Fleiri fréttir

Jón G. Guðjónsson | mánudagurinn 13. janúar 2020

Meðalhiti í Litlu-Ávík árið 2019.

Hitamælar á veðurstöðinni í Litlu-Ávík.
Hitamælar á veðurstöðinni í Litlu-Ávík.

Meðalhiti á veðurstöðinni í Litlu-Ávík fyrir árið 2019 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2018.:

Janúar: +0,5 stig.(+0.4 stig.)

Febrúar: +0,2 stig. (+1,6.stig.)

Mars: +0,0 stig. (+1,1 stig .)

Apríl: +4,3 stig. (+2,7 stig.)

Maí : +4,1 stig. (+5,0 stig.)

Júní: +7,3 stig. (+7,8 stig.)

Júlí: +8,3 stig (+8,2 stig.)

Ágúst: +7,0 stig. (+7,7 stig.)

September: +7,1 stig. (+5,8 stig.)

Október: +4,3 stig. (+3,2 stig.)

Nóvember: +2,2 stig. (+2,9 stig.)

Desember: +1,2 stig. (+1,8 stig.)

Engin frosttala er í meðalhitanum fyrir árið 2019. Meðalhitinn er mun hærri í apríl, september og í október árið 2019. Enn árið 2018.

Jón G. Guðjónsson | fimmtudagurinn 2. janúar 2020

Veðrið í Desember 2019.

Hafrót ölduhæð áætluð 9 til 14 metrar.
Hafrót ölduhæð áætluð 9 til 14 metrar.
1 af 2

Yfirlit yfir veðrið frá veðurstöðinni í Litlu-Ávík.

Fyrstu fjóra daga mánaðar voru suðlægar vindáttir með lítilli úrkomu. Ótrúlega hlítt var þann 2 og aðfaranótt þann 3, þegar hiti fór í 12,6 stig, og varð það mesti hiti mánaðarins. Síðan voru norðaustlægar vindáttir með éljum, slyddu eða snjókomu í 5 daga. Frá 10 til 11 var norðan eða NA stormur rok og eða ofsaveður, með rigningu, slyddu og síðan snjókomu. Siðan voru áframhaldandi norðaustanáttir með snjókomu eða éljum, sem gengu niður á Þorláksmessa þann 23. Frá 24 til 25 voru breytilegar vindáttir eða suðlægar, með lítilli úrkomu. Norðaustan og norðanáttir voru frá 26 til 29 með talsverðri rigningu, slyddu eða snjókomu. 30 til 31 voru suðlægar vindáttir með lítilsáttar úrkomu. Umhleypingasamt og úrkomusamt var í mánuðinum.

Mikil hálka var á vegum, sérstaklega á milli jóla og áramóta. Hiti eða frost á víxl og oft um frostmarkið.

Vindur náði 34 m/s eða (gömlum 12 vindstigum.) í vindkviðum í SSV hvassviðri aðfaranótt þriðja og fram á morgunn.

Í Norðan ofsaveðrinu þann 10 var jafnavindur mestur 32 m/s og mesti vindur var í kviðum 42 m/s klukkan 21:00.

Tjón: Í ofsaveðrinu þann 10 til 11 fauk þak af í heilu lagi á húsi Ferðafélags Íslands á Valgeirsstöðum í Norðurfirði.

Mæligögn:

Úrkoman mældist 107,9 mm. (í desember 2018: 56,2 mm.)

Úrkomu sem varð vart en mældist ekki var í 2 daga.

Þurrir dagar voru 4.

Mestur hiti mældist þann 3. +12,6 stig,

Minnstur hiti mældist þann 13. -6,4 stig.

Meðalhiti mánaðarins var +1,2 stig. (í desember 2018: +1,8 stig.)

Meðalhiti við jörð var -1,34 stig. (í desember 2018: -1,25 stig.)

Alhvít jörð var í 23 daga.

Flekkótt jörð var í 4 daga.

Auð jörð var því í 4 daga.

