Mikilli úrkomu spáð á Ströndum.
Veðurstofan spáir mikilli úrkomu hér á Ströndum næstu 3 daga, og er búið að tala við veðurathugunarmann á veðurstöðinni í Litlu-Ávík, og hann beðinn að láta vita þegar óvenju mikil úrkoma hefst. En spáð er Norðan eða Norðaustan 13-18 m/s seinnipartinn á morgun, með hita 8 til 13 stig. og dálítil rigning, en bætir í úrkomu síðdegis. Hiti 8 til 13 stig.
Sjá og fylgist með veður og úrkomuspá hér á vefnum sem er beintengd Veðurstofu Íslands. Fyrst að smella á Veðurspá sem er vinstra megin á síðunnu, þá kemur sjálfvirka stöðin á Gjögurflugvelli, smellið síðan Fleiri veðurspár, þá kemur upp kort Hitaspá, Vindaspá og síðan Úrkomuspá sem þið getið valið um. Veðurathugunarmaður í Litlu Ávík mun jafnvel mæla úrkoma oftar en tvisvar á sólarhring ef þurfa þikir, jafnvel 4 sinnum, ef þessi mikla úrkomuspá rætist sem gætu náð allt að 300 til 400 mm á tveim sólarhringum.
