Veðurspáin fyrir Strandir og Norðurland vestra hljóðar uppá Norðan 8 til 13 m/s í kvöld með slyddu í kvöld og í nótt og á morgun er spáð  norðan hvassviðri eða stormi með snjókomu og slæmu ferðaveðri,segir í veðurspá Veðurstofu Íslands. Atkvæði úr Árneshreppi ættu nú að sleppa suður í Borgarnes áður en veður versnar fyrir alvöru í kvöld,það er oft búið að kjósa hér í Árneshreppi snemma eða uppúr nóni eða ekki seinna en um fimmleitið. Vegur er fær suðurúr úr hreppnum því mokað var í morgun,en mokað var í gær einnig en það gerði ófært á Veiðileysuhálsi  í gærkvöld þegar skóf mikið í SV,áttinni. Það má segja að mokað hafi verið norður annan hvern dag undanfarið en alltaf gert ófært aftur.