| þriðjudagurinn 19. ágúst 2008 Prenta

Fjölskyldan á Melum sópaði til sín verðlaunum

Björn bóndi sigraði á Meistaramótinu í hrútaþukli 2008.
Björn bóndi sigraði á Meistaramótinu í hrútaþukli 2008.
Fjölskyldan frá Melum var sigursæl á Meistaramótinu í hrútaþukli sem fram fór á Hólmavík á sunnudaginn. Björn bóndi Torfason hlaut aðalverðlaunin, sem Kristján Albertsson á Melum II hefur unnið síðustu tvö árin. Björn sigraði einmitt þegar keppnin var haldin í fyrsta sinn, árið 2003.

Melabændur hafa því hampað titlinum samtals fjórum sinnum á sex árum. Mótið var haldið á vegum Sauðfjársseturs á Ströndum undir stjórn Jóns Viðars Jónmundssonar ráðunauts. Góð þátttaka og mikill áhugi var á mótinu, enda yfirlýst markmið að hrútaþukl verði keppnisgrein á Ólympíuleikunum í London árið 2012.

Árný Björnsdóttir gerði sér lítið fyrir og sigraði í flokki óvanra og Guðmundurn Björnsson bróðir hennar vann bronsverðlaun.

Frábær árangur, en kemur ekki allskostar á óvart, enda Melabændur þekktir fyrir frábæran árangur við sauðfjárrækt. En á Melum er sem sagt ekki bara ræktað fyrsta flokks sauðfé, heldur líka fyrsta flokks bændur framtíðarinnar!

Athugasemdir

Atburðir

« 2021 »
« ágúst »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Úr myndasafni

  • Karlar í saumaklúbb á Bergistanga 16-01-2010.
  • Félagsheimilið í Trékyllisvík:26-06-2010.
Vefumsjón