Oddný fyrrverandi oddviti og Eva núverandi oddviti.

Eva Sigurbjörnsdóttir hótelstýra á Hótel Djúpavík bauð sveitungum sínum til kaffisamsætis á hótelinu í fyrra dag sunnudaginn 22. júní til heiðurs Oddnýju S Þórðardóttur fyrrverandi oddvita hreppsins. Eva var löngu búin að ákveða þetta áður en hún vissi að hún yrði næsti oddviti Árneshrepps. Oddný var oddviti Árneshrepps í átta ár eða tvö kjörtímabil og Eva var varaoddviti síðustu fjögur árin. Eva hélt smá tölu og þakkaði Oddnýju fyrir frábær störf í þágu hreppsins og gott samstarf við alla í fyrri hreppsnefnd. Oddný Þ þakkaði einnig fyrra samstarfs fólki sýnu fyrir gott samstarf og óskaði nýjum oddvita velgengni í nýju starfi. Vel var mætt af hreppsbúum í kaffisamsætið á Hótel Djúpavík.