Mesta snjódýpt mældist þann 14. 16 cm.

Sjóveður. Lítið var um gott sjóveður í mánuðinum, það var þó í nokkra daga sæmilegt, 1, 2 , 4 og 7, 25, 26, 27, 31. Það er sjólítið eða dálítill sjór. Annars var mjög slæmt sjóveður eða alls ekkert: Talsverður sjór, allmikill sjór, mikill sjór, stórsjór, hafrót.

Yfirlit dagar eða vikur:

1-4: Suðvestan eða SA, S, kul, gola, stinningsgola, kaldi, stinningskaldi, hvassviðri aðfaranótt þ.3 og fram á morgun, rigning eða skúrir, en úrkomulaust þ.4. hiti frá -1 til +13 stig.

5-9: Norðaustan eða N, stinningsgola, kaldi, stinningskaldi, allhvass eða hvassviðri, él, slydda, rigning, snjókoma, úrkomulaust þ.6. hiti +3 og niður í -4 stig.

10-11: Norðaustan og norðan stormur, rok, ofsaveður, rigning, slydda, snjókoma, hiti +3 til -2 stig.

12-23: Norðaustan, hvassviðri, allhvasst, stinningskaldi, kaldi, snjókoma, él, slydda, hiti frá -6 til +4 stig.

24: Breytileg vindátt, kul, súld, hiti 0 til +4 stig.

25: Suðvestan stinningskaldi, stinningsgola, gola, úrkomulaust, hiti 0 til -2 stig.

26-29: Norðaustan eða N, kul, gola, stinningsgola, kaldi, stinningskaldi, allhvass, rigning, slydda, snjókoma, hiti frá -3 til +5 stig.

30-31: Suðvestan eða sunnan, gola, kaldi, stinningskaldi, allhvasst, úrkomulaust þ. 30. en lítilsáttar rigning og skúrir þ. 31. hiti frá -2 til +6 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 2. desember 2019

Veðrið í Nóvember 2019.

Oft var mjög hélað í mánuðinum.
Oft var mjög hélað í mánuðinum.

Yfirlit yfir veðrið frá veðurstöðinni í Litlu-Ávík.

Norðaustan var fyrstu tvo daga mánaðarins, síðan suðlæg vindátt næstu tvo daga, síðan var norðaustlæg vindátt með kalda 5 og 6. Aðeins úrkoma var þann 1 en síðan var úrkomulaust fram til 7. Frá 7 og fram til 15 voru auslægar eða suðaustlægar vindáttir, mest hægviðri og úrkomulítið veður. Síðan var suðvestlæg vindátt með kalda um tíma og úrkomulausu veðri. Og frá 18 til 22 voru suðaustlægar eða austlægar vindáttir og hægviðri, með litilsáttar rigningu þann 21. Þann 23 snérist til Norðaustlægar vindáttar með rigningu þann dag, annars úrkomulaust, sem var til 26 . Síðan voru hægar suðlægar vindáttir út mánuðinn og úrkomulausu veðri. Mánuðurinn verður að teljast mjög góður, hægviðrasamur og úrkomulítill. Nokkuð var um hálku og oft var mikið um hélu.

Mæligögn:

Úrkoman mældist 24,3 mm. (í nóvember 2018: 95,5 mm.)

Úrkomu sem varð vart en mældist ekki var í 1 dag.

Þurrir dagar voru 23.

Mestur hiti mældist Þann 22: +7,9 stig.

Minnstur hiti mældist þann 7: -3,9 stig.

Meðalhiti mánaðarins var +2,2 stig. (í nóvember 2018: +2,9 stig.)

Meðalhiti við jörð var -1,28 stig. (í nóvember 2018: +0,55 stig.)

Alhvít jörð var í 1 dag.

Flekkótt jörð var í 2 daga.

Auð jörð var því í 27 daga.

Mesta snjódýpt mældist. þann 15.: 3 cm.

Sjóveður. Sæmilegt eða gott allan mánuðinn, það var, gráð sjólítið eða dálítill sjór.

