frá -4 stigum upp í +3 stig.

22-28:Mest austlægar eða breytilegar vindáttir,andvari,kul,gola,stinningsgola,úrkomuvottur,þ.22. og 26. annars þurrt,hiti frá +6 stigum niðri -3 stig.

29-30:Norðan og NA,stinningsgola síðan gola,slydda eð snjókoma þ.29. þurrt þ.30. hiti frá +5 stigum niðri -4 stig.

31: Logn eða breytileg vindátt með andvara,lítilsáttar slydda um miðjan dag,hiti frá -5 stigum uppi +3 stig.

 

Úrkoman mældist 24,3 mm. (í mars 2012:92,7 mm.)

Þurrir dagar voru 11.

Mestur hiti mældist +8,6 stig þann 1.

Mest frost mældist -9,5 stig þann 5.

Meðalhiti við jörð var -3,3 stig. (í mars 2012:-1,47 stig.)
Meðalhiti var: -0,3 stig.

Alhvít jörð var í 16 daga.

Flekkótt jörð var í 14 daga.

Auð jörð var því í 1 dag.

Mesta snjódýpt mældist 18 cm þann 7.

Sjóveður: Sjóveður var mjög rysjótt í mánuðinum.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. mars 2013

Veðrið í Febrúar 2013.

Hitinn fór tvívegis í 9,6 stig í febrúar,það telst mikill hiti á þessum árstíma á Ströndum.
Hitinn fór tvívegis í 9,6 stig í febrúar,það telst mikill hiti á þessum árstíma á Ströndum.
Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum sem stóðu fram til 12.enn úrkomulitlu veðri. Þann 13. gekk í ákveðna Norðaustanátt,einnig með úrkomulitlu veðri sem stóð fram til 17. þessa mánaðar. Eftir það gerði suðlægar vindáttir með hægviðri og hlýju veðri,enn hvassari eftir 22,og allhvasst eða hvassviðri af SV þann 27. Mánuðurinn endaði síðan með hægri austlægri og síðan suðaustlægri vindátt. Snjó tók mikið upp í þessum hlýundum og varð auð jörð á láglendi. Mánuðurinn telst mjög hlýr í heild. Úrkoman var ekki mikil þótt þurrir dagar væru ekki nema 5. í mánuðinum,úrkoma var oft enn aldrei mikil á degi hverjum.

Yfirlit dagar eða vikur:

 

1:Austlæg vindátt eða breytilegar,kul eða gola,þurrt í veðri,hiti 0 til -4 stig.

2-3:Suðlægar og SV áttir,snerist í NA um kvöldið þann 3. gola,stinningsgola,kaldi,rigning,slydda,snjókoma,hiti +5 neðri -2 stig.

4-5:Norðaustan,N og NV,stinningskaldi,kaldi,stinningsgola,kul,snjókoma,slydda,rigning,él,hiti frá +3 stigum niðri -3 stig.

6-10:Suðlægar,SV eða SA vindáttir,kul,gola,stinningsgolakaldi eða stinningskaldi,þurrt þ.6. annars lítilsáttar snjókoma,skúrir,rigning,hiti frá -4 stigum uppi +9 stig.

11-12:Breytilegar vindáttir,gola síðan andvari,þurrt í veðri,hiti frá +7 stigum niðri -2 stig.

13-17:Norðaustan stinningsgola,kaldi eða stinningskaldi,rigning,slydda,snjókoma eða él,hiti frá +4 stigum niðri -2 stig.

18-21:Breytilegar vindáttir,andvari,kul eða gola,þurrt þ. 19. annars rigning,súld eða skúrir,hiti +0 til +9 stig.

22-27:Sunnan eða Suðvestan stinningsgola,kaldi,stinningskaldi,en allhvass og hvassviðri þ.27. skúrir eða rigning,hiti +2 til +10 stig.

28:Austan stinningsgola með snjókomu snemma morguns,síðan SA stinningsgola með slyddu og síðan rigningu seinnipartinn og um kvöldið,hiti frá -1 stigi uppi +3 stig.

