Fleiri fréttir

Jón G. Guðjónsson | laugardagurinn 2. janúar 2021

Veðrið í Desember 2020.

Það snjóaði talsvert 19 til 21, en þann snjó tók mikið til upp 24 og 25. Mynd tekin 23.
Það snjóaði talsvert 19 til 21, en þann snjó tók mikið til upp 24 og 25. Mynd tekin 23.
1 af 2

Yfirlit yfir veðrið frá veðurstöðinni í Litlu-Ávík.

Suðlæg vindátt og síðan NNV um kvöldið með snjókomu þann 1. Frá 2 til 4 var norðan áhlaup, frá allhvössum vindi og uppí storm, með snjókomu með talsverðu frosti. Þá voru suðlægar vindáttir með úrkomu þann sjöunda, en annars þurru veðri 5 til 8. Frá 9 til 22 var Norðaustlæg vindátt allt frá stinningsgolu og uppí stormstyrk, með rigningu, slyddu og talverðri snjókomu frá 19 og fram á morgun þann 21. Frá 23 og til 26 var suðlæg vindátt með hvassviðri eða stormi 24 og 25. Rigning og síðan él. Snjó tók mikið til upp 24 og 25. Þá var norðanátt 27 og 28, með úrkomu. Síðan var hægviðri þrjá síðustu daga mánaðarins, og var léttskýjað á gamlárskvöld og fallegt veður.

Mæligögn:

Úrkoman mældist 80,2 mm. (í desember 2019: 107,9 mm.)

Úrkomu sem varð vart en mældist ekki var í 1 dag.

Þurrir dagar voru 8.

Mestur hiti mældist þann 25. +8,5 stig.

Minnstur hiti mældist þann 22. -8,8 stig.

Meðalhiti mánaðarins var +0,7 stig. (í desember 2019: +1,2 stig,)

Meðalhiti við jörð var -1,68 stig. (í desember 2019: -1,34 stig.)

Sjóveður. Oftast slæmt, en sæmilegt sjóveður var þó dagana 8, 9, 10,23, 24, 26, 31. Það er sjólítið eða dálítill sjór. Annars slæmt, talsverður sjór, allmikill sjór, mikill sjór, stórsjór.

Alhvít jörð var í 16 daga.

Flekkótt jörð var í 8 daga.

Auð jörð var því í 7 daga.

Mesta snjódýpt mældist þann 22. 26 cm.

Yfirlit dagar eða vikur:

1: Suðvestan, S, stinningsgola, stinningskaldi, allhvasst, hvassviðri, skúrir, rigning, en NNV stinningsgola um kvöldið með snjókomu. Hiti -1 til +8 stig.

2-4: Norðan allhvasst, hvassviðri eða stormur, snjókoma frost -3 til -7 stig.

5-8: Suðaustan, S, SSV, kul, gola, stinningsgola, snjókoma, slydda, rigning þ.7. Annars úrkomulaust, hiti -8,5 til +4 stig.

9-22: Norðaustan, ANA, stinningsgola, kaldi, stinningskaldi, allhvass, hvassviðri, stormur, rigning, slydda, snjókoma, úrkomulaust 13, 14. Hiti +6 til -9 stig.

23-26: Sunnan, SSV ,kul, gola,stinningsgola,kaldi, allhvasst, en hvassviðri eða stormur 24 og 25. Úrkomulaust þ.23. annars rigning, skúrir, slyddu eða snjóél, hiti +8,5 til -6 stig.

27-28: Norðan hvassviðri, allhvasst, kaldi, rigning, slydda, él, hiti +4 til -2 stig.

29-31: Austan, SA, eða breytilegar vindáttir, kul eða gola, snjómugga þann 29. Annars úrkomulaust. Frost -1 til -5 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 1. desember 2020

Veðrið í Nóvember 2020.

Árnesstapar- Reykjarneshyrna- Mýrarhnjúkur.
Árnesstapar- Reykjarneshyrna- Mýrarhnjúkur.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðvestanátt með rigningu og síðan slyddu, fyrstu tvo dagana. Frá 3 til 10 var suðvestan með hvassviðri eða stormi 4 og 5. Og skúrum eða éljum, rigningu, hitasveiflur með 1 stigs frosti uppí 11 stiga hita. Þá var hæg suðlæg vindátt með þurru veðri 11 og 12. 13 til 17 voru norðlægar vindáttir frá kalda og uppí hvassviðri, með nokkurri úrkomu. 18 og 19 var hæg suðlæg vindátt með þurru veðri. 20 og 21 var norðan mikinn hlutann allhvass vindur með talsverðri úrkomu, rigningu, slyddu eða snjókomu. 22 var hæg suðaustlæg vindátt með þurru veðri. Þá var Norðaustanátt, allhvöss með éljum 23 og 24. Frá 25 til 28 var suðvestanátt með hvassviðri, stormi eða roki, og miklum stormkviðum. Tvo síðustu daga mánaðarins voru hægar breytilegar vindáttir.