Yfirlit dagar eða vikur:

1-2: Norðaustan eða N stinningsgola, gola, kul, rigning, skúrir þ. 1. Enn þurrt þann 2. Hiti -1 til +4 stig.

3-4: Suðaustan kul, úrkomulaust, hiti +3 til -1 stig.

5-6: Norðaustan eða ANA stinningskaldi, kaldi, stinningsgola, gola, kul, úrkomulaust, hiti -2 til +3 stig.

7-15: Suðaustan eða austlægar vindáttir, kul, gola, stinningsgola, kaldi,snjókoma, rigning, snjóél, en úrkomulaust dagana 8, 9, 10, 12 og 13. Hiti -4 til +8 stig.

16-17: Suðvestan eða Sunnan, gola, stinningsgola, kaldi, úrkomulaust, hiti +3 niður í -3 stig.

18-22: Suðaustan eða auslægar vindáttir, andvari, kul eða gola, þurrt í veðri 18, 19, 20, og 22. ,en lítilsáttar rigning þann 21. Hiti frá -3 til +8 stig.

23-26: Norðaustan stinningsgola, gola, kul, rigning þ.23. annars þurrt, hiti +6 til +2 stig.

27-30: Suðaustan síðan SV, kul, gola, stinningsgola, úrkomulaust, hiti +5 og niður í -3 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 1. nóvember 2019

Veðrið í Október 2019.

Fallegt veður var 26 og 27. Dagana eftir norðan hretið.
Fallegt veður var 26 og 27. Dagana eftir norðan hretið.

Yfirlit yfir veðrið frá veðurstöðinni í Litlu-Ávík.

Norðaustlægar vindáttir voru fyrstu 3 daga mánaðar, en síðan varð vindur auslægari og suðlægari, úrkomulaust var fyrstu 4 daga mánaðarins. Frá 7 og fram til 18 voru norðaustlægar eða austlægar vindáttir með lítilsáttar úrkomu. Síðan voru suðlægar vindáttir í tvo daga. Þann 21 gekk í ákveðna norðanátt með hvassviðri, fyrst með rigningu og síðan slyddu og éljum, norðanáttin gekk niður þann 25. 26 og 27 var hægviðri með léttskýjuðu eða heiðskíru veðri. 28 til 31 var suðvestanátt, með smá úrkomu þann 29. Og hlýnaði aðeins í veðri. Úrkomulítið var í mánuðinum, enda voru þurrir dagar 15. (sjá mæligögn.)

Mæligögn:

Úrkoman mældist 45,4 mm. (í október 2018: 87,8 mm.)

Úrkomu sem varð vart en mældist ekki var í 0 dag.

Þurrir dagar voru 15.

Mestur hiti mældist þann 6: +12,1 stig.

Minnstur hiti mældist þann 23: -4,0 stig.

Meðalhiti mánaðarins var +4,3 stig. (í október 2018: +3,2 stig.)

Meðalhiti við jörð var +1,26 stig. (í október 2018: +0,42 stig.

Alhvít jörð var i 5 daga.

Flekkótt jörð var í 3 daga.

Auð jörð var því í 23 daga.

Mesta snjódýpt mældist þann 25. 8 cm.

Sjóveður. Sjóveður var mjög rysjótt í mánuðinum. Talsverður sjór, allmikill sjór eða mikill sjór var dagana 8,9,10,11,12, 16,21,22,23,24,25. Annars sjólítið eða dálítill sjór, gott eða sæmilegt.

Yfirlit dagar eða vikur:

1-3: Norðaustlægar vindáttir, NA, N, ANA, kul eða gola, úrkomulaust, hiti +1 til +9 stig.

4-6: Suðlægar vindáttir, SA, ASA, úrkomulaust þ.4 og 6. en rigning þ.5. hiti +4 til +12 stig.

