Það var mikill póstur í dag í Árneshrepp.

Flogið var í dag í ágætisveðri á Gjögur. Þetta var næstsíðasta flug fyrir jól hjá Flugfélginu Ernum, en síðasta flug fyrir jól verður þriðjudaginn 22 desember. Mikil bréfapóstur og pakkapóstur kom að sunnan í þessari ferð og því nóg að gera á pósthúsinu 524 Árneshreppi. Þau Nanna V Harðardóttir og Jón G Guðjónsson höfðu því nóg að gera í að sortera póst og Jón G síðan að koma pósti og pökkum á heimili Árneshreppsbúa. Það verður varla svona mikill póstur í síðustu póstferð fyrir jól þann 22 heldur Jón G póstur.