Mánuðurinn var mjög umhleypingasamur.

Talsverð hálka var á vegum í mánuðinum.

Vindur fór í 33 m/s í kviðum þann 4 í Suðvestanáttinni sem eru tólf vindstig gömul.

Vindur fór í 44 m/s í kviðum um morguninn þann 27 þegar jafnavindur var 28 m/s.

Mæligögn:

Úrkoman mældist 126,4 mm. (í nóvember 2019: 24,3 mm.)

Úrkomu sem varð vart en mældist ekki var í 0 dag.

Þurrir dagar voru 10.

Mestur hiti mældist þann 5. +11,0 stig.

Mest frost mældist þann 18. -6,5 stig.

Meðalhiti mánaðarins var +1,6 stig. (í j nóvember 2019: +2,2 stig,)

Meðalhiti við jörð var -1,29 stig. (í nóvember 2019: -1,28 stig.)

Sjóveður. Mjög rysjótt. Gott eða sæmilegt, sjólítið eða dálítill sjór,7, 8, 9, 10, 11, 12, 18, 19, 29, 30. Annars slæmt vegna ölduhæðar eða hvassviðra, talsverður sjór, allmikill sjór, mikill sjór.

Alhvít jörð var í 9 daga.

Flekkótt jörð var í 11 daga.

Auð jörð var því í 10 daga.

Mesta snjódýpt mældist þann 30: 7 cm.

Yfirlit dagar eða vikur:

1-2: Norðvestan stinningsgola, kaldi, stinningskaldi, allhvass, rigning, slydda, hiti +1 til +5 stig.

3-10: Suðvestan gola, stinningsgola, kaldi, stinningskaldi, allhvasst, enn hvassviðri eða stormur 4 og 5. Skúrir, snjóél, rigning, en úrkomulaust 3, 8 og 10. Hiti -1 til +11 stig.

11-12: Sunnan eða SA, kul eða gola, úrkomulaust, hiti -1 til +4 stig.

13-17: Norðan, NA, stinningsgola, kaldi, stinningskaldi, allhvasst, hvassviðri þ.15., rigning, slydda, snjókoma, snjóél, hiti -2 til +5 stig.

18-19: Suðvestan, S, SA, kul eða gola, úrkomulaust, hiti -6,5 til +1 stig.

20-21: Norðan kul og síðan allhvasst, rigning, slydda, snjókoma, hiti -6 til +4 stig.

22: Suðaustan kul, úrkomulaust, hiti -4 til +2 stig.

23-24: Suðaustan kul í fyrstu síðan NA stinningskaldi, allhvasst, þurrt þ. 23. Síðan él, hiti -5 til +3 stig.

25-28: Suðvestan stinningsgola, stinningskaldi, hvassviðri, stormur, rok, skúrir, slyddu og snjóél, hiti -3 til +6,6 stig.

29: Sunnan kul í fyrstu, síðan Vestan gola eða stinningsgola, úrkomulaust, hiti -2 til +2 stig.

30: Norðan, NNA stinningsgola í fyrstu, síðan SA gola, snjóél, snjókoma, hiti -1 til -0 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 2. nóvember 2020

Veðrið í Október 2020.

Heiðskírt var allan þriðjudaginn 15.
Heiðskírt var allan þriðjudaginn 15.
1 af 2

Yfirlit yfir veðrið frá veðurstöðinni í Litlu-Ávík.

Suðlæg vindátt var fyrstu tvo daga mánaðarins, með rigningu í fyrstu síðan þurrt. Síðan var norðan þann þriðja með súld. Frá 4 til 7 voru hægar suðlægar eða breytilegar vindáttir, með rigningu 6 og 7. Þá var ákveðin norðanátt 8 og 9 með rigningu. Hægar breytilegar vindáttir voru 10 til 11 með lítilsáttar rigningu. 12 til 17 voru suðlægar vindáttir með lítilsáttar vætu. Þann 18 kólnaði með norðlægri vindátt í tvo daga. Þá var hæg suðlæg vindátt 20 og 21. Frá 22 til 30 var ákveðin austlæg vindátt oft allhvasst eða hvassviðri og rigning með köflum. 31 var suðlæg vindátt með lítilsáttar rigningu.

Úrkomusamara var fyrri hluta mánaðarins en seinni hluta. Ekkert snjóaði á lálendi í mánuðinum.

Mæligögn:

Úrkoman mældist 81,2 mm. (í október 2019: 45,4 mm.)

Úrkomu sem varð vart en mældist ekki var í 0 dag.

