Mynd Lögregluvefurinn.

Á árinu 2008 voru alls 38 ökumenn kærðir, í umdæmi lögreglunnar á Vestfjörðum, vegna gruns um akstur undir áhrifum fíkniefna eða vera með leifar fíkniefna í blóði eða þvagi.  Jafngildir þetta því að þrír ökumenn hafi verið kærðir fyrir þetta brot í hverjum mánuði síðasta árs.

Á árinu 2007 voru 5 ökumenn kærðir í sama umdæmi fyrir þetta brot á umferðarlögum.  Rétt er að geta þess að eftirlitsaðferðum var breytt  í lok ársins 2007 og hefur þeirri aðferðarfræði verið beitt allt árið 2008 með fyrrgreindum árangri.

Lámarksviðurlög við brotum sem þessum er þriggja mánaða ökuleyfissvipting og 70.000.- króna sekt.