Mynd frá fyrsta flugi hjá Ernum á Gjögur 2 janúar 2007.

Frá áramótum hafa flug­sam­göng­ur gengið erfiðlega norður í Árnes­hrepp á Ströndum og oft hefur þurft að fresta eða aflýsa flugi.

Í umfjöllun um sam­göngu­mál Stranda­manna í Morg­un­blaðinu í dag seg­ir Ásgeir Örn Þor­steins­son, markaðsstjóri Ern­is, að frá ára­mót­um hafi tíðarfarið verið ein­stak­lega erfitt. Í gær þurfti að fresta flugi til dags­ins í dag þar sem brem­u­skil­yrði voru ófull­nægj­andi á flug­vell­in­um á Gjögri.

Ásgeir seg­ir að í vet­ur hafi þessu flugi verið sinnt með flug­vél frá Mý­flugi með sæti fyr­ir átta farþega. Í vik­unni hafi komið upp milli­bils­ástand og Mý­flug geti ekki sinnt þessu flugi út vet­ur­inn. Því hafi verið leitað annarra leiða og niðurstaðan sé sú að þessu flugi verði að mestu sinnt með 19 farþega vél­um Ern­is á næst­unni. Frá þessu er greint á MBL.is