7-18: Norðaustan eða ANA, stinningsgola, kaldi, stinningskaldi, allhvasst, súld, rigning, skúrir, úrkomulaust 12, 13 og 14. Hiti +1 til +10 stig.

19-20: Suðvestan eða S, gola eða stinningsgola, úrkomulaust þ.19. en rigning þ.20. Hiti -1 til +7 stig.

21-25: Norðan eða NNA, hvassviðri, allhvasst, stinningskaldi, kaldi, rigning, slydda, él, hiti +4 og niður í -4 stig.

26-27: Suðlægar eða breytilegar vindáttir, S, SA, andvari eða kul, þurrt í veðri, hiti frá -4 til +3 stig.

28-31: Suðvestan, S, stinningsgola, kaldi, stinningskaldi, allhvasst, rigning þ. 29. annars úrkomulaust, hiti 0 til +8 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 1. október 2019

Veðrið í September 2019.

Úrhellisrigning var þ.14. og varð að reka féið úr Melarétt í fjárhús til að draga í dilka.
Úrhellisrigning var þ.14. og varð að reka féið úr Melarétt í fjárhús til að draga í dilka.
1 af 2

Yfirlit yfir veðrið frá veðurstöðinni í Litlu-Ávík.

Fyrstu fimm daga mánaðarins voru hægar norðlægar eða breytilegar vindáttir, lítilsáttar úrkoma, fremur svalt. Loks þann 6 snerist í ákveðnar suðlægar vindáttir, ( sem lítið var um í sumar, síðast seint í júní.) Það hlýnaði í veðri í þessum suðlægu vindáttum fram til 8.Talsverð úrkoma var þann 7. Síðan fór í norðlæga vindátt aftur þann 9 og voru norðlægar vindáttir fram til 12 með vætu. Þann 13 var skammvinn sunnanátt með skúrum. Þann 14 var norðaustan og síðan norðan með úrhellisrigningu. Úrkoman mældist 21,7 mm eftir daginn. En þann 15 var skammvinn suðlæg átt. 16 til 22 voru norðlægar vindáttir með vætu, en mikil rigning 19 og 20. Úrkoman mældist þessa tvo sólarhringa 75,1 mm. Frá 23 og til 25 voru breytilegar eða suðlægar vindáttir og hægviðri með úrkomulitlu veðri, en hlýju hitinn fór í 17,1 stig þann 24. Síðan voru hafáttir út mánuðinn með súld og kaldara veðri. Mánuðurinn verður að teljast hlýr í heild, en úrkomusamur á köflum.

Mæligögn:

Úrkoman mældist 148,6 mm. (í september2018: 54,6 mm.)

Úrkomu sem varð vart en mældist ekki var í 4 daga.

Þurrir dagar voru 7.

Mestur hiti mældist þann 24: +17,1 stig.

Minnstur hiti mældist þann 15: 0,0 stig.

Meðalhiti mánaðarins var +7,1 stig. (í september 2018: +5,8 stig.)

Meðalhiti við jörð var +4,07 stig. (í september 2018: +3,07 stig.)

Sjóveður. Gott eða sæmilegt, sjólítið eða dálítill sjór. En nokkuð slæmt, talsverður eð allmikill sjór, dagana 3, 9, 10, 11, 14, 20 og 27.

Yfirlit dagar eða vikur:

1-5: Norðlægar eða breytilegar vindáttir, andvari, kul, eða gola, úrkomu vottur þ.1. og smávegis súld þ.5. annars þurrt í veðri, hiti +2 til +10 stig.

6-8: Suðlæg vindátt, S, SA, SSV, andvari, gola, kaldi, stinningskaldi, úrkomulaust þ.6 og 8. annars rigning, hiti +6 til +16 stig.

9-12: Norðan NA, gola, stinningsgola, kaldi, súld eða rigning, hiti +5 til +9 stig.

13: Sunnan eða SSV, stinningsgola, kaldi, skúrir, hiti +5 til +10 stig.

14: Norðaustan, N, stinningsgola, stinningskaldi, allhvasst, mikil rigning, úrhelli, hiti +2 til +7 stig.

