Jón G. Guðjónsson | miðvikudagurinn 14. nóvember 2012 Prenta

Fyrirlestur um verkalýðsfélög í Strandasýslu.

Sigurður Pétursson sagnfræðingur.
Sigurður Pétursson sagnfræðingur.
Sigurður Pétursson sagnfræðingur flytur fyrirlestur í Hnyðju, í Þróunarsetrinu á Hólmavík, í dag miðvikudag 14. nóvember klukkan 17 um verkalýðsfélög í Strandasýslu. Sigurður dvelur þessa dagana í Skelinni, fræðimannaíbúð á vegum Þjóðfræðastofu á Hólmavík. Hann vinnur að ritun sögu Verkalýðshreyfingarinnar á Vestfjörðum, á vegum Alþýðusambands Vestfjarða og Verkalýðsfélags Vestfirðinga. Fyrsta bindi sögunnar, Vindur í seglum, kom út árið 2011. Annað bindi verksins er væntanlegt á næsta ári og nær yfir tímabilið 1930-1970. Fyrirlesturinn er öllum opinn.

Verkalýðshreyfingin nam land í Strandasýslu í miðri kreppunni miklu. Fjögur verkalýðsfélög voru stofnuð þar á árunum 1934-1935: Verkalýðs- og smábændafélag Hrútfirðinga 16. febrúar 1934, Verkalýðsfélag Hólmavíkur 8. mars 1934, Verkalýðsfélag Selstrandar, síðar Verkalýðsfélag Kaldrananeshrepps 17. júní 1934 og Verkalýðsfélag Árneshrepps 2. nóvember 1935. Nánar má lesa um fyrirlesturinn á hinum ágæta vef www.skutull.is

Athugasemdir

Atburðir

« 2021 »
« ágúst »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Úr myndasafni

  • Flotbryggjan í smábatahöfninni á Norðurfirði-18-08-2004.
  • Sveindís Guðfinnsdóttir Flugvallarvörður.
  • Mikið til búið að klæða þak.12-11-08.
  • Borgarísjaki ca 20 km frá landi 14-09-2001.
  • Jón Guðbjörn ætlar að fara að mæla sjávarhita. Mynd Kristín Bogadóttir.30-10-2015.
  • 29-12-2010.Borgarísjakinn Jóli ca 8km A af Reykjaneshyrnu.Myndin tekin á Reykjanesi.
Vefumsjón