Þurrir dagar voru 11.

Mestur hiti mældist þann 14.+11,9 stig

Mest frost mældist þann 20. -0,4 stig.

Meðalhiti mánaðarins var +5,0 stig. (október 2019: +4,3 stig,)

Meðalhiti við jörð var +2,01 stig. (í október 2019: +1,26 stig.)

Sjóveður. Það má segja að sjóveðrið hafi skipts í tvo hluta, sæmilegt eða slæmt: Gott eða sæmilegt var dagana, það er gráð, sjólítið eða dálítill sjór. 3, 4, 5, 6, 7, 10, 11, 12, 13, 14, 15, 16, 17, 20, 21, 22, 31. Annars slæmt, talverður sjór, allmikill sjór, mikill sjór.

Alhvít jörð var í 0 dag.

Flekkótt jörð var í 0 dag.

Auð jörð var því í 31 dag.

Mesta snjódýpt mældist þann. Ekkert snjóaði á lálendi.

Yfirlit dagar eða vikur:

1-2: Suðaustan,stinningsgola, gola, kul, rigning um morguninn þ.1. annars úrkomulaust, hiti +0 til +7 stig.

3: Norðan stinningsgola, gola, súld, hiti +3 til +5 stig.

4-7: Sunnan, SA, SV, stinningsgola, gola, kul, úrkomulaust þ.4 og 5. Annars rigning, hiti +2 til +7,5 stig.

8-9: Norðan stinningsgola, kaldi, stinningskaldi, rigning, hiti +4 til +7,5 stig.

10-11: Breytilegar vindáttir, kul eða gola, rigning en úrkomulaust þ.10. hiti +1 til +8,5 stig.

12-17: Suðvestan, S, SA, gola, stinningsgola, kaldi, en allhvasst eða hvassviðri, um tíma þ.14. lítilsáttar skúrir eða rigning, en úrkomulaust 13 og 15, hiti +3 til +12 stig.

18-19: Norðan, NA, stinningsgola, kaldi, stinningskaldi, gola, súld, skúrir, hiti +3 til +7 stig,

20-21: Sunnan, SSV, SA, kul eða gola, úrkomulaust þ. 20. En lítilsáttar rigning þ.21. hiti -0,4 til +5 stig.

22-30: Austnorðaustan, NA, gola, stinningsgola, kaldi, stinningskaldi, allhvasst, hvassviðri þ.24 og 28. Úrkomulaust 24, 26, 27, 28. Annars rigning. Hiti +2 til +7,5 stig.

31: Sunnan, SA, stinningsgola, síðan gola,rigning, hiti +1 til +7 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 2. október 2020

Veðrið í September 2020.

Úrkomusamt var í mánuðinum.
Úrkomusamt var í mánuðinum.
1 af 2

Yfirlit yfir veðrið frá veðurstöðinni í Litlu-Ávík.

Fyrstu fjóra daga mánaðarins var norðan kaldi, uppí allhvassan vind, mest með súld og svölu veðri. Þá voru suðlægar vindáttir 5 og 6 og hlýnandi í veðri. 7 og 8 voru norðlægar vindáttir og kólnaði talsvert. Þann 9 var suðaustan með lítilsáttar skúrum. Þá var norðaustan með stinningsgolu og uppí hvassviðri þann 11 með rigningu eða súld, fremur svalt í veðri. Breytilegar vindáttir voru 14 og 15 með úrkomuvotti. Þá var suðvestan frá 16 til 19. Hvassviðri eða stormur var þann 19 með miklum skúrum, stundum skýfall. Þann 20 var tvíátta, fyrst suðlæg vindátt en síðan norðan allhvasst með úrhellisrigning, Úrkoman mældist frá kl. 09.00 til 18:00 eða 9 tíma 26,0 mm. Þann 21 var skammvinn norðaustanátt með slyddu og síðan rigningu. : Þá var þann 22 SA í fyrstu enn síðan NA allhvass með skúrum eða rigningu. 23 og 24 var norðan allhvasst með snjóéljum og slydduéljum. 25 til 27 voru suðlægar vindáttir allhvasst og eða hvassviðri með skúrum eða rigningu þann 26. Hlýnaði í veðri um tíma. 28 og 29 voru norðlægar vindáttir með éljum slyddu eða rigningu. Þann 30 var suðlæg vindátt í fyrstu síðan NA um kvöldið með talsverðri rigningu fram á morgun þann 1 október.

Mánuðurinn var umhleypingasamur og úrkomusamur.

Mæligögn:

Úrkoman mældist 146,1 mm. (í september 2019: 148,6 mm.)

Úrkomu sem varð vart en mældist ekki var í 2 daga.

Þurrir dagar voru 4.

