Fleiri fréttir

Jón G. Guðjónsson | þriðjudagurinn 22. febrúar 2005 Prenta

Árshátíð félags Árneshreppsbúa í Reykjavík.

Árshátíð félags Árneshreppsbúa verður haldin laugardaginn 5.mars í Bræðraminni, Kiwanishúsinu, Engjateig 11, Reykjavík. Húsið verður opnað klukkan19, borðhald hefst hálftíma síðar.
Forsala aðgöngumiða og borðapantanir verða í Kiwanishúsinu Engjateig 11,
laugardaginn 26. febrúar milli klukkan 14 og 16. Gestir utan af landi geta pantað miða hjá Snorra Torfasyni, sími 660 3531, og hjá Gíslínu Gunnsteinsdóttur í síma 5672678.
Verð aðgöngumiða er kr. 5.000 fyrir matargesti en að borðhaldi loknu þarf hver sá sem hug hefur á að blanda geði glaðbeitta Strandamenn að reiða fram 1.500 krónur.
Matseðill kvöldsins er girnilegur að vanda;
Forréttur: Parma skinka á salatbeði og melónu framreitt með hvítlauksbrauði og graslauksósu.
Aðalréttur: Heilsteikt logandi lambalæri (niðursneitt í sal) borið fram með kartöflum, grænmeti og sósum að eigin vali.
Eftirréttur: Kaffi og konfekt.
"Heilsað með vinstri" nefnist skemmtidagskrá árshátíðarinnar en hana flytur Laddi ásamt Hirti Howser, undirleikara. Skemmtidagskráin hefst um leið og gestir koma í húsið og stendur þar til borðhaldi lýkur. Laddi kemur fram í sínum þekktustu "karekterum". Munu hinar persónur Ladda birtast hér og þar í salnum, gestum algjörlega að óvörum og blanda geði við þá og sprella á meðal gesta.
Að borðhaldi loknu tekur hljómsveitin Pónik við ásamt Ara Jónssyni söngvara og Strandamanni og leika og syngja til klukkan 3 um nóttina.

Athugasemdir

Atburðir

« 2026 »
« Nóvember »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Úr myndasafni

  • Hafís í Trékyllisvík og séð til Norðurfjarðar.
  • Steinstún-2002.
  • Séð yfir Norðurfjörð.
  • Gunnsteinn heldur tölu tilkonu sinnar,við undirspil Hilmars.
  • Kaupfélagshúsið-Íbúðir- Reykjaneshyrna í baksýn. Mynd 20-02-2017.
  • 09-08-2026.Borgarísjaki útaf Norðurfirði 4.KM V frá Litlu-Ávík.
Vefumsjón