 

Úrkoman mældist 55,7 mm. (í febrúar 2012:76,3 mm.)

Þurrir dagar voru 5.

Mestur hiti mældist +9,6 stig dagana 22 og 25.

Mest frost mældist  -4,0 stig dagana 1 og 2.

Meðalhiti við jörð var -0,39 stig. (í febrúar 2012:-1,42 stig.)
Meðalhiti var: +2,8 stig.

Alhvít jörð var í 4 daga.

Flekkótt jörð var í 21 dag.

Auð jörð var því í 3 daga.

Mesta snjódýpt mældist 5 cm dagana 7 og 8.

Sjóveður:Frekar rysjótt sjóveður,en nokkrir góðir dagar sem gott eða sæmilegt var í sjóinn.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. febrúar 2013

Yfirlit yfir veðrið í Janúar 2013.

Hjallskerin við Ávíkina,séð að Felli og Veturmýrarnes.Allmikill sjór.25-01-2013.
Hjallskerin við Ávíkina,séð að Felli og Veturmýrarnes.Allmikill sjór.25-01-2013.
1 af 3
Veðrið í Janúar 2013.

Yfirlit yfir veðrið frá veðurstöðinni í Litlu-Ávík.

Fyrstu tvo daga mánaðar var N og NA áttir með éljum eða snjókomu og slyddu. Eftir það voru suðlægar vindáttir oftast hægar nema þann 4. og fram á morgun þann 5.þá var SV rok með góðum hita og leysingum,og áframhaldandi voru suðlægar eða breytilegar vindáttir oftast með hita yfir frostmarki fram til 12. Síðan var NA í tvo daga með snjókomu eða éljum. En frá 15 voru suðlægar vindáttir aftur með oftast hægum vindum og smá vætu,enn síðan þurru veðri frá 18 og fram til 23,smá væta efir það. Þann 26. gekk í Norðaustan hvassviðri og storm með miklum stormkviðum,frekar úrkomulítið varð í þessu veðri hér á Ströndum yfirleitt. Það veður gekk alveg niður þann 30 og var ágætisveður síðasta dag mánaðar.

Nokkra spilliblota gerði í mánuðinum,það er skyndileg hláka og frystir síðan aftur við jörð,og eykur á hálkuna og svellin aftur,en svelllítið  var orðið um 10 til 12 mánaðar. Þann 13 og 15 gerði snjókomu og slyddu sem fraus,og síðan var dálítill lofthiti og allt hljóp í svell aftur. Vindur náði þann 4.um kvöldið 37 m/s eða yfir 12 gömlum vindstigum. Einnig náði vindur 37 m/s í NA óveðrinu þann 27. Tjón kom í ljós 3 janúar á bátaskýli á Gjögri sem hafði orðið í óveðrinu og hafrótinu í lok desember 2012.

Yfirlit dagar eða vikur:

1-2:Norðan og NA kaldi,stinningsgola,síðan andvari,él snjókoma eða slydda,hiti frá -3 stigum í +2 stig.

3-6: Suðvestan eða suðlægar vindáttir,stormur um kvöldið þ.4 og fram á morgun þ.5,annars,allhvass,stinningskaldi,kaldi eða stinningsgola,hiti +1 til 11,5 stig.

7-12:Suðlægar eða breytilegar vindáttir,logn,andvari,gola,en stinningskaldi og allhvass um kvöldið þ. 9. Súld,rigning,en þurrt þann 12,hiti frá -1 stigi upp í +9 stig.

13-14:Norðaustan andvari,gola,kaldi,síðan stinningsgola,snjókoma,él,hiti +1 stig niðri -4 stig.

15: Suðaustan gola,snjókoma,slydda,rigning,hiti frá -4 stigum uppi +3 stig.

16:Suðvestan og S gola eða stinningsgola,skúrir,rigning,hiti +1 til +5 stig.

