Birta Líf Kristinsdóttir Veðurfræðingur. Mynd VÍ.

Bændur hafa minnst á það við fréttamann Litlahjalla og veðurathugunarmann í Litlu-Ávík, að þeir vildu fá Birtu Líf Kristinsdóttir veðurfræðing í veðurfregnir í RÚV sjónvarpsfréttum aftur. Þeir segja að Sigurður Jónsson og Hrafn Guðmundson feðurfræðingar séu ómögulegir,bara með lægðir og úrkomu í kortunum. Í daginn þegar Birta Líf lýsti veðurlýsingu í sjónvarpsfréttum gerði nokkuð gott veður og úrkomulítið og náðu bændur þá þessu litla heyji upp í rúllur sem búið er að ná. Enn nú biðla bændur til Birtu Lífar að fara nú að lýsa veðurfregnum aftur, þá með hæð yfir landinu og úrkomulausu veðri, svo sé nú hægt að fara að hugsa um heyskap að einhverju viti aftur hér á Ströndum.