Leki kom að vélbátnum Sörla ÍS 66.
Sörli ÍS 66 sendi út neyðarkall um klukkan níu í morgun gegnum sjálfvirku tilkynningaskylduna.
Stjórnstöð landhelgisgæslu og vaktstöð siglinga ræstu strax út björgunarsveitir og báta frá Skagaströnd,Drangsnesi og Norðurfirði á Ströndum.
Dagrún ST 12 var í um tveggja tíma siglingu frá Sörla og stefndi á staðin.
Töluverður leki var í vélarrúmi Sörla.
Dálítill sjór var á þessum slóðum í morgun.
Sædís ÍS 67 kom fyrst að Sörla eða um hálf ellefu og tók þá Sörla í tog ásamt Dagrúnu og drógu bátin inn til Norðurfjarðar.
Skömmu síðar var svo aðstoð björgunarskipsins Húnabjargar frá Skagaströnd og björgunarbátsins Pólstjörnunnar frá Drangsnesi afturkölluð.
Vélbáturin Sörli er gerður út á grásleppu frá Norðurfirði og eru tveir um borð sem sakaði ekki í þessu óhappi.