17-24.Austlægar vindáttir eða breytilegar,logn,andvari,kul,gola eða stinningsgola,rigning þ.17,annars þurrt í veðri,hiti +8 stigum niðri -2 stig.

25:Suðvestan eða suðlægar vindáttir,kul eða stinningsgola,þurrt í veðri,hiti -0 til +3 stig.

26-30:Austan og NA allhvass,stormur,hvassviðri,stinningskaldi,þurrt þ.26.og 30. annars rigning,slydda,snjókoma eða él,hiti frá +4 stigum niðri 0 stig.

31:Austan og suðaustan gola síðan kul,lítilsháttar él,hiti frá +1 stigi niður í -3 stig.

 

Úrkoman mældist: 61,3 mm. (í janúar 2012:111,5 mm.)

Þurrir dagar voru 10.

Mestur hiti mældist þann 5. +11,5 stig.

Mest frost mældist þann 24. -3,9 stig.

Meðalhiti við jörð var -0,96 stig. (í janúar 2012:-2,22 stig.)
Meðalhiti var: +1,9 stig.

Alhvít jörð var í 9 daga.

Flekkótt jörð var í 22 daga.

Auð jörð var því í 0 dag.

Mesta snjódýpt mældist þann 2.= 40 cm.

Sjóveður:Slæmt eða afleitt sjóveður fyrstu 5 daga mánaðarins og frá 24 og út mánuðinn,annars sæmilegt eða gott sjóveður.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 16. janúar 2013

Úrkoman var 789,1 mm árið 2012.

Úrkomumælir í Litlu-Ávík.
Úrkomumælir í Litlu-Ávík.
Úrkoman á veðurstöðinni í Litlu-Ávík var svona nokkuð í meðallagi á nýliðnu ári 2012. Úrkoman hefur aldrei náð því að fara yfir þúsund millimetra á einu ári nema árið 2011,þá var úrkoman 1153,8 mm,sem var úrkomumet. Næst þessu meti kom árið 2009 með 994,6 mm,og árið 2006 með 993,2 mm. Enn minnsta úrkoma á veðurstöðinni í Litlu-Ávík var árið 2010 með 633 mm. Og var það í eina skiptið sem úrkoma er undir sjöhundruð millimetrum á ársgrundvelli. Aðeins tvisvar fór úrkoman 2012 yfir hundrað mm það var í janúar (111,5 mm) og í september í (128,9 mm). Og minnsta úrkoma á árinu var í maí (9.0 mm). Og í júní (11,1 mm). Úrkoman var því 364,7 mm minni en árið 2011.

 

Hér fer á eftir tölur yfir mælingar á úrkomu frá 12 ágúst 1995,en þá hófust mælingar í Litlu-Ávík,og nú til ársins 2012: 1995. (358,3 mm) frá ágúst til desember. 1996. (778,0 mm). 1997. (914,9 mm). 1998. (892,9 mm). 1999. (882,0 mm). 2000. (743,8 mm).2001. (722,6 mm). 2002. (827.4 mm). 2003. (883,0 mm). 2004. (873,9 mm).2005. (763,3 mm). 2006. (993,2 mm). 2007. (972,0 mm). 2008. (864,1 mm). 2009. (994,6 mm). 2010. (633,5 mm). 2011.(1153,8 mm).2012. (789,1 mm).

Jón G. Guðjónsson | miðvikudagurinn 2. janúar 2013

Veðrið í Desember 2012.

Öll hús eru brynjuð af klaka eftir óveðrið.En farið að bráðna 02-01-2013.
Öll hús eru brynjuð af klaka eftir óveðrið.En farið að bráðna 02-01-2013.
1 af 3
Yfirlit yfir veðrið frá veðurstöðinni í Litlu-Ávík.

