Flugslysaæfing á Gjögurflugvelli.
Fréttatilkynning frá Isavia.
Flugslysaæfing verður haldin á Flugvellinum á Gjögri þann 19. október næstkomandi. Æfingin er haldin af Isavia, almannavörnum ríkislögreglustjóra og lögreglunni á Vestfjörðum. Dagskráin samanstendur af skyndihjálparkennslu á föstudagseftirmiðdeginum og eldvarnarfræðslu fyrir hádegi á laugardegi í félagsheimilinu. Flugslysaæfingin sjálf er síðan eftir hádegi á flugvallarsvæðinu sjálfu.
Við viljum hvetja alla íbúa á svæðinu og nágrannasvæðum til að taka þátt í æfingunni og fræðsluviðburðunum í tengslum við hana auk þess sem allir viðbragðsaðilar skráðir í Flugslysaáætlun flugvallarins eru boðaðir. Að sögn Elvu Tryggvadóttur æfingarstjóra er mikilvægt að við tökum höndum saman og eflum hið góða samstarf allra, til að vera vel í stakk búin að takast á við slys og eldsvoða sem geta komið upp á svæðinu.
