Frá vegagerð í Árneshreppi.

Á stjórnarfundi 30. maí síðastliðinn hjá Fjórðungssambandi Vestfirðinga ákvað stjórn FV að styðja efni þingsályktunar um heilsársveg í Árneshrepp.  Staða samgöngumála í Árneshreppi hefur verið til umfjöllunar um árabil án afgerandi niðurstöðu og kröfur nútímasamfélags gera það að verkum að núverandi lausnir með lágmarks áætlunarflugi og árstíðabundinni opnun vegarins gengur freklega gegn jafnræði íbúa sveitarfélagsins gagnvart öðrum landsmönnum.