Mjög skemmtilegt leikrit.

« 1 af 2 »

Leikfélag Hólmavíkur sýndi í kvöld í Félagsheimilinu í Trékyllisvík, leikritið Nanna systir. Vel var mætt á sýninguna miðað við fólksfjölda í hreppnum. Góður rómur var gerður að sýningunni. Leikfélagið er búið að sýna leikritið víða um land og var þetta lokasýningin.

Leikarar eru tíu; fimm konur og fimm karlar. Sumir þeirra eru gamalreynd og aðrir eru að stíga sín fyrstu skref á leiksviði með Leikfélagi Hólmavíkur. Sögusvið Nönnu systur er samkomuhús í íslensku sjávarþorpi árið 1996. Þar stendur til að setja upp söngleik um Fjalla-Eyvind. Óvæntar heimsóknir og uppákomur setja þó strik í reikninginn. Það gengur á ýmsu og útkoman er vægast sagt skrautleg.