Vegurinn í Urðunum í vetur.

Vegurinn hér í Árneshreppi var mokaður í morgun frá Norðurfirði til Gjögurs. Talsvert snjóaði í gærkvöldi og fram á morgun,en þá fór að rigna ofaní allt saman. Talsvert snjóflóð féll í Urðunum rétt efst í Stórukleifabrekkunni nokkru eftir eitt í dag,það sást úr Kaupfélaginu þegar það féll og spýttist yfir veginn og framaf sjávarmegin. Pósturinn var alveg nýlega búin að fara þarna um eftir að hann sótti Póstinn til Norðurfjarðar og fara með í flug,einnig voru tveir farþegar með honum. Ekki verður reynt að opna þarna aftur fyrr enn í fyrsta lagi í kvöld eða í fyrramálið segir Jón Hörður Elísson hjá Vegagerðinni á Hólmavík,þegar mesta hættan er liðin hjá þegar kólnar í kvöld. Einnig var byrjað að opna veginn frá Kjörvogi til Djúpavíkur en því var hætt vegna snjóflóða og snjóflóðaspýja sem voru að falla úr hlíðunum á veginn og moksturstæki snúið frá.