15: Sunnan, SSA, kul, gola, stinningsgola, slydda. Hiti 0 til +8 stig.

16-22: Norðlægar vindáttir, NA, NV, kaldi, gola, kul, súld, rigning, hiti +4 til +9 stig.

23-25: Suðlægar eða breytilegar vindáttir, andvari, kul, stinningsgola, þoka, súld, úrkomulaust þ. 25. Hiti +7 til +17 stig.

26-30: Norðlægar vindáttir, N. NA. stinningsgola, kaldi, síðan gola, súld, þurrt þ. 29. úrkomuvottur þ. 30. Hiti +1 til +11 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 15. september 2019

Snjóaði í fjöll í gær.

Örkin- Lambatindur og Reyðarfell.
Örkin- Lambatindur og Reyðarfell.

Þá er fyrsti snjórinn í haust komin í fjöll, það hefur snjóað talsvert í gær. Myndin sýnir Örkina sem er 634 m, og Lambatind og Reyðarfell sem er næst Finnbogastaðafjalli. Á veðurstöðinni í Litlu-Ávík fór hitinn niður í 0,0 gráður, en við jörð niður í -3,0 gráður í nótt.

Jón G. Guðjónsson | sunnudagurinn 1. september 2019

Veðrið í Ágúst 2019.

Eiðsrofi (Djúpavíkurfoss) var tignarlegur að morgni 13 ágúst.
Eiðsrofi (Djúpavíkurfoss) var tignarlegur að morgni 13 ágúst.
1 af 2

Yfirlit yfir veðrið frá veðurstöðinni í Litlu-Ávík.

Hafáttir voru ríkjandi allan mánuðinn, eins og var í júlí síðastliðinn. Svalt var í veðri eins og hefur reindar verið í allt sumar. Algjört haustveður var í ágúst.

Úrkomusamt var í mánuðinum, úrkomulítið var fyrstu ellefu dagana, síðan var mjög úrkomusamt frá tólfta til fimmtánda, síðan dró úr úrkomu til tuttugusta og fimmta, eftir það var úrkomusamt út mánuðinn.

Mæligögn:

Úrkoman mældist 101,8 mm. (í ágúst 2018: 37,3 mm.)

Úrkomu sem varð vart en mældist ekki var í 1 dag.

Þurrir dagar voru 6.

Mestur hiti mældist þann 1 og 23 = +11,0 stig.

Minnstur hiti mældist þann 20 = +4,0 stig.

Meðalhiti mánaðarins var +7,0 stig. (í ágúst 2018: +7,7 stig.)

Meðalhiti við jörð var +5,94 stig. (í ágúst 2018 +5,58 stig.)

Sjóveður. Sjóveður var gott eða sæmilegt fyrstu níu daga mánaðarins, það er sjólítið eða dálítill sjór. Eftir það fór sjóveður að verða nokkuð rysjótt. Talsverður eða allmikill sjór var 10, 11, 12, 13, 14, 16, 17, 18, 27, 28, 29, 30, 31. Þá slæmt fyrir handfærabáta.

Yfirlit dagar eða vikur:

1-31:Norðan NNA, NNV, NV, en mest hánorðan, andvari, kul, gola, stinningsgola, kaldi, stinningskaldi, en allhvasst 12 og 13. Rigning eða súld, hiti +4 til +11 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. ágúst 2019

Veðrið í Júli 2019.

Mikið var um þoku eða þokumóðu í mánuðinum
Mikið var um þoku eða þokumóðu í mánuðinum
1 af 3

Yfirlit yfir veðrið frá veðurstöðinni í Litlu-Ávík.

Hafáttir voru ríkjandi allan mánuðinn með fremur svölu veðri fyrstu fimm dagana og nokkurri úrkomu. Síðan heldur hlýrra fram til þrettánda. Eftir það var nokkuð svalt veður og úrkomusamara út mánuðinn. Mikið var um þoku og þokumóðu og mjög rakt veður. Heyskapur gekk ágætlega fyrri hluta mánaðar,en síðan ekki fyrr en tvo síðustu daga mánaðar.

