Mjaldur var að damla við Bekkina á Bassastöðum í morgun  um tíu leitið að morgni kjördags voru þessar myndir teknar en  þá var hann að leggja af stað að kjósa á Drangsnesi en líklega verður hann að kæra sig inn á kjörskrá því ekki var tekið eftir honum þar við yfirferð sveitarstjórnar  fyrir skömmu,hann er bæði þéttur á velli og sakleysislegur og svipar mjög til Sigmundar Davíðs enda lét hann ekki myndasmiðinn hafa nein  áhrif á stefnuna hélt bara sínu striki einbeittur hvernig sem að honum var sótt. Mjaldurinn er mjög sjaldséður við Ísland  heldur sig mest í norður Íshafinu enda vel feitur en fitan er líklega um 40 prósent af þunga dýrsins. Myndirnar tók Guðbrandur Sverrisson á Bassastöðum.