Mestur hiti mældist þann 6 +13,1 stig.

Minnstur hiti mældist þann 25 -1,5 stig.

Meðalhiti mánaðarins var +5,9 stig. (í september 2019: +7,1 stig,)

Meðalhiti við jörð var +3,08 stig.(í september 2019: +4,07 stig.)

Sjóveður: Mjög rysjótt. En sex sæmilegir dagar, það er sjólítið eða dálítill sjór, 1, 5, 6, 15, 25, 27. Annars mjög slæmt vegna hvassviðra og sjógangs: Talsverður sjór,allmikill sjór, mikill sjór

Alhvít jörð var í 0 dag.

Flekkótt jörð var í 3 daga.

Auð jörð var því í 27 daga.

Mesta snjódýpt mældist þann 29. 1cm.

Yfirlit dagar eða vikur:

1-4: Norðan gola, stinningsgola, kaldi, stinningskaldi, allhvasst, rigning, súld, úrkomulaust þ.4. hiti +4 til 10 stig.

5-6: Suðaustan, SV, kul, gola, stinningsgola, rigning, skúrir, úrkomulaust þ.5. hiti +2 til 13 stig.

7-8: Norðnorðvestan og síðan NA, gola, stinningsgola, kaldi, rigning, enn úrkomulaust þ.8. hiti +4 til +11 stig.

9: Suðaustan andvari, kul, gola, skúrir, hiti +2 til 8 stig.

10-13. Norðaustan stinningsgola, kaldi, stinningskaldi, allhvasst, hvassviðri, rigning, súld, hiti +4 til +9 stig.

14-15: Breytilegar vindáttir andvari, kul, gola, lítilsáttar skúrir, hiti +3 til +11 stig.

16-19: Suðvestan stinningsgola, kaldi, stinningskaldi, allhvasst, en hvassviðri eða stormur um tíma þ.19. skúrir eða rigning, hiti +6 til +11,5 stig.

20: Sunnan og SA með stinningsgolu í fyrstu, síðan norðan allhvass með úrhellisrigning, úrkoman mældist eftir daginn 26,0 mm. Hiti +3 til +8,5 stig, veður hratt kólnandi.

21: Norðaustan gola, stinningsgola, slydda, rigning, hiti +1 til +4 stig.

22: Suðaustan kul í fyrstu, en síðan NA allhvass, skúrir, rigning, hiti +0 til +6 stig.

23-24: Norðan stinningskaldi, allhvass, slydduél, snjóél, skúrir, hiti +0 til +4 stig.

25-27: Sunnan, SA, SSV, kul, gola, stinningsgola, kaldi, en allhvasst eða hvassviðri þ.26. skúrir, rigning, úrkomulaust þ.25. hiti -2 til +12 stig.

28-29: Norðan, NMV, NA, ANA, stinningsgola, kaldi, stinningskaldi, allhvass, rigning, slydduél, snjóél, slydda, hiti +0 til +3 stig.

30: Sunnan kul eða gola í fyrstu, síðan NA gola með talsverðri rigningu, hiti +1 til +7 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 1. september 2020

Veðrið í Ágúst 2020.

Úrkomusamt var í mánuðinum.
Úrkomusamt var í mánuðinum.

Yfirlit yfir veðrið frá veðurstöðinni í Litlu-Ávík.

Norðlægar eða austlægar vindáttir voru fyrstu fimm daga mánaðarins, með talsverðri úrkomu þann 5. Síðan var sunnan þann 6 með úrkomulausu og hlýju veðri. Þá var norðan þann 7 með talsverðri rigningu. Frá 8 til 12 voru suðlægar vindáttir með hlýju veðri og rigningu. Hitinn fór í 17,1 stig þann 10 sem virðist ætla að verði mesti hiti sumarsins. 13 og 14 var suðvestan hvassviðri með hlýju veðri en úrkomu litlu. Frá 15 til 26 voru norðlægar vindáttir með úrkomulitlu veðri og hægviðri. Frá 27 og út mánuðinn voru suðlægar vindáttir með hlýju veðri, mikil rigning var aðfaranótt 31.

Mæligögn:

Úrkoman mældist 119,9 mm.  (í ágúst 2019: 101,8 mm.)

Úrkomu sem varð vart en mældist ekki var í 1 dag.

Þurrir dagar voru 13.

Mestur hiti mældist þann 10. +17,1 stig.

Minnstur hiti mældist þann 22. +3,6 stig.

Meðalhiti mánaðarins var +9,8 stig. (í ágúst 2019: +7,0 stig.)

Meðalhiti við jörð var +6,82 stig. (í ágúst 2019: +5,94 stig.)

Sjóveður. Að mestu gott í mánuðinum, gráð, sjólítið, dálítill sjór. Enn slæmt dagana 1,2, 5, 6 og 7. Það er talsverður sjór.

