Lífshlaupið er heilsu- og hvatningarverkefni á vegum ÍSÍ en þar eru landsmenn hvattir til þess að huga að daglegri hreyfingu og aukningu hennar eins og kostur gefst. Keppninni er þannig skipt niður í grunnskólakeppni, framhaldsskólakeppni, vinnustaðakeppni og einstaklingskeppni. Hver keppni hefur svo sína undirflokka.

Síðast liðinn föstudag voru verðlaun veitt fyrir Lífshlaupið og bar Árneshreppur sigur úr bítum í vinnustaðakeppninni með hlutfallið 40,38 en þar á eftir kom Skagabyggð með hlutfallið 27,62. Árneshreppur hafði því nokkra yfirburði í þeirri keppni. Þess má einnig geta að grunnskóli Súðavíkur hafnaði í fjórðasæti í flokki 3-69 nemenda í grunnskólakeppninni.

Lárus Blöndal, forseti ÍSÍ, fór yfir helstu tölfræði og afhenti sigurvegurum verðlaunaplatta ásamt Hafsteini Pálssyni, formanni almenningsíþróttasviðs ÍSÍ.

Litli Hjalli óskar Árneshreppi innilega til hamingju með árangur og framtakssemi.

selma@litlihjalli.is