Mánuðurinn byrjaði með auslægum eða suðlægum vindáttum,yfirleitt hægum. Níunda til fjórtánda var hægviðri og fallegt veður og oft var heiðskírt eða léttskýjað og vægar froststillur. Þessa daga var mjög hélað og jörð var loðin af hélu. Í tvo daga um miðjan mánuð voru NA með kalda eða allhvössum vindi og með éljum eða snjókomu. Eftir það var hægviðri með litilli úrkomu. Þann 23 snerist í ákveðna Norðausanátt með éljum eða snjókomu aftur. Enn frá 29 og út mánuðinn gerði mikið NA og N áhlaup með snjókomu og náði vindur þá gömlum 12 vindstigum í kviðum. Rafmagnslaust varð þá í Árneshreppi rúmlega þrjá og hálfan sólarhring.

Mikinn sjógarð gerði í þessu veðri og varð hafrót (allt að eða yfir 14 metra),við ströndina. Sjór náði að flæða í fjárhúskjallara í Litlu-Ávík og einnig flæddi sjór inn í skemmu,spýtukubbar lentu á hlað fyrir framan skemmuna í einni mikilli fyllu (gífurleg alda),það hefur aldrei skeð fyrr.

Skemmdir sem vitað er um: Talsvert tjón á rafmagnslínum hjá Orkubúi Vestfjarða þegar línur slitnuðu. Einnig varð tjón á vegi í svonefndum Árneskrók,vegurinn fór þar í sundur vegna sjógangs. Menn hér í Árneshreppi líkja þessu veðri við svonefnt Flateyrarveður árið 1995 um haustið.

 

Yfirlit dagar eða vikur:

1:Austan kul eða gola,þurrt í veðri,hiti frá -2 til +0 stig.

2-5:Suðaustan eða suðlægar vindáttir,kul,gola eða stinningsgola,rigning,þurrt í veðri 4. og 5. hiti frá -0 til +5 stig.

6:Norðaustan kaldi í fyrstu síðan gola,þurrt í veðri,hiti +1 til +3 stig.

7-8:Suðvestan stinningsgola eða stinningskaldi,en NNA kaldi seinni hluta dags og um kvöldið þ. 8 ,él,hiti +5 neðri -2 stig.

9-14:Suðlægar vindáttir eða breytilegar logn,andvari,kul,en stinningsgola þ.10 og um kvöldið þ.14. þurrt í veðri,hiti -4 til +4 stig.

15-17:Norðaustan kaldi,stinningskaldi eða allhvass,él eða snjókoma,hiti 0 til +3 stig.

18-22:Austlægar eða breytilegar vindáttir,logn,andvari,kul eða gola,snjókoma um morguninn þ.18. lítilsáttar súld þ.21. annars þurrt í veðri,hiti frá -3 stigum uppi +6 stig.

23-28:Norðaustan kaldi,stinningskaldi,allhvass,þurrt þann 23,annars él,snjókoma eða slydda,hiti frá -6 stigum uppi +4 stig.

29-31.Norðaustan eða N hvassviðri,stormur,rok,snjókoma,hiti frá +0 og niðri -4 stig.

 

Úrkoman mældist 76,0 mm. (í desember 2011:68,3 mm.)

Þurrir dagar voru 14.

Mestur hiti mældist þann 22.+6,5 stig.

Mest frost mældist þann 26.-6,3 stig.
Meðalhitinn var: +0,6 stig.

Meðalhiti við jörð var -2,49 stig. (í desember 2011:-5,26 stig.)

Alhvít jörð var í 11 daga.

Flekkótt jörð var í 20 daga.

Auð jörð var því í 0 daga.

Mesta snjódýpt mældist: 37 cm, þann 31.

Sjóveður:Frekar slæmt sjóveður eftir miðjan mánuð,en síðustu daga mánaðar var ekkert sjóveður. Sjólag fór í hafrót eða í og yfir 14 metra.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2017 »
« September »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Úr myndasafni

  • Hafís og uppskipunarbátur á leið í land.
  • Söngur.
  • Árnes II-23-07-2008.
  • Samúel I Þórisson tengdasonur Maddýar heldur ræðu.
  • Ragna og Jón Guðbjörn.
Vefumsjón