Yfirlit dagar eða vikur.

1-2: Norðan og NV stinningsgola, kaldi, rigning eða súld, hiti +7 til +9 stig.

3: Austan eða breytileg vindátt, kul, súld, hiti +8 til +9 stig.

4: Norðan gola, stinningsgola, rigning og súld, hiti +7 til +9 stig.

5: Austan stinningskaldi, stinningsgola, síðan gola, talsverð rigning, hiti +7 til +12 stig.

6: Sunnan gola, stinningsgola, úrkomulaust, hiti +8 til +15 stig.

7: Norðan kaldi, stinningsgola, talsverð rigning, hiti +7 til +13 stig.

8-12: Suðvestan eða S. kul, gola, stinningsgola, kaldi, rigning, skúrir, hiti +6 til +17 stig.

13-14: Suðvestan allhvasst, hvassviðri, rigning þ.13. þurrt þ.14. hiti +9 til +15 stig.

15-26: Norðan, NA, eða breytilegar vindáttir, andvari, kul, gola, stinningsgola, rigning þ. 15. súld þ. 18 og þ.26. Annars úrkomulaust. Hiti +4 til +15 stig.

27-28: Suðvestan kul eða gola, úrkomulaust þ.27. enn úrkomu vart þ.28. Hiti +7 til +14 stig.

29-31: Suðaustan eða breytilegar vindáttir kul, gola, stinningsgola, þurrt í veðri þ.29. annars rigning eða skúrir, mikil rigning var aðfaranótt 31. hiti +7 til +16 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 1. ágúst 2020

Veðrið í Júlí 2020.

Talsvert vatnsveður var 16, 17 og 18.
Talsvert vatnsveður var 16, 17 og 18.
1 af 2

Yfirlit yfir veðrið frá veðurstöðinni í Litlu-Ávík.

Fyrstu tíu daga mánaðarins voru hægar norðlægar vindáttir og góður þurrkur. 11 og 12 voru breytilegar vindáttir með lítilsáttar úrkomu. Þann 13 gekk í norðanátt, allhvasst 17 og 18, með talsverðri úrkomu 16, 17 og 18. Eftir þessa þrjá sólarhringa mældist úrkoman 92,0 mm. Frá 19 og fram til 22 voru hægar breytilegar vindáttir. Norðan var með súld eða rigningu 23 til 27, svalt í veðri. Frá 28 og fram til 30 voru suðlægar vindáttir með hlýju veðri. Þann 31 var norðan uppí allhvassan vind með rigningu eða súld og svalara veðri.

Mæligögn:

Úrkoman mældist 119,5 mm. (í júlí 2019: 80,5 mm.)

Úrkomu sem varð vart en mældist ekki var í 3 daga.

Þurrir dagar voru 15.

Mestur hiti mældist +14,5 stig þann 12 og 30.

Minnstur hiti mældist +1,7 stig þann 1.

Meðalhiti mánaðarins var +8.3 stig. (í júlí 2019: +8,3 stig,)

Meðalhiti við jörð var +5,7 stig. (í júlí 2019: +6,70 stig.)

Sjóveður: Að mestu ágætissjóveður, gráð, sjólítið, dálítill sjór. Slæmt í sjóinn talsverður sjór, allmikill sjór og mikill sjór, 16, 17 og 18. Og talsverður sjór, 25 og 31.

Yfirlit dagar eða vikur:

1-10: Norðan, NNV, NNA, kul, gola, stinningsgola, þurrt í veðri, hiti +2 til +13 stig.

11-12: Breytilegar vindáttir, ASA, SA, SV, kul eða gola, lítilsáttar rigning eða skúrir, hiti +6 til +15 stig.

13-18: Norðan kul, gola, stinningsgola, kaldi, stinningskaldi, allhvasst, hvassviðri, súld, rigning, hiti +4 til +12 stig.

19-22: Breytilegar vindáttir,SV, V, N, NA, andvari, kul, gola, Úrkomulaust 19, 20, 21, súldarvottur þ.22. hiti +6 til +12 stig.

23-27: Norðan, NV, NA, stinningsgola, kaldi, stinningskaldi, síðan kul, súld, rigning, úrkomulaust þ.27. hiti +2 til +8 stig.

28-30: Suðaustan, ASA eða breytilegar vindáttir, andvari, kul, gola, úrkomulaust þ.28. annars úrkomuvottur sem mældist ekki, hiti +6 til +14,5 stig.

31: Norðan, NA, stinningsgola, allhvasst, síðan gola, rigning eða súld, hiti +7 til +9 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 21. júlí 2020

Talsverð úrkoma 16 til 18 júlí.

