Fleiri fréttir

Jón G. Guðjónsson | mánudagurinn 5. janúar 2015 Prenta

Mugison á Mölinni.

Mugison mun heiðra Strandamenn með nærveru sinni á Malarkaffi á Drangsnesi.
Mugison mun heiðra Strandamenn með nærveru sinni á Malarkaffi á Drangsnesi.

Önnur atlaga að þrettándu tónleikum Malarinnar verður gerð laugardagskvöldið 10. janúar, en eins og kunnugt var jólatónleikum Svavar Knúts aflýst vegna veðurs. Í þessari annarri útgáfu af þrettándu Mölinni ætlar enginn annar en Mugison að heiðra Strandamenn með nærveru sinni á Malarkaffi á Drangsnesi.

Mugison þarf ekki að kynna fyrir nokkrum manni. Hann hefur um árabil verið einn vinsælasti tónlistarmaður landsins og hafa plötur hans selst í bílförmum. Mugison vakti fyrst athygli árið 2003 þegar hann gaf út plötuna Lonely Mountain sem hann reiddi fram í heimasaumuðu umslagi. Tónlistargrúskarar voru ekki lengi að átta sig á að þarna var eitthvað alveg sérstakt á ferðinni og í fljótlega í kjölfarið snerti Mugison streng í hjarta íslensku þjóðarinnar sem hann hefur haldið í allar götur síðan. Eftir Lonely Mountain hafa komið út plöturnar Mugimama is this Monkeymusic?, Mugiboogie og nú síðast Haglél sem seldist í yfir 20 þúsund eintökum. Allar hafa þessar plötur fallið í mjúklega í kramið jafnt hjá hlustendum sem og gagnrýnendum.


Mugison kemur, eins og áður sagði, fram á Mölinni á Malarkaffi laugardagskvöldið 10. janúar. Venju samkvæmt mun Borko ríða á vaðið og flytja lög úr sinni smiðju í upphafi tónleikanna.

Tónleikarnir hefjast kl. 21:30 en húsið opnar hálftíma fyrr. 
Miðaverð er 2000 kr.

Athugasemdir

Atburðir

« 2021 »
« Janúar »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Þegar snjór og sjór koma saman.08-01-2001.
  • Hótel Djúpavík-16-08-2006.
  • Borgarísjakinn við Lambanes 30-09-2017.
  • Sundlaugin Krossnesi og hafís 15-03-2005.
  • Drangajökull séð frá Litlu-Ávík.05-02-2008.
Vefumsjón