Jón G. Guðjónsson | fimmtudagurinn 14. janúar 2010
Prenta
Hafís var í gær 17 sml út af Geirólfsgnúpi.
Á gervihnattamynd frá því í gærkvöldi (13. janúar) kl. 22:45 sést að gisinn ís er um 12 sml frá Hornbjargi og ístunga með þéttum ís er um 17 sml út frá Geirólfsgnúpi. Ístungan sem teygir sig í átt að Straumnesi hefur fjarlægst og er nú 24 sml frá landi.
Austlæg átt verður í dag og á morgun, en á laugardag norðlæg átt. Á sunnudag og fram á mánudag er búist við suðvestanátt, en eftir það er útlit fyrir að austlæg átt verði ríkjandi.
Sjófarendur eru beðnir um að fara að öllu með gát.
Þetta kemur fram á hafísvef Veðurstofu Íslands.