Ávíkuráin gróf sig langt niður dálítið fyrir ofan sjávarmál. Lónið heldur sér.
Ávíkuráin gróf sig langt niður dálítið fyrir ofan sjávarmál. Lónið heldur sér.

Talsverð eða mikil úrkoma voru dagana 16, 17 og 18 júlí. Úrkoman mældist þessa þrjá sólarhringa 92,0 mm. Það gekk í norðan þann 13 með hægum vindi í fyrstu en vindur fór mest í hvassviðri þann 17. Vindur var síðan dottin niður þann 19. Þessi úrkoma er ekkert í líkingu við miklu úrkomuna í ágúst 2015. Sjá hér. Enda urðu litlar sem engar vegaskemmdir núna.

Jón G. Guðjónsson | fimmtudagurinn 2. júlí 2020

Veðrið í Júní 2020.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðvestanáttum með þurru og hlýnandi veðri. Frá 4 til 5 var norðanátt með köldu veðri. 6 til 8 var hægviðri með hlýnandi veðri aftur. Þá var norðanátt 9 og 10 með rigningu og svalara veðri aftur. Frá 11 til 16 voru suðlægar vindáttir með hlýju veðri og smávegis vætu. 17 og 18 voru hægar austlægar vindáttir eða suðlægar með hlýju veðri, hitinn fór í 16,6 stig þann 18. Síðan voru norðlægar vindáttir út mánuðinn með rigningu eða súld og þokulofti og frekar svölu veðri.

Jörð var mjög þurr fram til 8 eftir það fór að koma væta með köflum og grasspretta fór að lagast, og var orðin sæmileg spretta í mánaðarlok.

Jarðskjálfi fannst víða í Árneshreppi klukkan 19:27 þann 20.

Mæligögn:

Úrkoman mældist 64,7 mm. (í júní 2019: 13,7 mm.)

Úrkomu sem varð vart en mældist ekki var í 4 daga.

Þurrir dagar voru 13.

Mestur hiti mældist +16,6 stig þann 18.

Minnstur hiti mældist +0,5 stig þann 6.

Meðalhiti mánaðarins var +8,1 stig. (í júní 2019: 7,3 stig,)

Meðalhiti við jörð var +5,41 stig. (í júní 2019: -4,95 stig.)

Sjóveður. Gott eða sæmilegt, gráð, sjólítið, dálítill sjór. Enn verra eða talsverður sjór þann 29.

Yfirlit dagar eða vikur:

1-3: Suðvestan gola, stinningsgola, kaldi, stinningskaldi, úrkomulaust, +5 til +13 stig.

4-5: Norðan stinningsgola, kaldi, gola, súldarvottur þ.4. úrkomulaust þ.5. Hiti +2 til +6 stig.

6-8: Breytilegar vindáttir, gola eða kul, úrkomulaust þ.6. annars rigning. Hiti +0,5 til +13 stig.

9-10: Norðan gola, kul, rigning, þokuloft, þ.10. Hiti +5 til +9 stig.

11-16: Suðvestan, S, SA, skúrir, rigning, úrkomulaust þ. 16. Hiti +5 til +13,5 stig.

17-18: Norðaustan síðan SA, kul eða gola, úrkomulaust, hiti +5 til +17 stig.

19-30: Norðan, NNV, NNA, kul,gola, stinningsgola, úrkomulaust 19, 23, 24, 25 og 30., annars rigning og súld, þoka eða þokuloft, hiti +6 til +14 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. júní 2020

Veðrið í Maí 2020.

Lambfé sett út á tún þann 21.
Lambfé sett út á tún þann 21.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðanátt fyrstu tvo dagana. Frá 3 til 6 var suðvestanátt, rok eða ofsaveður þann 4. Frá 7 til 9 voru hægar vestlægar eða norðlægar vindáttir, talsverð snjóél að morgni 9 og varð jörð flekkótt. Frá 10 til 11 var suðvestlæg vindátt, en seinnipartinn þann 11 var komin norðaustanátt með slyddu, og snarkólnandi veðri, hiti fór úr +9 stigum niðurí 1 stig. Þann 12 og 13 var svalt í veðri.

Frá 14 til 20 voru norðlægar vindáttir og svölu veðri og slydduéljum. Loks þann 21 fór að hlýna verulega í veðri með suðlægri vindátt. Norðanátt var frá 22 fram til 24. Enn og aftur snarkólnaði. 25 til 26 var breytileg vindátt með svölu veðri og snjóaði niður í um 400 metra hæð í fjöllum aðfaranótt 26. Suðvestanátt var svo frá 27 til 28 allhvasst og fór að hlína í veðri. Siðan voru áframhaldandi suðlægar vindáttir með hlýju veðri.

