Nú í vikunni lýkur frágangi á þekju og lögnum í Hólmavíkurhöfn sem augýst var til útboðs sl. vor. Er þar með lokið endurbyggingu sem hófst í fyrra þegar  boðinn var út rekstur á stálþili utan um bryggjuhausinn. Verktaki við fráganginn var Stálborg ehf. í Hafnarfirði sem átti lægra boð  af þeim tveimur sem bárust. Örlítið bættist við verkhlutann en því lauk innan tímamarka. Frá þessu er sagt á vef Siglingastofnunar.