Mæligögn:

Úrkoman mældist 80,5 mm. (í júlí 2018: 159,2 mm.)

Úrkomu sem varð vart en mældist ekki var í 4 daga.

Þurrir dagar voru 5.

Mestur hiti mældist +14,5 stig. Þann 13.

Minnstur hiti mældist +3,4 stig. Þann 3.

Meðalhiti mánaðarins var +8,3 stig. (í júlí 2018: +8,2 stig)

Meðalhiti við jörð var +6,70 stig. (í júlí 2018: +6,27 stig.)

Sjóveður. Yfirleitt gott, gráð, sjólítið eða dálítill sjór. En slæmt síðustu daga mánaðar það er talsverður sjór.

Yfirlit dagar eða vikur:

Norðan. NA. NNV. Andvari, kul, gola, stinningsgola, kaldi. Þurrt dagana 2,6,9,10,11, og úrkomu sem varð vart en mældist ekki var dagana 1,7,19,24,annars rigning eða súld. Mikið var um þoku eða þokumóðu og mjög rakt. Hiti +3 til +14,5 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. júlí 2019

Veðrið í Júní 2019.

Oft var þoka eða þokuloft í mánuðinum.
Oft var þoka eða þokuloft í mánuðinum.
1 af 2

Yfirlit yfir veðrið frá veðurstöðinni í Litlu-Ávík.

Hafáttir voru ríkjandi fyrstu 11 daga mánaðarins með köldu veðri með snjó eða slydduéljum, heldur fór að hlína þann 6 en þann 10 fór að hlína fyrir alvöru þótt hafáttir væru enn. Þann 12 var vestlæg vindátt með miklum hita, fór í 17,5 stig. Þann 13 og fram til 22,voru norðlægar vindáttir og kólnaði talsvert í veðri þann 14 með þokulofti, síðan kólnaði enn frekar þann 18. Frá 23 og til 28 voru suðvestlægar vindáttir með mjög hlýju veðri, hitinn fór í 18,2 stig þann 27. og var það hæðsti hiti mánaðarins. Síðan voru hafáttir tvo síðustu daga mánaðarins með svölu veðri og súld. Mjög úrkomulítið var í mánuðinum, og jörð mjög þurr. Grasspretta gengur hægt og jafnvel að tún hafi brunnið þar sem þurrast er. Kuldatíð og þurrki um að kenna, mjög kalt var fyrstu ellefu daga mánaðarins, en mjög hlítt 23 til 28 en þá var mjög þurrt. Þannig að það er einungis í sex daga sem hægt er að tala um góðan hita hér á Ströndum.

Mæligögn:

Úrkoman mældist 13,7 mm. (í júní 2018: 75,9 mm.)

Úrkomu sem varð vart en mældist ekki var í 4 daga.

Þurrir dagar voru 14.

Mestur hiti mældist þann 27. +18,2 stig.

Minnstur hiti mældist þann 7. -0,7 stig.

Meðalhiti mánaðarins var 7,3 stig. ( í júní 2018 +7,8 stig.)

Meðalhiti við jörð var +4,95 stig. (í júní 2018: +5,46 stig.)

Sjóveður: Gott eða sæmilegt, sjólítið eða dálítill sjór, enn slæmt dagana 3,4 og 5 þá talsverður sjór, og nokkuð slæmt fyrir handfærabáta í SV hvassviðrinu þann 25.

Yfirlit dagar eða vikur:

1-11: Norðan eða NA, stinningsgola, kaldi, gola, kul, slydduél, snjóél, súld, þurrt 1-6-7-8-10-11, hiti frá – 1 til +15 stig.

12: Vestan eða NV, gola, stinningsgola, úrkomulaust, hiti 7 til 18 stig.