Jörð var mjög þurr fyrrihluta mánaðar eða fram til 20. En þegar úrkoma kom loks 21 fóru ræktuð tún að taka við sér dálitið. Raunverulega var jörð mjög þurr allan mánuðinn, jörðin drakk þessa litlu úrkomu í sig um leið.

Í suðvestan rokinu þann 4 fóru kviður í 47 m/s, jafnavindur var þá kl.: 18:00 29 m/s. Þetta er eitt af verstu suðvestan veðrum sem hafa komið hér.

Mæligögn:

Úrkoman mældist 28,2 mm. (í maí 2019: 11,5 mm.)

Úrkomu sem varð vart en mældist ekki var í 8 daga.

Þurrir dagar voru 11.

Mestur hiti mældist +15,6 stig þann 29.

Minnstur hiti mældist -3,5 stig þann 12.

Meðalhiti mánaðarins var +5,2 stig. (í maí 2019: +4,1 stig,)

Meðalhiti við jörð var +1,10 stig. (í maí 2019: +2,13 stig.)

Sjóveður. Var sæmilegt eða gott meiri hluta mánaðarins, gráð, sjólítið eða dálítill sjór. Slæmt 17 talsverður sjór, og í suðvestan rokinu þann 4. Ekkert sjóveður fyrir strandveiðibáta 5, 10, 27, 28. Allhvasst, stinningskaldi.

Alhvít jörð var í 0 dag.

Flekkótt jörð var í 1 dag.

Auð jörð var því í 30 daga.

Mesta snjódýpt mældist þann 9. Flekkótt enn snjódýpt mældist ekki.

Yfirlit dagar eða vikur:

1-2: Norðan kaldi, stinningsgola, gola, úrkomu vottur þ.1. sem mældist ekki, þurrt þ.2. hiti +4 niðurí -1 stig.

3-6: Suðvestan stinningsgola, kaldi, allhvass, enn stormur eða rok og eða ofsaveður þann 4. Skúravottur þ. 4. og 6. sem mældist ekki, úrkomulaust 3 og 5. Hiti frá -2 til +11,5 stig.

7-8: Vestan stinningsgola eða kaldi í fyrstu, síðan norðan stinningsgola, gola, skúravottur þ. 7. En úrkomulaust þ.8. Hiti 0 til +6 stig.

9: Vestan kul með éljum, birti til fyrir hádegi. Síðan NA, gola og SSA, gola, hiti -3 til +3 stig.

10-11: Suðvestan stinningskaldi, kaldi, síðan NA stinningskaldi eða kaldi seinnipartinn þ.11. með slyddu. Hiti +9 niðurí -1 stig.

12: Suðaustan, NA, kul eða gola,úrkomulaust, hiti frá -3,5 til +6 stig.

13: Suðvestan kaldi eða stinningskaldi, úrkomulaust, hiti +2 til 10,5 stig.

14-20: Norðan eða NA, kul, gola, stinningsgola, kaldi, súld þ.14. slydduél þ.16 og 17. Rigning um kvöldið þ. 20. Annars úrkomulaust, hiti frá -2 til +7 stig.

21: Sunnan kaldi, stinningsgola, gola, kul, skúravottur, hiti +5 til +14 stig.

22-24: Norðan kul eða gola, súld, rigning, þoka, hiti +1,5 til +7 stig.

25: Breytileg vindátt, kul eða gola, skúrir, hiti +4 til +11 stig.

26: Norðan stinningsgola í fyrstu, síðan suðvestan kaldi, rigning, skúrir, hiti +2 til +11 stig.

27-28: Suðvestan allhvasst, stinningskaldi, skúrir, hiti +6 til +11 stig.

29-31: Sunnan, SA, SSV, eða breytilegar vindáttir, kaldi, stinningsgola, gola, kul, lítilsáttar skúrir, hiti +5 til +16 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 2. maí 2020

Veðrið í Apríl 2020.

Fallegt vetrarveður var þann 8.
Fallegt vetrarveður var þann 8.
1 af 3

Yfirlit yfir veðrið frá veðurstöðinni í Litlu-Ávík.

