Sæmilegasta veður gæti orðið á gamlárskvöld.

Það var kalt í nótt, á veðurstöðinni í Litlu-Ávík og fór frost niður í 9 stig, eða nákvæmlega -8,6 stig, en við jörð fór það í -12,6 stig. Í gær eftir hádegið gerði hundslappadrífu fram eftir degi. Vegurinn er talinn fær norður í Árneshrepp. Þegar fer að hreifa vind eitthvað að ráði er nú hætt við að þessi hálfgerði nýji púðursnjór fari að skafa. Það lítur sæmilega út með veður hér á Ströndum á gamlárskvöld. Annars er veðurspáin þessi í dag og á morgun og á nýársdag frá Veðurstofu Íslands:

Austlæg eða breytileg átt 3-8 en norðaustan 5-13 í kvöld. Stöku él, einkum á annesjum. Breytileg átt, 3-8 og þurrt síðdegis á morgun. Frost 3 til 14 stig, kaldast í innsveitum. Á mánudag (nýársdagur): Breytileg átt, víða hæg. Bjartviðri að mestu, en stöku él við NA- og A- ströndina. Kalt í veðri, einkum inn til landsins.