Gott sumar hjá Ferðafélaginu.
Talsvert hefur verið um að vera í húsi Ferðafélags Íslands Valgeirsstöðum í Norðurfirði í sumar. „Að sögn Olgu Zoega Jóhannsdóttir skálavarðar á Valgeirsstöðum,en þetta er annað sumarið sem hún er skálavörður þar,hefur þetta bara verið ágætt í sumar og svipaður fólksfjöldi og síðastliðið sumar. Þetta er allavegana fólk sem kemur,göngufólk,fjölskyldur,tjaldbúar innlendir sem erlendir. Ferðafélag Íslands var fyrst til að bjóða uppá gistingu í Norðurfirði ásamt því,að vera eini ferðaþjónustuaðilinn á svæðinu með sérútbúnum rafmagnsstaurum fyrir fellihýsi og hjólhúsaeigendur,rafmagnstenglar voru settir upp sumarið 2010. Fólk notar rafmagnið til að kynda húsin,hlaða rafgeyma og farsíma,segir Olga.“ Hús FÍ í Norðurfirði nefnist Valgeirsstaðir og er gamall bóndabær í góðu standi. Það stendur við botn Norðurfjarðar,rétt ofan við fallega sandfjöru.
Ferðafélag barnanna kemur árlega á Valgeirsstaði í gönguferðir,fjöruferðir og halda kvöldvökur,og einnig kveikja varðeld og söng,veiði og glens og grín. Börnin fá að njóta sín í friðsælu umhverfi og allir taka þátt á sínum forsendum. Þau eru einnig þáttekendur í listasmiðju,þar sem eingöngu er notaður efniviður úr nánasta umhverfi,og ímyndunaraflið hefur lausan tauminn. Einn af fararstjórunum tvö undanfarin ár í þessum ferðum hefur verið Auður Elfa Kjartansdóttir landfræðingur hjá Veðurstofu Íslands.
Hér má sjá hlekk á FI.is Ferðafélag barnanna.