13-22: Norðan NNA, kul, gola, stinningsgola,kaldi, stinningskaldi, þokuloft, þoka, súld, rigning, úrkomulaust dagana 14 og 16, úrkomu varð vart 15, 19, 21 og 22. Hiti 4 til 14 stig.

23-28: Suðvestan stinningsgola, kaldi, stinningskaldi, allhvass, rigning, skúrir, úrkomulaust 23, 24, 25, 26. Hiti til 8 til 18 stig.

29-30: Norðaustan, NNA, stinningsgola eða kaldi, súld, hiti 5 til 8 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 2. júní 2019

Veðrið í Maí 2019.

Lambfé var sett út í þurrakulda á þessu vori.
Lambfé var sett út í þurrakulda á þessu vori.
1 af 2

Yfirlit yfir veðrið frá veðurstöðinni í Litlu-Ávík.

Norðlægar vindáttir voru fyrstu þrjá dagana og úrkomulítið en svalt. Þann 4 var skammvinn suðvestanátt og hlýnaði þá talsvert í veðri um tíma. Síðan þann 5 fór veður kólnandi aftur með norðlægum vindáttum. Norðlægar vindáttir voru svo ríkjandi fram til 11 með köldu veðri og snjóéljum. Veður fór síðan hlýnandi aftur þann 12 með austlægum eða breytilegum vindáttum fram til 17. Þann 18  gekk í kuldatíð á ný með norðlægum vindáttum með súld og þokulofti í fyrstu, síðan þurru veðri, enn snjóéljum þann 28 og  slydduéljum þann 31 og var þessi kuldatíð út mánuðinn. Bændur hættu svona almennt að setja út lambfé vegna en meiri kulda þann 27 enda voru snjó og slydduél dagana á eftir. Það bjargaði talsvert að þetta var mest þurrakuldi þegar lambfé var sett út í byrjun. Úrkomulítið var í mániðinum.

Mæligögn:

Úrkoman mældist  11,5 mm. (í maí 2018: 62,6 mm.)

Úrkomu sem varð vart en mældist ekki var í 3 daga.

Þurrir dagar voru 12.

Mestur hiti mældist þann 17: 11,9 stig.

Mest frost mældist þann 7. -2,0 stig.

Meðalhiti mánaðarins var +4,1 stig. (í maí 2018: +5,0 stig)

Meðalhiti við jörð var +2,13 stig. (í maí 2018: +1,35 stig.

Alhvít jörð var í 0 dag.

Flekkótt jörð var í 2 daga.

Auð jörð var því í 29 daga.

Mesta snjódýpt mældist þann 10: 2 cm.

Sjóveður: Gott eða sæmilegt mest allan mánuðinn, það er sjólítið eða dálítill sjór. Enn slæmt dagana 28 og 29.

Yfirlit dagar eða vikur:

1-3: Norðan og NA, gola, stinningsgola, kaldi, súld þ.1. annars þurrt, hiti 0 til 5 stig.

4: Suðvestan kaldi síðan kul, úrkomulaust, hiti 3 til 10,5 stig.

5-11: Norðaustan og N, kul, gola, stinningsgola, kaldi, úrkomulaust 6 og 7, rigning þ. 5 síðan snjóél, hiti +6 og niður í -1 stig.

12-17: Austlægar eða breytilegar vindáttir, gola, stinningsgola, kaldi, kul, úrkomulaust 12 og 14 annars rigning eða súld, hiti 2 til 12 stig.

18-31: Norðan eða NA, kul, gola eða stinningsgola. úrkomulaust 23, 25, 26, og 29 og 30, annars súld og slydduél eða snjóél.

Tekið saman af Jóni G Guðjónssyni veðurathugunarmanni í Litlu-Ávík.

 

Atburðir

« 2020 »
« Janúar »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Úr myndasafni

  • Vatn sótt.
  • Naustvík 17-08-2008.
  • Inni lokað loftrúm.12-11-08.
  • Úr sal.
  • Saumaklúbbur 22-01-2005.
Vefumsjón