Mikið hefur snjóað síðan eftir hádegi í gær og fram yfir hádegi í dag,það fór að stytta upp um hádegið í dag alveg eins og veðurspáin frá Veðurstofu Íslands hljóðaði upp á. Flug tókst því á Gjögur og vörur komu og farþegar komust suður sem bókaðir voru með Ernum. Mokað var frá Norðurfirði til Gjögurs og var það talsverður snjór. Einnig var mikill mokstur á Gjögurflugvelli. Mjög slæm veðurspá er framundan á morgun og aðallega á laugardaginn,nánar verður farið yfir veðurspá á morgun en fólk er beðið að fylgjast vel með veðurspám.