Aðalfundur Ferðamálasamtaka Vestfjarða verður haldinn í Félagsheimilinu í Árnesi Trékyllisvík.í Árneshreppi laugardaginn 20.apríl n.k. kl.13:00. Að venju verður lítil dagskrá um ferðamál um kvöldið þar sem sjónum verður beint sérstaklega að Árneshreppi. Sigurður Atlason mun ekki gefa kost á sér til formennsku áfram og því er ljóst að nýr formaður FMSV mun taka við á aðalfundinum. Ferðaþjónustufólk á Vestfjörðum er því hvatt til að velta fyrir sér nýjum formanni úr sínum röðum. Þrír aðrir stjórnarmenn munu einnig ganga úr stjórn samkvæmt lögum félagsins. Nánari dagskrárupplýsingar verða sendar út síðar en ferðaþjónustuaðilum er bent á að taka helgina frá. Stjórn samtakanna skal kosin árlega á aðalfundi,sem halda skal sérstaklega á hverjum aðalfundi til árs í senn. Leitast skal við að kjósa fulltrúa sem flestra svæða í stjórn. Kjósa skal tvo skoðunarmenn reikninga og tvo til vara.