Ávíkurstöð Fjarskiptastöð við Litlu-Ávík.

Bilun kom upp í gær í Ávíkurstöð Símans í Árneshreppi þannig að allir heimilissímar á bæjum í Árneshreppi duttu út. Fyrst var talið að örbylgjusamband hefði rofnað en síðar kom í ljós að um bilun var að ræða í Ávíkurstöð, fjarskiptastöðinni í Árneshreppi. Vitað er að bilunin varð á milli klukkan 09:00 og 10:00 í gærmorgun því sjálfvirka veðurstöðin á Gjögurflugvelli sendi veðurskeyti kl.09;00 en ekki kl. 10:00. Það skal tekið fram að GSM símar og netsamband er. Samkvæmt Stjórnstöð Símans ætti maður að koma norður í dag til að gera við.