Lömb vigtuð í Litlu-Ávík.

Bændur hafa verið að smala heimalönd sín í liðinni viku og í þessari viku. Sláturlömb eru nokkuð misjöfn miðað við vigt en öll lömb eru vigtuð áður en sleppt er út á tún aftur. Allavega er vigt lægri en í fyrra en þá var mjög góður fallþungi,þrátt fyrir hina miklu þurrka sem voru í fyrrasumar. Búið er að láta sláturlömb á tvo bíla frá tveim bæjum sem fór í slátrun á Blönduósi hjá SAH Afurðum ehf.,í liðinni viku. Einnig verður sett á einn bíl frá tveim bæjum næstkomandi fimmtudag,það sláturfé fer í slátrun hjá Kaupfélagi Vestur Húnvetninga (KVH),á Hvammstanga.

Fyrstu skylduleitir verða um næstkomandi helgi,þegar leitað verðu norðursvæðið,Ófeigsfjarðarsvæðið og réttað í Melarétt laugardaginn 14 september. Sjá nánar hér.