Fleiri fréttir

Jón G. Guðjónsson | sunnudagurinn 24. febrúar 2008 Prenta

Alþjóðlegt atskákmót verður í Djúpavík.

Frá Djúpavík.
Frá Djúpavík.
1 af 3
Skákfélagið Hrókurinn tilkynnir.

Minningarmót Páls Gunnarssonar í Djúpavík 20.-22. júní

Skákfélagið Hrókurinn heldur opið alþjóðlegt atskákmót í Djúpavík í Árneshreppi á Ströndum, helgina 20.-22. júní til minningar um Pál Gunnarsson, einn af stofnendum Hróksins. Mjög vegleg verðlaun eru í boði og margvísleg hátíðahöld í tilefni af mótinu.

Minningarmót Páls Gunnarssonar er haldið í samvinnu við fjölskyldu Páls og eru heildarverðlaun á mótinu 500 þúsund krónur. Veitt verða verðlaun í mörgum flokkum, enda er mótið opið áhugamönnum á öllum aldri.

Meðal keppenda verða bæði erlendir og innlendir meistarar, en hægt er að skrá sig til þátttöku hjá Róbert Harðarsyni í chesslion@hotmail.com.

Teflt verður í ævintýralegu umhverfi í gömlu síldarverksmiðjunn í Djúpavík. Keppendum verður að auki boðið upp á skoðunarferðir um Árneshrepp, haldnir verða tónleikar, ljósmyndasýning opnuð, og slegið upp ósvikinni veislu að hætti Strandamanna.

Gistingu er hægt að fá í Hótel Djúpavík og víðar í Árneshreppi, auk þess sem tjaldstæði er í Trékyllisvík og Norðurfirði. Gestir í Árneshreppi, sem er afskekktasta sveit á Íslandi, eiga í vændum að kynnast stórbrotinni náttúru og sögu við ysta haf.

Dagskrárstjóri hátíðarinnar er Sigrún Baldvinsdóttir (sigrun.baldvinsdottir@reykjavik.is, sími 698-7307) og mun hún m.a. hjálpa fólki við að finna gistingu og veita upplýsingar um hátíðina að öðru leyti.

Páll Gunnarsson (1961-2006) tók þátt í stofnun Hróksins 1998 og tefldi flestar skákir allra liðsmanna félagsins á Íslandsmóti skákfélaga. Páll, sem ættaður var af Ströndum, var einn traustasti liðsmaður Hrókins og tók virkan þátt í skáklandnáminu á Grænlandi. Með mótinu vilja vinir hans, félagar og fjölskylda heiðra minningu þessa góða drengs.

Athugasemdir

Atburðir

« 2020 »
« September »
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Úr myndasafni

  • Viðurinn var tekinn í Skriðuvík.
  • Séð til Reykjaneshyrnu og Ávíkurnar.
  • Úr Sætrakleyf eftir mokstur.Kristján á ýtunni varð að byrja uppá klettabeltinu til að byrja að moka þar niðrá veg.07-04-2009.
  • Alexsander Hafþórsson setur eingangrun í loft.12-12-2008.
  • Norðurfjarðabæjirnir og Steinstún 10-03-2008.
Vefumsjón