Suðvestan og vestan var fyrri hluta dags þann 1 og síða norðan hvassviðri með éljum. Frá 2 og fram til 5 var norðaustan, með hvassviðri eða stormi þann 4 og 5 og snjókomu. Þann 6 var tvíátta, Norðan Norðvestan með snjókomu slyddu og síðan rigningu, síðan Suðvestan hvassviðri um kvöldið og úrkomulaust. Frá 7 til 8 var vindur norðlægur, með snjókomu þann 7 annars él. Frá 9 og fram til 12 voru mest breytilegar vindáttir, með hita yfir daginn og sólbráð, en frost á nóttinni. Þann 13 og 14 var suðvestan hvassviðri eða stormur, með lítilli úrkomu en hlítt í veðri og tók snjó mikið upp á láglendi. Síðan voru áframhaldandi suðlægar vindáttir með hlýju veðri. Um nónleytið þann 18 snérist í Norðan golu með rigningu slyddu og síðan snjókomu og snarkólnandi veðri og var orðið alhvítt um kvöldið. Hitinn fór úr 11 stigum og niðurí 1 stig. Frá 19 til 24 voru suðlægar vindáttir með góðum hita. Siðan snérist í norðlægar eða breytilegar vindáttir með kólnandi veðri, sæmilega hlítt yfir daginn en frost á nóttinni. Þann 30 gerði norðaustan stinningskalda með en frekar kólnandi veðri með smá snjóéljum, og varð hvítt langt niður í hlíðar.

Jörð var talin fyrst auð á láglendi þann 23. Sumardaginn fyrsta.

Í suðvestan rokinu þann 14 fór vindur í kviðum í 33 m/s sem eru tólf vindstig gömul, eða fárviðri.

Mæligögn:

Úrkoman mældist 44,9 mm. (í apríl 2019: 32,2 mm.)

Úrkomu sem varð vart en mældist ekki var í 3 daga.

Þurrir dagar voru 9.

Mestur hiti mældist +12,1 stig. Þann 21.

Minnstur hiti mældist -7,0 stig. Þann 4.

Meðalhiti mánaðarins var +2,4 stig. (í apríl 2019: +4,3 stig,)

Meðalhiti við jörð var -1,20 stig. (í apríl 2019: +0,75 stig.)

Alhvít jörð var í 12 daga.

Flekkótt jörð var í 10 daga.

Auð jörð var því í 8 daga.

Mesta snjódýpt mældist þann 8: 32 cm.

Sjóveður: Slæmt sjóveður var 1 til 8 og 11, 14, 30. Það er mikill sjór, allmikill sjór, talsverður sjór. Annars var bara sæmilegt sjóveður, það er dálítill sjór, sjólítið eða gráð.

Yfirlit dagar eða vikur:

1: Suðvestan og VSV stinningsgola, allhvass, síðan Norðan hvassviðri, snjóél, frost -1 til -5 stig.

2: Norðan, NNA, allhvasst, stinningskaldi,kaldi, síðan breytileg vindátt, él, frost -2 til -6 stig.

3-5: Norðaustan stinningskaldi, allhvasst, hvassviðri, stormur, snjóél, snjókoma, skafrenningur, frost -2 til -7 stig.

6: Norðan eða NV kaldi, stinningsgola í fyrstu, síðan SSV stinningskaldi, hvassviðri, snjókoma, slydda, rigning, hiti, frá -4 til +4 stig.

7-8: Norðan kaldi, stinningsgola, gola, síðan sunnan kul, snjókoma, él, hiti -4 til +1,5 stig.

9-10: Suðlægar eða breytilegar vindáttir, stinningsgola, gola, kul, úrkomulaust, hiti -2 til +6 stig.

11: Norðan, NV,NA, stinningsgola, allhvasst, slydda, súld, él, hiti +2 til -0 stig.

12: Norðaustan, gola, síðan Sunnan kul, úrkomulaust, hiti -2 til +4 stig.

13-14: Suðvestan hvassviðri, stormur, fárviðri í kviðum, litilsáttar skúrir, hiti +2 til +8 stig.

15: Suðvestan stinningsgola, kaldi, síðan breytileg vindátt, NNV, SSA, gola, kul, úrkomulaust, hiti +1 til +5 stig.

16-17: Suðvestan eða S, kaldi, stinningsgola, rigning, skúrir, sem mældust ekki, hiti -0 til +11 stig.

18: Sunnan stinningskaldi, allhvasst, síðan norðan gola með rigningu, slyddu og síðan snjókomu, hiti frá +11 og niður í 1 stig.

19-24: Suðlægar eða breytilegar vindáttir , SA, S, SV, kaldi, stinningsgola, gola, kul, slydda, rigning, skúrir, úrkomulaust, þ.20 og 24. Hiti +0 til +12 stig.

25-29: Norðlægar eða breytilegar vindáttir, stinningsgola, gola, kul eða andvari, rigning, snjóél, úrkomulaust, 27, 28 og 29. Hiti +10 niðurí -1 stig.

30: Norðaustan stinningskaldi eða kaldi, lítilsáttar él, hiti +1 til +4 stig.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Reykjarfjörður-11-09-2002.
  • Flatur ísjaki frekar lár sést frá Litlu-Ávík, er um það bil 5 til 6 Km austur af Sæluskeri Og um 20 Km frá landi. 13-06-2018.
  • Lagðar lagnir í grunn.24-09-08.
Vefumsjón